الجمعة، 2 يوليو 2010

OLAY

اولاي مسوين عرض على كريم التفتيح الطبيعي للبشره

وشريته قبل اكثر من اسبوع

واهوا عباره عن علبة فيها:

كريم النهار لتفتيح البشرة الصحي
كريم اللـيـل لتفتيح البشرة الصحي
غسول الوجه لتفتيح البشرة الطبيعي - مجاناً



كاتبين لازم تجربونهم لمدة 14 يوم عشان تشوفون النتيجة

رايي:

قبل كنت استخدم فير اند لفلي نفس نتيجة اولاي

بس الفرق ان اولاي يخلي الويه يكون شكله انظف وانعم

النتيجة:

لحد الحين استخدمته لمدة 8 ايام يعني ليلحين ما خلصت الـ 14 يوم

والنتيجة ما شاءالله وايد اعجبتني

تلقونه في الجمعيات وسيتي سنتر وربعه

سعر العلبة ومحتوياتها

1.995 دينار

هناك 26 تعليقًا:

AsMa-Kw يقول...

حلوحلو عليج بالعافيه وان شاءلله تلقين النتيجه اللي بترضيج :)
عن نفسي ماحب اولاي بس وايد يمدحونه اكتفي بترطيب كلير بس :)

جاكليته يقول...

عليج بالعافيه ..
ان شاء الله تشوفين النتيجة زينه ..

شاي الضحى يقول...

asma

الله يعافيج

ان شاءالله

اولاي جربته من قبل بس كان كريم عادي ما اذكر اذا زين او لا لان من زمان وما استمريت عليه

بس هذا وايد عجبني وينعم والويه وما يخليه جاف

شاي الضحى يقول...

جاكليته

الله يعافيج

ان شاءالله

شكرا :)

alB6h يقول...

والله زين قاعده تشوفين الفرق , انا استخدم منتجات اولاي ع ايدي !!
وما اجربه ع ويهي

يعطيج العافية

رورو الشخبوطه يقول...

ماحب منتجات الجمعيه لويهي جربت جم شغله وماستمريت عليهم..

فرند لفلي قايلين مو زين وخبري فيه القديم ع قولة ابوي ايبس الويه خخخ ..

اولاي ماجربته عندي وايد منتجات ماخلصتهم لي خلصوا ناويه ع ماركة طبيه اضمن ..

ومرسي..

ميمة السبيت يقول...

** جايونه الحلوة :

- مو اي شي تحطينه حق ويهج خصوصا ملوت الجمعية اخذي ماركة طبية احسن

ri7ana يقول...

عجيب انا استخدمه
وفي سائل شفاف وايد حلوو يخلي بشرتج جنها جامه ;p
عليج بالعافيه

غير معرف يقول...

بالعافية ان شاءالله
عاد تصدقين انا ما اثق بهالمنتجات بس و الله على مدحج بجربه ان شاءالله

شاي الضحى يقول...

البطه

ما سبب لي حساسيه ولا شي حاله حال اي كريم بس النتيجه وايد حلوه :)

الله يعافيج

شاي الضحى يقول...

رورو

فير اند لفلي جربته على ويهي وكان زين بس ينشف شوي وجربته على جسمي عجيييييييييييييييب حطيه على اي مكان غامج مع السنفره ويفتح

جربت وايد ماركات طبيه ما سوولي شي ولا شفت نتيجه منهم مع اني اكمل العلبه كلها

هذا الحمدلله نتيجته وايد حلوه :)

شاي الضحى يقول...

ميمه الحلوه

بشره عن بشره تختلف

الحمدلله ما شفت منه شي

وترا مو كل شي طبي زين بعضهم بس اسم والنتيجه ولا شي

مره دكتورة جلدية قالت مو اي كريم طبي ينفع بعضهم بس يستغلون الاسم والكريم يكون مو زين وتقطين فلوس على الفاضي

وجربت كريمات طبيه ماشفت منهم نتيجه

وحتى مرطب الويه اخذيه من اي مكان نفس نتيجة الماركات الطبيه وماركات الميك اب

:)

شاي الضحى يقول...

ريحانه

اي ما شاءالله ما توقعت النتيجه راح تكون جذي :)

شنو هذا؟ من اولاي بعد؟

الله يعافيج

شاي الضحى يقول...

هوبليس

الله يعافيج

كنت اشوف دعايته قبل مده ولا مره فكرت اشتريه

ذاك اليوم اشوف الناس كلهم ياخذون فقلت اجرب شوراي وطلع صج زين :)

وتحطينه ما تحتاجين مرطب لانه ما ينشف ووايد ينعم

لحظه يقول...

ديري بالك اعرف وايد بنات مع طول الاستعمال طلعت لهم كلف معروف اولاي اول شي يعطيك نتيجة حلوة وبعد مرور الوقت بتلاحظين كلف

شاي الضحى يقول...

لحظه

انا ما استخدم شي مده طويله لان ويهي بسرعه يتعود على الشي وبعدها ما يفرق مهما احطله الكريم لازم اغير

نفس معجون الاسنان لازم كل 3 اشهر يتغير :)

شكرا على التنبيه :)

نـ(المطيري)ـازكـ يقول...

عليج بالعافية ..

بس حتى فير اند لفلي احس مامنة نتيجة ..

احنا نهب بالكريم هبة بعدها نقطعه ..

المهم يصير في نتيجة .. يمكن بشرتج تتقبل اكثر من بشرة غير بشرتج ..

وااافينا بالنتايج لوووول

Sn3a يقول...

دير بالج لا يكون فيهم زئبق ولا شي
وعليج بالعافيه

شاي الضحى يقول...

المطيري

الله يعافيج

فير لند لفلي جربيه على الجسم تشوفين النتيجه

اي انا نادر ما استمر على كريم معين لان الويه يتعود عليه وبعدها ما تشوفين نتيجه لازم بين فتره وفتره تغيرين

اكيد كل بشره تفرق عن الثانيه

:)

شاي الضحى يقول...

سنعه

والله مادري :)

الله يعافيج

BookMark يقول...

قبل فترة كنت استخدم اولاي واستمريت عليه فترة وحسيت ويهي صار يشع من بعيد لوول

بس عقب هديته مادري من الكسل او خفت سمعت ان كريمات التفتيح تضر!

وحاليا مااستخدم غير المرطبات العادية (سيباميد وبس) ويهي اجرب قاحل :)

شاي الضحى يقول...

بوك مارك

انا هذا الي لاحظته بويهي ويخلي شكله نظيف

انتي استخدميه بس مو على طول بين فتره وفتره عشان الويه ما يتعود عليه :)

meenakon يقول...

الله واايد احب منتجات "OLAY"

بجربة ان شاءالله . وسعرة واايد حلوو

مشكورة خيتو على هالمنتج

شاي الضحى يقول...

من اكون

انا اول مره اجربه والحمدلله النتيجه نفس الي ابيها

العفو :)

Made n Q8 يقول...

جني شفت العرض بمركز سلطان

ودي اجربه بس ادري بشرتي دعله مايمشي معاها اي شي

شاي الضحى يقول...

made

اذا ما يناسب بشرتج لا تجربينه :)