الجمعة، 27 نوفمبر 2009

NEW Twix Topix

يا حلاة القعده من الصبح على صوت صلاة العيد

الله أكبر الله أكبر لا اله إلا الله ... الله أكبر الله أكبر ولله الحمد

ويا حلاة ريوق العيد

بعد ما ردينه من الصلاة .. أمي واختي راحوا بيت يدي يجابلون الخرفان

وانا سويت لي قهوه مع الدرابيل والكب كيك الكويتي

شغل عدل


عقب ما تريقت نمت شوي لاني كنت سهرانه مو نايمه عدل

وعلى الساعه 3 رحت بيت يدي ما رديت الا الساعه 7

ما احب دوخة العيد وكل شوي قومي سلمي ييبي ودي حطي سوي

رديت البيت حدي دايخه وميته من اليوع ما تغديت

يالله بكمل البوست وبروح اتغدى واتعشى ههههههه

-----------------------------------------------

Twix منزلين كاكاو يديد اسمه Topix

وفي 3 أنواع

ما جربت إلا نوع واحد واهوا
Macchiato


Milk cream



Creamy Caramel



وخلص العيد :q

هناك 33 تعليقًا:

الاوركيده يقول...
أزال المؤلف هذا التعليق.
الاوركيده يقول...

كل عام وانتي بألف خير يارب

مع صوت المطر ما شاء الله عجيب وانا قاعدة اكتب الرد

شاي الضحى يقول...

دمعة المقهور

وانتي بخير وصحه وسلامه

اي والله يهبل ليلحين ما وقف :)


شكرا

رورو الشخبوطه يقول...

السلام..

بالعافيه يارب..

الريوق هذا ذكرني باول مع ديده الله يرحمها يارب مع نخي وباجيلا و بركتها الله يرحمها..

والتويكس شرايج فيه حلو؟؟

ومرسي..

DoDoq8 يقول...

عليج بالعافيه

للحين انا مابدى عندي العيد ثاني عيد الزوارات :)

@alhaidar يقول...

يتقبل الله .. وبالعافية :)

شاي الضحى يقول...

رورو

الله يعافيج

الله يرحمها برحمته

انا احب التويكس بكل انواعه هذا طعمه غير عن التويكس العادي بس اخف منه بوايد وحلوو

حياج :)

شاي الضحى يقول...

دودو

الله يعافيج

انا خلص عندي العيد وافتكيت لوووول وانتي الله يعينج على التفرفر واللويه :)

شاي الضحى يقول...

أحمد الحيدر

منا ومنك ... الله يعافيك

شكرا :)

Made n Q8 يقول...

مشالله عليكم بالعافية

انا خبري بقعده الصبح للعيد يوم كنت انا ياهل الحين مااقعد الا الظهر او العصر :s


والتويكس خل اقول اقول حق اختي عنه اهيا غرامها التويكس

وثانكس :)

شاي الضحى يقول...

Made

الله يعافيج :)

لا لازم اقعد الصبح حق الصلاة بعدها انام لي الظهر :)

حياج الله :)

غير معرف يقول...

عيدج مبارك وعسى ايامج كلها اعياد وافراح
حبي

شاي الضحى يقول...

سلة ميوه

ايامج سعيده ماقصرتي :)

شكرا

فاطمــه يقول...

مشالله خوش ريوق بالعافيه
لازم تعزميني على يوم كيفج =P

وضروي اذوق التويكس اليديد حده ايشوق

قبل لا انسى
عيدج مبارك وعساج من عواده

joe يقول...

يعطيج الف عافيه
يالله كلها مره بالسنه تشتغلين ;p

هالتويكس موجود بالجمعيات ؟

Mohammed يقول...

بالعافيه ان شاءالله

وياحلو الدرابيل من قبل مو ماكلها

والصوره الثانيه مال الدرابيل حلوه الشوت

نايس تسلم ايدينج .

ميمة السبيت يقول...

** عيدج مبارك ، شنو كب كيك كويتي فشلتينا

SHAHAD يقول...

اول شي عيييدج مباارك يا حلوة
وبالعاافية عليج الريوق والتويكس
عاد ذاك اليوم شفته بالجمعية
بس ما تشجعت آخذه
حلو ؟

سامر محمد عرموش يقول...

بسم الله الرحمن الرحيم

كل عام وانتم بخير والامة الاسلامية جمعاء

تقبلوا مروري الاول واسمحوا لي بالتجول في المدونة الطيبة والجميلة
تحياتي

شاي الضحى يقول...

Faith

الله يعافيج

افا عليج حياج الله بأي وقت :)

ايامج سعيده :)


شكرا

شاي الضحى يقول...

المباركيه

الله يعافيك

لوووووووووول لا مرتين نسيت عيد الفطر؟ :q

اي موجود بكل مكان :)


مشكور

شاي الضحى يقول...

محمد

الله يعافيك

اي والله يا حلوها خاصه بهالجو :)

الله يسلمك ... مشكور :>

شاي الضحى يقول...

ميمة السبيت

ايامج سعيده

ليش فشلتج؟ ماعرف اسمه

اذا تعرفين قوليلي :)

شكرا

شاي الضحى يقول...

شهد

ايامج سعيده

والله يعافيج


اي حلو خفيف وطعمه غير عن التويكس :)


شكرا

شاي الضحى يقول...

سامر

وانت بخير وصحه وسلامه :)

حياك الله واخذ راحتك


شكرا :>

غير معرف يقول...

عليج بالعافية .. يوعتيني :(
وين احصل التويكس؟

شاي الضحى يقول...

حنان

الله يعافيج :)

بكل الجمعيات موجود


شكرا

الوتيــــــــــن يقول...

هني وعافيه

آنا للأسف ما حصلت أحد قاعد ير الخدامة الاندنيسيه خذيتها ورحت الصلاة مسيجينه

وبالمسيد بغيت اتهاوش خو ماكان اكو مكان لأني تأخرت وصليت بره .. والله رزقني وحده ناشبتني عالسياده تخيلي اتدزني من سيادتي .. اشتبيييييين كنت بخرب صلاتي واهفها راشدي واخذ مصليتي واروح السياره بس صحصحت ووخرت النومه واحتسبت الاجر على هالبلوى ..

كل عام وانتي والاهل بخير :)

شاي الضحى يقول...

الوتين

الله يعافيج

لووووول ذكتيني بوحده وقفت يم اختي بتصلي وكل شوي تدزها واختي تدزنا والمكان شكبره يمنه ماكو احد وهذي لازقه

يالله ما عليه المهم صلينه

وانتي بخير وصحه وسلامه ... شكرا :)

Engineer A يقول...

عليج بالعافية الريوق .. شكلي باتعشى بقصم وحليب :)

وشكل التويكس لذيذ .. ان شاءالله أجربه ..

شاي الضحى يقول...

Engineer

الله يعافيج ... وعوااافي حلو بهالجو :)

اي حلووو :)


شكرا

lil.D يقول...

كل يوم اقول بسوي رجيم >_< وتوني سارطة حلاوة لووول
احب الدراااابيل .. والتويكس اول مره اشوفه!!

وكل عام وانتي بخير :)!! وبالعافية

شاي الضحى يقول...

lil

نفس حالتي لوووول ماكو فايده

احلى شي الدرابيل بهالجو البارد

التويس يديد يمكن تلقينه عندكم

وانتي بخير وصحه وسلامه ... الله يعافيج

مشكوره :)