السبت، 21 نوفمبر، 2009

يارب تزيده وترحم عبيده!

قريبا في الأسواق

أغنية
أم ستايل

للفنان الأكثر من مبدع في اختياراته لأسماء أغانيه

مشعل العروج


لوتام على التلحين وايد اشرف لك

ملاحظة: لازم تكونين ستايل او أم ستايل عشان تسمعين الأغنية اذا كنتي مو ستايل ما انصحج فيها

اتمنى انها تكون على طول قريبا بس ما تكون في الأسواق

لوووووووول


------------------------------------------

كلوقز مسوين عرض على الـ Special K

معاه CD تمارين


صارلي يومين قاعده العب بالتمارين الي فيه

والله يونس وتحسون انكم مسوين مجهود

ووفيه لغتين انجليزي أو عربي

انا حطيت عربي طبعا ما تسكت بس تقرق وجربت الانجليزي نفس الشي

فحفظت الحركات وسكرت الصوت وقمت اسوي معاهم بهدوء لوووووول


---------------------------------------------------

اليوم على الساعه 1 الظهر كنت بعز النومه لاني كنت سهرانه

كل شوي يرن التلفون مالي خلقه لما مليت ورديت ولا رفيجتي

قالت لي ها نايمه قلت لها قعدت !

جان تقولي اوكي بمرج بروح السوق قلت لها اوكي الحين اقوم ابدل

المهم واهيا بالطريج دقت جان تقولي ترا الجو مو وايد بارد زين

قلت لها لا ويه عاد انا مزهبه الكوت والبوت لوووووول قاعده اتطنز

واهيا مصدقه قالت لي لا مو مال جذي يعني مو صيفي ولا شتوي

جان اقولها اصلا انا لبست وخلصت ولابسه صيفي خفيف حيل

اول ما اوصلت طلعت بره ولا برررررررررررد

ومطر والجو عجيييييييييييييييييييييييييب

يارب تزيده وترحم عبيده


احس حدي تيمدت

عاد اهيا كانت يايبه شال جان اخذه واتدفى فيه



ولاني صايمه هالأيام 10 ذي الحجه

تذكرت ايام رمضان لما كان بالبرد ونااااااسه متى يرد رمضان بالبرد

---------------------------------------------

السوق كان زحمه والناس يخمطون بهالهدوم

فما فكرت اني اشتري شي

والي شريته من
الـشـــــــايــــــع

أوراق معطره حق الأدراج والأرفف

في انواع وايد بس اعجبتني حــــروف


وشريت شرائح الخيار للعينين

وشرائح البرتقال للوجه بفيتامين سي

وبعد شريت ميك اب كلينر على لافندر حق اختي


------------------------------------------------

توه وصلني مسج عن افتتاح مطعم

Wagamama


في 360 مول

تلفون: 25309506

هناك 19 تعليقًا:

رورو الشخبوطه يقول...

السلام ..

الله يهداه من صجه احس انه كبير ع هالسوالف !!

وبالعافيه الكلوقز شوقتيني ع السي دي ماله :)

وتقبل الله طاعتج انا اليوم بالسوق والمطر يشوق ماشاءالله ..

خخ اي امبيه الزحمه مو طبيعيه بس منزلين شغلات زينه اغلبها كوتات واسعارها طق بالعلالي:)

بالعافيه هالسوالف اكودها وماستخدمها :\

مطعم شنو نوع اكله خل اجربه :)

مشكوره..

شاي الضحى يقول...

هلا برورو الحلوه

لا بعد الزواج صغر ههههههه

الله يعافيج :>

منا ومنج ... اي والله عجيييب مع اني ما احب المطر لما اسوق بس لان رفيجتي قاعده تسوق فكنت مستانسه

اي شفتهم اتحسف اشتري كوتات بهالسعر وانا ادري انهم ماراح ينلبسون السنه الي طافت والي قبلها شريت لاني كنت بسافر فحدهم انكرفوا بس هالمره ما فكرت اشتري

لا انا احسن منج استخدمهم ;q وتوني مجربتهم عجيبين

اهوا مطعم ياباني وفيه نودلز ووايد اشياء


حياج الله :>

سايق باص يقول...

تمارين هاااااااااااا

صادوووه :))

Shaikha يقول...

العروي ، حده اغانيه ما تنبلع !
على قولتج خليه عالتلحين احسن له ..

وعجبتني سالفة التمارين ، جم شخص محتاجها بالعايله p; ..

اما عالاوراق المعطرة ، عاد امس قاعدين نختار .. اختي تبي حق سيارتها هالسوالف .. و فعلياً شي يعور الراس !

اما الجوّ ..
فـ الشتا وايد احلى ، والله يزيد ويبارك ..

شاي الضحى يقول...

ابو عبدالملك

اول شي انا بنت مو ولد

وثاني شي انا مو مسويه دعايه حق العروج .. لو فاهم شنو كاتبه بالضبط جان ما قلت هالكلام

انا قاعده اضحك على الأسامي السخيفه الي اهوا يختارهه وقاعده اقول لو تام على التلحين اشرف له من هالأغاني السخيفه الي يغنيها

شفيها اذا الواحد يصوم او يتمنى قدوم رمضان؟!!!!!!

واي طرفين انت تقصد اني برضيهم؟؟؟؟؟

انا ماعندي طرفين ارضيهم ولا يهمني اي طرف منهم انا ارضي ربي سبحانه مو اطراف !!


والله يهديني ويهديك ويهدي الجميع يارب


واتمنى انك تقره البوست كامل بدون ما تحذف ولا سطر قبل لا تعلق


انا حذفت التعليق عشان ""الكلمه"" الي كتبتها ويفضل انك تكتب كلام احسن جذي

شاي الضحى يقول...

سايق باص



منو الي صاد منو؟!

شاي الضحى يقول...

شيخه

اي والله ما ينبلع ههههه

شلون شي يعور الراس؟

انشالله دووم الجو جذي


حياج الله :)

Shaikha يقول...

لول قصدي على كثر ما شمينا روايح قويه ..
شي ياسمين ، شي لا فندر ، شي نظافه على قولة اختي !

اختلطت الروايح ، فـ صار شي يعور الراس .. والخشم ايضاً p; !

شاي الضحى يقول...

شيخه

عدل كلامج لما تشمين وايد اشياء يختلطون وما تدرين اي وحده حلوه

انا شميت بس 2 وعجبتني هذي وخذيتها :)



شكرا على التوضيح :)

سايق باص يقول...

العروج ملحن خطير .. بس أغانيه دايخه :)

وعلى طاري صادوووه عن التمارين

قصدي اشكره الوزن بإرتفاع من الكاكاو والسعرات الحرايه العاليه ;)

ابي اشوف في المدونه من اليوم رجييييييييييييييم قااااااااااسي لووول

6umasha يقول...

waaaai3 ma7eeba wla a7eb asm3ha ;/
LOOOOOOOOOOOOOL a7lwaa menich lazm tkunin styl , eeee walla laaw tam 3ala iltl7een wayed ashraaff madre shlo8un nawal rethaatt feh :S!!! walla il7oub a3maaaaaa o eb hal 7alla A9MAAAAAAAAAAAAKHH !!!

شاي الضحى يقول...

سايق باص

عدل كلامك

ههههههههههه مو شرط الواحد يلعب تمارين يعني وزنه مرتفع ;q

انشالله من اليوم ممنوع دخول الحلوات والكاكاو ;q

حياك الله اخوي :)

شاي الضحى يقول...

طماشه

لوووووول اصمخ عاد ;q


thank u

{~المباركية~} يقول...

انا الي عاجبني بهالغنيه انه هالسياره عاجبتني لول

انا بعد يبيلي رياضه بس وين ماكو وقت والواحد صاير سوداني كله تعبان

امس الجو ثلج بررد حده شلون هالبرد طب علينا جذي مره وحده ماكو تدرج كلش

لول احس من الحين ودي اشتري عطر حق سيارتي المستقبليه الي بعد زليون سنه

مطعم شنو الي فتح ؟

موفقه لكل خير

شاي الضحى يقول...

المباركيه

شنو هالسياره؟ مو مبين اسمها

لوووووووووول .. بعد الحين مالك العذر الجو يهبل ينفع للمشي والرياضه

اي فجأه الله يهداه الجو ما قالنه انه بيبرد

انشالله الحين تطلع من بيتكم وتلقى سيارتك صارت حقيقه ;q

هالمطعم للأكلات الآسيويه واول فرع له في لندن يعني لندني آسيوي ههههه


اجمعين :)

نمووول يقول...

صاجة العروج لو يتم على التحلين وايد احسن
بس شدخل كلوقز بانقاص الوزن ..؟

امس الجوو عجييب مابقى يدخل الشتى دايماً
يطول ..

شاي الضحى يقول...

نمووول

special K من كلوقز خالي من الدهون 98% مو نفس العادي هذا حق الرجيم :)

كل سنه هالحزه حر بس هالمره وناسه الجو عجيب :)


شكرا :)

Made n Q8 يقول...

اغنية ام ستايل اشوف اعلاناتها عالفيس بوك وماادري شسالفتها عسى ما تطلع من طقه التاكسي !!
انا الي صج ضحكت لما سمعتها اغنية خطر مالت حمود ناصر امبيه من صجه على هالاغنية صج يكبرون ويدبرون

****
صج امس الجو كان وايد حلو جو اوروبي على قولتهم يالله اتمم علينا ..
***
وعليج بالعافية مشترياتج من الشايع ذوق

اختي مره شرت منهم مجموعه حروف العطر والاوراق المعطره وهم جربت منهم شرائح البرتقال للويه تحسين انتعاش وتبرد البشره

شاي الضحى يقول...

Made n Q8

خطر؟!! ما سمعتها ولا احب حمود ناصر

آميين الله يسمع منج

الله يعافيج ... امس جربتهم احلى شي فيهم انهم باردين جنج حاطتهم بالثلاجه


thank u :>