الثلاثاء، 3 نوفمبر 2009

Dubai Part 2

كـــلـــنـــا مـــعـــاك يـــا الأبـــيـــض

هييييييييييييييييييييييييااااااااااااااااااااااااااااااااااااا

هذا الكــــــــــــــــــاس يلمع والعيون تدمع

الف الف الف الف الف مبروووووووووك لنادي الكويت

يستااااااهلوووووووون الفرحه

والله رفعتوا راسنه

بطل بطل والله بطل يا نادي الكويت

الكـــــــــــــــــــــــــأس كــــويـــــتــــــاوي

مبروك للـــعـــمـــيـــد
بطل كأس الإتحاد الآسيوي
----------------------------------------------

في اليوم الأول بعد ما حطينه جناطنه في الفندق قررنا الذهاب الى دبي مول

فطلعنه من الفندق وكان الجو حلو ورحنا مشي لامارات مول

شفت هالرياييل بالطريج نايمين تحت الجسر



اول شي ضيعنه الباب ههههه



دشينه وبعدها دورنه محطة المترو


بطريجنه شفت كوتن كاندي جان اخذلي واحد





احلى شي عندي الكشكات استانس عليهم


صار هجوم على الكوتن كاندي خلصناه بثواني ههههه

وداخله في 3 الوان وردي واصفر وازرق


أخيراً لقينه المترو


دشينه المحطه


شوفوا المحطه تصير الجهه الثانيه



كل مره نروح المترو ايي اماراتي يحجز لنه وعطانه نبذه قصيره عن المترو

قال انه حاليا يعد الأول بالعالم من حيث السرعه وسرعته 80

والي فاتحين الحين 10 محطات بس بالـ Red line

والـ Green line ليلحين ما فتح

وقال اذا افتحوا باجي المحطات راح يصير اسرع

يقول صاكينه عين على هالمترو هههههه

والمره الأولى لما اخترب ووقف ساعة بسبب هندي مادري شنو ضغط ووقف المترو!!

فعشان جذي الحين حطوا غرامات بكل مكان للاستخدام الخاطئ تتراوح من 200 الى 2000 درهم

حتى الاكل والشرب ممنوع عشان يتم المترو نظيف


المهم هذا الي بالصوره فوق جنه مصري حجز لنه اول مره

وقلناله بنروح دبي مول

قال انه المحطه ما افتحت لي الحين فاخذوا محطة المركز المالي وبعدها اخذوا تاكسي او باص


والتذكره اسمها نول نسيت ليش سموها جذي

الي يعرف يذكرني






دشينه المترو بعد هاللويه



الحلو فيه انه مالكم شغل بزحمة الشارع

انا قعدت اول وحده وناسه



اي ونسيت اقول شغله

المترو فيه مكان اسمه Gold مثل الدرجه الاولى

سألنا الي تشتغل شنو الفرق بينهم؟

قالت الكراسي اريح وفيه طاولات اذا معاكم لابتوب

وفيه انترنت

مادري جم الفرق بالسعر بس قلنه ما يسوه دقيقه وبننزل

وفي بعد انواع اشتراكات وواحد اذا استخدمتوا 14 درهم باليوم باجي الايام تاخذونها FREE

بس قالوا لنه اذا انتوا سياحه جم يوم ما يسوى او اذا كنتوا وايد احسن لكم اشتراك



وصلنه عند برج دبي



وهذي محطة المركز المالي









وهذا درع

الحلو بدبي انه اي مكان تصور عادي محد يقولك ممنوع

الا في بعض الاماكن هههههه



هذا محل عصير موجود في المحطة




ما خذينه باص قلنه نروح بتاكسي اسرع



وصلنه دبي مول



هذا الماعون وايد عاجبني ههههه



وهذي النافوره عند الدخله


احلى شي انه هدوء الناس لاهين بالدوامات












البلوزه الي فيها بينه سوده عجبتني من محل Desigual

بس باللبس جنها بجامه هههههه

يمكن لو تصير جم قصير احلى بس كله يايبين طوال ماكو شي قصير



Candylicious



كان هدفي في اليوم الاول بدبي مول هالمحل

من لما كنت بالكويت وانا انطر متى اروحله هههههه



طبعا ما قدرت اصوره من داخل لانه ممنوع

لو تلاحظون بالصوره الي تحت يم الريال فيه سياره فوقها لوحه كاتبين فيها ممنوع التصوير



على هالجم صوره الي صورتهم بره المحل حصلتلي جم زفه ههههه

وهذا بوب كورن يبيعونه داخل محل الحلاو



وهذي صورتها من بعيد سويت زوم



ولقيت هالصور في الفيس بوك














كان ودي اضيع داخل المحل وما يلقوني واعيش داخله ما اطلع هههههههه

والله حدي احترت مادري شنو اخذ وشنو اخلي وكان ودي اشتري المحل كله

صج تتوهقون ما تدرون شنو تطالعون الديكورات ولا الحلاو

وفي عندهم مخدات على شكل حلاو وجناط حق اللابتوب

وبعد عندهم ميك اب وحصالات والعاب

m&m's اشكال تشوق وغريبه مو نفس الي بالمطار

وجيلي بينز في عندهم نكهات على ...

حفاظات يهال وزباله وبيض خايس ودودة الأرض وشمع الأذن وعلى طعم وايب الي يمسحون فيه اليهال وعلى طعم قلم الرصاص لما تبرونه وبوب كورن بالزبده وهالبينو وحشيش!!!

واشياء وايد مابي اقولها عشان ما تلوع جبدكم

وفي نكهات حلوه تشوق

لووووووول

اختي سألت الريال قالتله شنو طعمهم يقولها SWEET

اصلا تقرون النكهات تلوع جبدكم لووووووووول

طبعا من كثر ما كنت تعبانه ودايخه ومادري شنو اخذ بس خذيت شيين في اليوم الأول

وهذا الجيس



اختي خذت جيلي بينز

بس مو الي فيه طعم اشياء ويع ههههههه



وانا خذيت كاكاو على فيول :)



وشريت حق زعفرانه حلاوه على تويتي

تحركونها تطلع صوت

بس لما رديت الكويت مادري شصار فيه ارتجاج بالمخ

قام يطلع اصوات غريبه لووووول والحين سكت

على ما ترد زعفرانه وتاخذه يمكن يكون ميت ههههه



وهذا الاكواريوم مقابل Candylicious















الله الماعون مره ثانيه هههههه




عقب ما تمشينه فيه صعدنه عند المطاعم عشان نتغدى

جان اشوف يهال بالمدرسه يايبينهم رحله

هذي الرحلات السنعه مو احنا حدنه معرض الكتاب وحديقة الحيوان ومصنع الخبز هههههه

ومره بالثانويه ودونه سوق السالميه






انا صرت ادمان اهناك على هالبطاط لازم كل يوم اطلب لوووول



وهذي ذكرتني بصبارتي الحلوه بس هذي نخله عملاقه










سوق الذهب



والعصر قعدنه في ستاربكس





عاجبيني الشاشات الي بكل مكان حاطينهم



وهذا الجهاز تحطون المكان الي تبونه او اسم المحل

واهوا يدليكم وين



عقب ما ريحنه شوي اختي دشت مكتبه شكبرها

وانا وامي دشينه Hamleys لوووول



بس ما عجبني صغير وما فيه اشياء غريبه مال لندن وايد احلى

هذي اعجبتني لانها على فيول



هذا الماجيكال سنو

لما تجيسونه تحسون انه بارد شوي وجنه قطن على مادري شنو

قعدت العب بس عيبه انه فيه ريحه خايسه






وهذا الشلال


صالة تزلج






عجبني شكل المحل

فترينات المحلات تلفت النظر

اسم المحل اطول منه هههههه


ولما صار الليل ردينه الفندق لانه كنه تعبانبن ومو نايمين عدل

وقلنه نكمله في يوم ثاني



ولما طلعنه خذينه تاكسي وبعدها خذينه المترو

ركبنه المترو وكنه تعبانين لما مشه جان اختي تستوعب انه احنا راكبين غلط ورايحين صوب محطة

"الجافليه" باتجاه الراشديه

واحنا لازم نروح محطة امارات مول

واول ما وقف بالجافليه نزلنه على طول جان تقول اختي وييييه طلع صح ردوا ركبوا!!

جان نركب بسرعه وامي تدور كرسي جان يقوم الريال وتقعد مكانه

شوي جان تقول اختي لاااااا غلط طلعوا !!!

لوووووول جان نطلع ... الحلو فيه انه الباب ما يسكر بسرعه

بس نزلنه جان يمشي وبعدها رحنه الجهة الثانيه باتجاه جبل علي

ولا نشوف وحده كانت معانه وقاعده تضحك ولا اهيا نفس حالتنه مضيعه لوووووول

بس الحمدلله هذي المره الاولى والاخيره الي ضيعنه فيها لانه كنه دايخين

والجافليه قمنا نسميها المحطه المنحوسه



البقيه تأتي

هناك 10 تعليقات:

DoDoq8 يقول...

ونااااسه تصدقين بالصيف راده من دبي ماشفت هاذي الاشياء

امه صور المترو حسيت روحي جنه باروبا ماشالله عليهم


ووعورتي قلبي على محل ديسغول شكلي بروح البحرين الصبح وارد بليل عشانه يسوه تهقين ؟؟

شاي الضحى يقول...

دودو

انا بعد كنت رايحه شهر 8 وما كان فاتح دبي مول ولا المترو ... كل مره تروحين تلقين شي يديد

الحين حتى امارات مول قاعدين يكملونه بعده ما خلص!!!

وبالنسبه لمحل Desigual انا قايست بلوزه وتراوزر كلهم باللبس جنهم بجامه مادري ليش ههههه وعندهم نفانيف حلوه بس طوال :(

اتوقع انه تحصلينهم في لايم لايت بالكويت :)

مشكوره :)

رورو الشخبوطه يقول...

السلام..

ماشاءالله خوش رحله ..

خخ ضحكتني اختج لعبت فيكم وحرقتوا الحلاو اللي كليتوه ..

خخ واللي ضحكني تويتي مال زعفرانه انا حسبيلي بدزون لها بالبريد :)

ومتابعينج خيتو ..

مشكوره..

شاي الضحى يقول...

هلا رورو

اي والله ما تنلام من التعب ومو نايمين عدل :)

زعفرانه ما تدري انه تويتي اخترب يمكن لما تقره البوست تعرف هههههه


حياج الله :)

نمووول يقول...

صباح الخير
خووووووش زحله وخوش صور ما شاء الله
مساكين العمال بس شكلها النومه تحت الجسر تونس
ودي اروح دبي الحين بس عشان اجرب المترووو (يبيله)

اول ما وصلت عند صور الحلاو ذخت ❊❊
لا ماقدر اتحمل ودي اطب عالمحل وانثر كل الحلاو الي فيه عالارض
واسبح اسبح اسبح ههههههههههه

مبين خووووووش رحله

مبروووووك للكويت الفال حق المنتخب يبيضها مثل ما سوا العميد

شكراً
دمتي بخير

شاي الضحى يقول...

نمووول

العمال يحليلهم نايمين مستانسين على الجو كان عجيب

اذا بتروح اخذني معاك ههههه ليلحين ما شبعت ;q

ما شفت شي الصور ما يبين فيها الاشياء الي شفناهم بالصج وااااااايد احلى من الصور والله تحتار مادري شنو تاخذ ... انت ودك تسبح وانا ودي اضيع هههههههه

اي والله الله يسمع منك فرحونه امس :)))

حياك الله :>

غير معرف يقول...

وناسه المترو ؟؟ كنا مخططين ان اجر سياره اشرايج تسوى وله نعتمد على المترو ؟ وفي زحمه على المترو ولا
عرض تقرير سفرتج حلو
متابعه
شكرا
جاردينيا

شاي الضحى يقول...

هلا جاردينيا

احلى شي بالمترو انه ما تصادفج زحمة الشارع وبسرعه توصلين للمكان الي تبينه ... وكلش ما صادفتنه زحمه بالمترو إلا في ...... كملي باجي التقرير هههههه

والله شوفي على حسب الاماكن الي بتروحين لها لان المترو ليلحين ما فتح كله احنه ساعات كنه ناخذ تاكسي يوصلنه لاقرب محطة مترو ووايد اوفر من التكاسي لانهم غلوا بشكل مو طبيعي بعد افتتاح المترو ... وانشالله بالتقارير اليايه راح اتكلم عنهم :)

فما اقدر اقولج اذا يسوه تأجرون ولا لا انتي شوفي وين بتروحون وسألي عن محطات المترو الي فاتحه وبتعرفين اذا يسوه ولا لا :)

حياج الله اختي :))

غير معرف يقول...

انا اماراتية وشفت كل هاذا و في احلى واحلى

شاي الضحى يقول...

غير معرف

والنعم فيج :)

واكييد في احلى

شكرا :>