اولاي مسوين عرض على كريم التفتيح الطبيعي للبشره
وشريته قبل اكثر من اسبوع
واهوا عباره عن علبة فيها:
كريم النهار لتفتيح البشرة الصحي
كريم اللـيـل لتفتيح البشرة الصحي
غسول الوجه لتفتيح البشرة الطبيعي - مجاناً
وشريته قبل اكثر من اسبوع
واهوا عباره عن علبة فيها:
كريم النهار لتفتيح البشرة الصحي
كريم اللـيـل لتفتيح البشرة الصحي
غسول الوجه لتفتيح البشرة الطبيعي - مجاناً
كاتبين لازم تجربونهم لمدة 14 يوم عشان تشوفون النتيجة
رايي:
قبل كنت استخدم فير اند لفلي نفس نتيجة اولاي
بس الفرق ان اولاي يخلي الويه يكون شكله انظف وانعم
لحد الحين استخدمته لمدة 8 ايام يعني ليلحين ما خلصت الـ 14 يوم
والنتيجة ما شاءالله وايد اعجبتني
تلقونه في الجمعيات وسيتي سنتر وربعه
سعر العلبة ومحتوياتها
1.995 دينار
هناك 26 تعليقًا:
حلوحلو عليج بالعافيه وان شاءلله تلقين النتيجه اللي بترضيج :)
عن نفسي ماحب اولاي بس وايد يمدحونه اكتفي بترطيب كلير بس :)
عليج بالعافيه ..
ان شاء الله تشوفين النتيجة زينه ..
asma
الله يعافيج
ان شاءالله
اولاي جربته من قبل بس كان كريم عادي ما اذكر اذا زين او لا لان من زمان وما استمريت عليه
بس هذا وايد عجبني وينعم والويه وما يخليه جاف
جاكليته
الله يعافيج
ان شاءالله
شكرا :)
والله زين قاعده تشوفين الفرق , انا استخدم منتجات اولاي ع ايدي !!
وما اجربه ع ويهي
يعطيج العافية
ماحب منتجات الجمعيه لويهي جربت جم شغله وماستمريت عليهم..
فرند لفلي قايلين مو زين وخبري فيه القديم ع قولة ابوي ايبس الويه خخخ ..
اولاي ماجربته عندي وايد منتجات ماخلصتهم لي خلصوا ناويه ع ماركة طبيه اضمن ..
ومرسي..
** جايونه الحلوة :
- مو اي شي تحطينه حق ويهج خصوصا ملوت الجمعية اخذي ماركة طبية احسن
عجيب انا استخدمه
وفي سائل شفاف وايد حلوو يخلي بشرتج جنها جامه ;p
عليج بالعافيه
بالعافية ان شاءالله
عاد تصدقين انا ما اثق بهالمنتجات بس و الله على مدحج بجربه ان شاءالله
البطه
ما سبب لي حساسيه ولا شي حاله حال اي كريم بس النتيجه وايد حلوه :)
الله يعافيج
رورو
فير اند لفلي جربته على ويهي وكان زين بس ينشف شوي وجربته على جسمي عجيييييييييييييييب حطيه على اي مكان غامج مع السنفره ويفتح
جربت وايد ماركات طبيه ما سوولي شي ولا شفت نتيجه منهم مع اني اكمل العلبه كلها
هذا الحمدلله نتيجته وايد حلوه :)
ميمه الحلوه
بشره عن بشره تختلف
الحمدلله ما شفت منه شي
وترا مو كل شي طبي زين بعضهم بس اسم والنتيجه ولا شي
مره دكتورة جلدية قالت مو اي كريم طبي ينفع بعضهم بس يستغلون الاسم والكريم يكون مو زين وتقطين فلوس على الفاضي
وجربت كريمات طبيه ماشفت منهم نتيجه
وحتى مرطب الويه اخذيه من اي مكان نفس نتيجة الماركات الطبيه وماركات الميك اب
:)
ريحانه
اي ما شاءالله ما توقعت النتيجه راح تكون جذي :)
شنو هذا؟ من اولاي بعد؟
الله يعافيج
هوبليس
الله يعافيج
كنت اشوف دعايته قبل مده ولا مره فكرت اشتريه
ذاك اليوم اشوف الناس كلهم ياخذون فقلت اجرب شوراي وطلع صج زين :)
وتحطينه ما تحتاجين مرطب لانه ما ينشف ووايد ينعم
ديري بالك اعرف وايد بنات مع طول الاستعمال طلعت لهم كلف معروف اولاي اول شي يعطيك نتيجة حلوة وبعد مرور الوقت بتلاحظين كلف
لحظه
انا ما استخدم شي مده طويله لان ويهي بسرعه يتعود على الشي وبعدها ما يفرق مهما احطله الكريم لازم اغير
نفس معجون الاسنان لازم كل 3 اشهر يتغير :)
شكرا على التنبيه :)
عليج بالعافية ..
بس حتى فير اند لفلي احس مامنة نتيجة ..
احنا نهب بالكريم هبة بعدها نقطعه ..
المهم يصير في نتيجة .. يمكن بشرتج تتقبل اكثر من بشرة غير بشرتج ..
وااافينا بالنتايج لوووول
دير بالج لا يكون فيهم زئبق ولا شي
وعليج بالعافيه
المطيري
الله يعافيج
فير لند لفلي جربيه على الجسم تشوفين النتيجه
اي انا نادر ما استمر على كريم معين لان الويه يتعود عليه وبعدها ما تشوفين نتيجه لازم بين فتره وفتره تغيرين
اكيد كل بشره تفرق عن الثانيه
:)
سنعه
والله مادري :)
الله يعافيج
قبل فترة كنت استخدم اولاي واستمريت عليه فترة وحسيت ويهي صار يشع من بعيد لوول
بس عقب هديته مادري من الكسل او خفت سمعت ان كريمات التفتيح تضر!
وحاليا مااستخدم غير المرطبات العادية (سيباميد وبس) ويهي اجرب قاحل :)
بوك مارك
انا هذا الي لاحظته بويهي ويخلي شكله نظيف
انتي استخدميه بس مو على طول بين فتره وفتره عشان الويه ما يتعود عليه :)
الله واايد احب منتجات "OLAY"
بجربة ان شاءالله . وسعرة واايد حلوو
مشكورة خيتو على هالمنتج
من اكون
انا اول مره اجربه والحمدلله النتيجه نفس الي ابيها
العفو :)
جني شفت العرض بمركز سلطان
ودي اجربه بس ادري بشرتي دعله مايمشي معاها اي شي
made
اذا ما يناسب بشرتج لا تجربينه :)
إرسال تعليق