الجمعة، 30 يوليو 2010

أفضل أنواع مجففات الشعر

تحديث: كلولولولولووووولييييييييييييش

اخيرا لابتوبي رد بالسلامة


-------------------------------------

السشوار الي عندي مات الله يرحمه

كنت شاريه واحد من براون حبيته بس بسرعه احترق

وجربت وايد انواع بس اروح وارد على باناسونيك

هذا احسن واحد عندي لانه سرييييييييع ومريح

وجربت ماركة GEEPAS

بسرعه يخترب واذا صار حار يذوب على الشعر!

فنصيحة لحد يستخدم من هالماركه

ابي اسألكم شنو احسن نوع استخدمتوه؟

وشنو ماركته؟


وعندي سؤال ثاني

من زمان وانا ادور على الـ Curling Iron

بس الي يكون واااايد عريض حتى مو نفس الي بالصوره

اعرض منه

مو لاقيته .. ما مر عليكم؟!


واخر شي الي عندها اي اقتراح لافضل انواع مجففات الشعر تفيدنه

هناك 15 تعليقًا:

رورو الشخبوطه يقول...

امم الله يرحمه..

اختي تسوي شعرها بفير السيراميك جربت اكثر من نوع احسنه اللي تتحكمين بحرارته بس ماتعرف اسمه..

وعن نفسي ماحب استخدمه يطلع شعري مو حلو جنه لاحسته صخله :\

ومال الكيريلي يمدحون مال كليرز بس راسه رفيع وشفت بنات مستخدمينه شعورهم مو ناعمه طلع جنه مسوينه بصالون ماشاءالله بس جنه في مشكله ببلاكه يبيله راس معين..

الخلاصه روحي الجوثن اضمن وهم في واحد مادحينه لي بس نسيت اسمه يصير اكثر من راس تتحكمين فيه بس نسيت لانه من زمان :\

الوتيــــــــــن يقول...

الله رحمه

آنا السيراميك اللي عندي طقه طقتين والشعريلمع شحلوة .. بس مو درجات درجة وحده .. حااااار .. يبته من الجوثن ماركته اسمه سيراميك :)

الفير اللي قلتي عنه جني عرفته .. بس حديده او كروم طالعة مافيها اللي مسك الشعر .. وايي معاها دسوس علشان الحرارة .. رفيجتي يابته من عالنت

نفس هاذا

http://image.made-in-china.com/2f0j00RIUaErQMWTVj/Hair-Curling-Iron-HD-504-.jpg

عالنت أرخص واحلى
لو ماحصلتي شوفي بالنسايم او الجوثن :)

alB6h يقول...

مبررررروك والحمدلله على سلامته:p

والله يرحمه لوووول
انا ما استخدم المجفف ونادر ما استخدمه ..
انا همن عندي باناسوينك شكثر يطيح من ايدي بس لما الحين في روح :D

يعطيج العافية

غير معرف يقول...

عاد انا حاط ببالي الأسبوع الياي أروح اخذ استشوار.. لحظة جاي في فرق بين مجفف الشعر والاستشوار؟ لأنج حاطة صور الي شكله على مشط ف هل هذا مجفف؟ ولا قصدج الاستشوار العادي؟ ع العموم اذا تنطرين الأسبوع الياي بروح آخذلي واحد لأن الي عندي احسه مو قوي وبالمرة اسألج وأقولج شنو أحسن نوع..

غير معرف يقول...

مبرووووووووك ؛)
بالنسبة لي احسن نوع باناسونيك يكد.
يعطيج العافية =]

غير معرف يقول...

<<<< هديل ؛)

ROro Mania يقول...

الفير
بنت اختي تستخدم مال كليرز,,

السشوار احسن شي ماركة براون :)

koko يقول...

الحمدلله على سلامته
---
اممم انا استخدم نوع براون وماشي حاله

ميمة السبيت يقول...

** احسن شي باناسونيك صاجه ، انا اسوي بالمسدس مال الصالونات وايد احسن

نـ(المطيري)ـازكـ يقول...

ههههههه والله حالتج كسيفة ..

كل مايتصلح شي يخرب الثاني ههههه

والله شكلج معذبتهم خخخخخخخ

انا الصراحة نادر ما استعمل السيراميك ..

والمجفف استعملة بعد ما اطلع من الدش ع السريع ومن بعيد ..

لاني اخاف ع شعري << يعني ضل شعر ..؟ هههههه


سوي كيراتين وفكي عمرج ^_^

Maram يقول...

الله يرحمه لوووول

احسن سشوار ماركة براون

يعطيج العافية

خدمات البحث العلمي يقول...

انا من قريب كنت ماخذه دورة شعر كانت تقولنا المدربه ان افضل استشوار هو اللي يكون على شكل مسدس زي اللي يكون بالمشاغل والكوافيرات ودربتنا عليه وصار الشعر يهبببببل وما يخرب بسهوله

السرعه اتوقع 3000 وات

انا عندي 9000 بس متعب لانه حار بقوه

مهرة سالم يقول...

السلام عليكم..
الحمدلله على سلامة الابتوب قرة عينج..
وحليله السشوار يتعوض...
...
موفقه بالسشوار اليديد
...
في أمان الله

Made n Q8 يقول...

انا حدي قديمه للحين على ناشيونال :)

Amal Kh يقول...

انا اتوقع براون احسن شي
وماجربت الباجي

فعلى قولتهم اقضب مينونك لا اييك الاين منه لوووول

ثانكس ع البوست