الجمعة، 6 نوفمبر، 2009

هـيــا نـلـعـب!

كنت بنزل الجزء الثالث من تقرير دبي

بس اليوم رحت 360 وشفت فيه تطورات مادري اذا انتوا تدرون عنها او لا

فصورتها وقلت احطها لكم



وانا قاعده اصور بطوا جبدي الاوادم

جني قاعده اسوي جريمه !!!



لما اكون مسافره بأي دوله امشي واصور محد يكلمني ولا احد يدري عني

الوضع طبيعي



بس عندنه الحمدلله والشكر

وحده بطت جبدي اهيا ويا ريلها كنت قاعده اصور جان يوقفون ويطالعوني من فوق لي تحت مو عاجبهم !!

نعم شتبون صورتكم انا ولا ضايقتكم

جان اقوم افر كاميرتي صوبهم واسوي روحي قاعده اصورهم عنااااد

جان ينحاشون لوووووووووول

ما اقول الا ما تشوفون شر



المهم الشي الي شفته وحبيت احطه لكم اهوا افتتاح الدور الثالث

والي في مركز ترفيهي للأطفال والكبار



فيه بولينج ومادري شنو بعد لاني مادشيت داخل لانه كان زحمه فيه شباب



وهذا الي يم البولينج داخله Video Games


اذا ما فزتوا باللعبه تاخذون حلاو بس لازم تصيدونهم

لما شفتها تذكرت رورو وصورتها لها هههههههه


المكان حلو بس عيبه ان كله Video Games

مو نفس ماجيك بلانت








سمعت عن وايد حريم يقولون عيالهم ما يحبون 360 والسبب انه مافيه العاب

يالله الحين ودوا عيالكم خلوهم يستانسون

هناك 14 تعليقًا:

رورو الشخبوطه يقول...

السلام..

انا ماقمت انتبه لاحد احس عايشه بعالم بروحي خخخ..

ونمشي انا واختي ونصور..

خخ ياحلاته سبونج بس استغربت انه كلكم تدرون اني احبه@@

وناسه ذاك اليوم اختي تقولي خا ندش بروي نلعب بس ماخليتها ..

مشكوره ع التغطيه..

شاي الضحى يقول...

هلا رورو

انا كله اطنش ومالي شغل فيهم بس هذوله جابلوني وموعاجبهم الحمدلله والشكر

من الاشياء الي تشترينهم وبلوقج ههههه

ويه ليش ما خليتيها جان لعبتوا :D

حياج الله :)

Hi Kuwait Blog يقول...

شاي الضحى كلنا نعاني من الخز أثناء التصوير ههه
مرات صج تحسين ان احراج بس ودج تصورين تبين هاللقطه بعد شتسوين :)
بس خوش مكان للترفيه توني ادري عنه
استمري :)

شاي الضحى يقول...

Hi Kuwait Blog

ايام قبل كانوا الناس يستغربون اذا احد وقف يصور اماكن عامه او اي لقطه عاجبته بس مو اشخاص

الحين كنت اعتقد انه صار الوضع عادي .. بس اليوم غيرت رايي ليلحين الناس عندهم الكاميرا شي غريب بس لو تلاحظ كل الناس تصور سواء كان شخص او اي لقطه عاجبتهم

وطبع الكويتيين البايخ لازم يخزون

بالسفر تعرفهم اذا خزوك لووول


حياك الله اخوي :)))

نمووول يقول...

تصدقين ليلحين ما دخلت هذا المجمع
هالايام مالي خلق مجمعات
اذا مو زحمه يمكن اليوم امر اشوفه ؟

خووووش صور ورحله جميله

شكراً لج

daloo3a يقول...

هلااااااا

والله حلووو جمييل

بس عندنا نحن من زمان جذيه خخخخخخخ

خقه

شاي الضحى يقول...

نمووول

هممممم هالمجمع مو ذاك الزود انا اروحله بس اذا ابي شغله معينه بس امس قلنه خنشوف شنو فيه يديد يعني سويت جوله فيه وشفت الدور الثالث


حياك الله :)

شاي الضحى يقول...

دلووعه

احنا بعد من زمان عندنه جذي ... بس هذا المول توه فاتح يديد وماكانوا حاطين فيه اماكن ترفيهيه توهم فاتحينه علشان جذي حطيته بالبوست :)

رورو الشخبوطه يقول...

ازيك جايونه..

اليوم رحت لمطحنه مالت الافنيوز ولقيت الحب اللي تبينه قلت اقولج ..

شاي الضحى يقول...

هلووو رورو

صجججج عيل بروح اخذه ... مشكووووووره وايد :)

طموحة مملوحة يقول...

ماحب الناس الي لي شافوا احد يصور يقعدون يطالعون .. زين وانتوا شكو ؟؟

خل يولون صور يبا صور

بصراحة أنا للحين مارحت لهالمجمع :)

رورو الشخبوطه يقول...

اي والله ويارب يعجبج ..

انا رحت ادوره عقب رديت جان اختي تقولي دوري همداني قلت لقيته خخ:)

العفو ولو..

بالعافيه يارب مقدما..

شاي الضحى يقول...

طموحة مملوحة

اي والله مادري ليش يطالعون جنه اول مره يشوفون كاميرا


انا اروحله لان فيه جم محل اهناك احبهم :)))


حياج الله :)

شاي الضحى يقول...

رورو

لووووول قلتي حق الدنيا كلها ;q

قلت حق امي قعديني 10 الصبح بروح اشتري حب ههههه

اذا شريته اقولج :)))


حياج الله :)