الاثنين، 2 نوفمبر، 2009

Dubai Part 1

"شهادتي واسطتي"

لما كنت بدبي وصلني الخبر التعيس والي اهوا تعييني في احدى الوزارات الي طايح حظها

فأول ما رديت على طول رحت الديوان وسويت
رفــــــــــــض

فقلت حق الي تشتغل ابي اسوي ربط مع اي وزاره ثانيه قالت لي نصيحه لا تسوين لأن غيرج قاعدين ينطرون سنين وأشهر وليلحين ما انقبلوا

قلت لها شنو الحل؟!

قالت لي نطري التقديم الياي وسجلي واحتمال يقبلونج بالــصــحــه؟!!!!

نعم ؟!! ماكو شغل صح؟!!

جان تقولي باختصار شديد عندج واسطه تعالي نشغلج بالمكان الي تبينه ما عندج قعدي نطري !!!

قلت لها يعطيج العافيه بس مو جذي تنقال اشكره !!!

يعني مادري ليش دارسه وتعبانه المفروض طول هالسنين مدورتلي واسطه ومريحه

والي يبط الجبد انه الحين احنا قدمنه بالنت ليش لازم نروح الديوان ونتبهذل فوق وتحت عشان نسوي رفض حق وظيفه اهما قاطينه فيها؟!

ليش ما نرفض بالنت؟؟

افضل اني اقعد بالبيت مرتاحه احسن من اني اقبل بوظيفه خايسه

----------------------------------------------

المهم راح احطلكم تقرير عن سفرتي طبعا ما بقى شي ما صورته هههههههه

يالله نـــبــــدي

طيارتنه كانت الساعه 7 الصبح وما كنت نايمه الا ساعتين

وصلنه المطار على الساعه 5:30

وهذي طيارتنه


قبل لا تطير الطياره لازم دعاء السفر


وكنت قاعده بمكاني المفضل يم الدريشه هههههههه


طرنااااااااااا

شوفوا المنظر المغبر هههههه


بطلت المجله قلت اتسلى فيها بس طلعت سخيفه


لما قربنه صوب قطر والسعوديه الجو كان كله غيم

شكله حده يشوق جنه شعر بنات لووووول



دشينه بين الغيوم




قربنا قربنا

شوفوا برج دبي

بس الجو كان شويه مغيم فمو واضح عدل





وهبطنا بالسلامه



هذي اخت طيارتنه



وهذا المطار




وخذينه خطوط من اتصالات

مسوين عرض الخط بـ 75 درهم وفيه رصيد بـ 75 درهم

خوش عرض

رصيدي ليلحين ما خلص باقي فيه 30 درهم متحسفه عليهم ههههههه


ركبنه التاكسي


هذي دعاية المترو




هذي محطة المترو


برج دبي


وهذا المترو في محطة مول الامارات



وصلنه الفندق


اول مره نحجز في شقق فندقيه


يحليله مجكنم


ماشاء الله اللوبي وايد كبير ههههههه



وهذا المطعم


أول ما دشينه يابوا لنا عصير :)


وهذوله قشنه


صعدنه حق شقتنه

الممر ضحكتني جنه مستشفى الولاده وحاطين ورد عند بابهم ههههههه



يالله بسم الله ندخل


الشقه كانت وايد كبيره ونظيفه


هذي الصالة


وهذا الحمام (وانتوا بكرامه) الي يكون بره الغرف


وهذي داري بروووووووووووحي


وهذا حمامي


الحمام يصير داخل الغرفه


وهذي دار امي واختي

لوووووول اهما ثنتينهم بفراش وانا بفراشين


وعندهم بعد حمام

يعني الشقه فيها 3 حمامات


وهذا المطبخ


وهذي بلكونة الصالة


بلكونة دار امي واختي


بلكونة داري

خوش منظر ههههه



الصراحه وايد عجبني الفندق ... الشقه كبيره ومريحه واهم شي نظيفه

والحلو فيه انه قريب من امارات مول كنه نروحله مشي

ويمه محطة مترو هم تروحون لها مشي بس ليلحين ما افتحت

فاقرب محطه له اهيا محطة امارات مول



البقيه تأتي

هناك 12 تعليقًا:

رورو الشخبوطه يقول...

السلام..

وناسه ماشاءالله منظر الغيوم عجيب..

ومتابعتج ..

شاي الضحى يقول...

وعليكم السلام والرحمه

قبل لما كنه يهال كله علبالنه انه نقدر نقعد فوقهم نفس الكارتون لووووول :))

مشكوره

رورو الشخبوطه يقول...

سوري بس نسيت اعلق ع الجزء مال التوظيف..

يبطون جبدي الديوان اهما وموظفينهم وقوانينهم..

انا رفيجتي سوت ربط للماليه وقبلها عقب فتره الاعلام @@

متخلفين وكل الناس بالصحه من حلاتها بالله بعرف سياسيه شكو بالصحه !!

وبيب واسطه اشتغل بمكان يسوى و لا منة الديوان سليحط ..

عموما معوضه يارب ..

star يقول...

الله كريم وأن شاء الله تتوظفين في أحسن مكان وتحصلين الوظيفة بالمكان الي في خاطرج آمييين

ما شاء الله الصور حلوة .. عليكم بالعافية خوش سفرة ناطرين الباجي :)

star يقول...

مبروك على النيو لوك ^_^

شاي الضحى يقول...

ولكم باك رورو

ما عندهم غير الصحه والتربيه والداخليه ومو معترفين بشي اسمه تخصص ... لما ادش على موقعهم يطلعلي لا يوجد احتياجات لهذا التخصص !!

الله كريم :)

شاي الضحى يقول...

star

اللهم آمييين :))

انشالله اضبط الصور واسويلهم جرد لانهم وايد ههههه وبعدها احطهم ... والله يبارك فيج مشكوره :>

نمووول يقول...

كلام الموضفة مضبوط
شقلتي شقلتي ترفضين بالانترنت ؟
عيب هاذي الكويت صل على النبي هههههه

خوش سفره شكلها عجبوني الصور وايد خاصة صور الغيوم بالطيارة
الغبار لاحقكم من الكويت لهناك

جوازي ما عليه دعاء السفر ليش ؟
ولا هذا غلاف ؟

صلحيلي اذا غلطت
مكتوب للشقق الفندقية البرشاء
شنو يعني برشاء اول مرة اسمع هاذي الصفة ؟

بانتظار الاجزاء الثانية

شكراً
تحياتي

نمووول يقول...

الموظفة بدلياتي زايدة هاذي الايام

شاي الضحى يقول...

نمووول

لوووووول اي والله لازم الفراره واللويه الي مالها سالفه اتوقع انهم يبون يشوفون ويوهنه عشان جذي ماكو رفض بالنت ههههه

لا هناك ماكو غبار كان الجو حده عجيب ومو حر

لا هذا مو غلاف ... لما جددت جوازي عطوني هذا الدعاء ولزقته على الجواز :)

البرشاء هذي اسم المنطقه الي ساكنين فيها :)

حياك الله اخوي :>

حَافِـيَةُ الَقَدمَيّـنْ ولِبَاسِي المَطـرْ يقول...

ذكرتيني بسفرتنا :(
احلى شي عداد التكسي
طول الدرب انا بس اطالعه واحسب p;
انصحج بفندق شانغريلا
وااااااااااو @@
حده حلو , اذكر قعدنا بالطابق 33 تشوفين الناس نمل
وعليج بألف عافيه :*

شاي الضحى يقول...

حافية القدمين

لوووووول انا مادري عن العداد كله على امي هههه

شانغريلا سكنه في السنه الي طافت كان حده عجييييب وسكنه بالدور 38 اذكر كنت اشوف السيايير جنهم العاب ... والأصنصير كان جنه صاروخ لووول بصكه عين

بس عندي هذا الفندق احلى اول شي لانه شقه وكبيره وكل شي يمج ما تحتاجين تاكسي :)

الله يعافيج :)