الأربعاء، 18 نوفمبر 2009

Dubai Part 6

مبروووووك التعادل يا أهل الكويت

والحمدلله على كل حال تعادل أحسن من الخسارة

المنتخب الاندونيسي ياي يتهاوش مو يلعب

والكره أخلاق

ما تشوف شر يا المطوع

والحمدلله على سلامتك

--------------------------------------

سويت حق التقرير رجيم لوووووول قاعده احاول اختصر عشان يخلص

Marina Walk

هذا المكان حده عجيب خاصه انه كان يومها الجو حلوووو

ذكرني بمرينا الي عندنه بس اهناك هدووء والمكان حلو

ومرينا مالنه مطاعمه احلى واكثر







لونه على الموضه هههههه


Festival Centre


هالمول اول مره اروحله


فيه محلات حلوه



احب هذا الماعون هههههههههههه


فيه مكان بره يونس بحر وتأجرون قارب تتمشون فيه

بس ما صورته


سينما


المطاعم


هذا نفس Pink Berry

وبنكبيري فتح عندهم على اخر يوم لما كنه بنرد الكويت

وكانوا مسوين لويه عليه


انا عاوزنه بطاطسايه يا ماما



هذي النافوره عاجبتني


الماي جنه يركض


محل Paris Hilton

ما كان فيه شي حلو


خذيتلي جوله عند الكشكات





هذا الكشك يسوون ستيكرز وطوابع

هذا الكشك مال شعبية الكرتون


يا حلوها




وهذا يبيع عطورا ت عربيه

والي تحت في منه الوان وايد وفيه ريحه بس مادري شنو بالضبط

جنه كريم


وهذا كشكي هههههههه

يبيعون اغراض تزيين الكيك والقوالب



قسم الترفيه للأطفال


هذا حق الي تحب سوبرمان هههههه

وترى مو رخيص ;q


والي تحب باتمان بعد عشان ما تزعل


محل Pixi beauty


Ferrari Store


ماركس و سبنسر


شخبااااااري ههههههههه


عجبتني طريقة الفترينه شلون راسه داخل المحل وجسمه بره


هذا الكشك عجيب هههههههه

كنت بشتري القيتار الصغير معاه سي دي تعليم بـ 100 درهم

بس امي ما رضت قالتلي كافي الي عندج بالبيت :(


وهذا الكشك يبيعون شموع غريبين وااااايد حلوين

محفورين ويصير داخلهم اسامي او اي شي تبونه

وفي بعضهم محفور وداخله ورده شكلها يشوق


هني تكملته بس الجهه الثانيه الي فيها ايكيا




خذينه تاكسي ورحنه اقرب محطة مترو والي اهيا محطة الراشدية


ويليتنه ما رحنه

اول ما دشينه الوضع كان عادي ورحنه حجزنه لمحطة امارات مول

خلصنه ويينه بندش ولا يقول لنه واحد

المترو اخترب !!!!!!!!

لووووووووووول


قلناله انزين ليش ما قلتولنه لما كنه قاعدين نحجز؟

قال عادي مو اول مره يخترب هذي رابع مره!!

قلناله انزين شنسوي بالتذكره؟

جان يقول استعملوها يوم ثاني

قلناله يمكن نكون مسافرين

جان يقول اخذوا باص بهالتذاكر وروحوا يوصل امارات مول

قلنا يالله باص باص

الحجي كان الساعه 5:00 العصر

ونزلنه تحت عند الباصات

كنت قاعده اصور الاصنصير واهما مسكرينه

فجأه طلع هذا مادري من وين لووووول

جنه يني!!



وقعدنه ننطر ونشوف الشاشه جم رقمم الباص الي يودي لامارات مول

ما لقينه شي

جان اطلع بره واسأل واحد واقف عند الباصات وقلت له اي باص يودي امارات مول؟

قالي ولا واحد!! نطري المترو يشتغل

قلت له مطول جان يقولي يبيله بعد 15 دقيقة

قلنه يالله ننطر


اول ما اعلنوا ان المترو فتح صار هجوم على الدري

ههههههههه


تخيلوا ان المترو وقف بس 45 دقيقه شوفوا العفسه الي صارت


اهني كنه ننطر يبطلون الدري عشان ننزل


هجوووووووووم


هذي المره الوحيده الي صادفتنه زحمه بالمترو




بانتظار المترو

اول ما وصل عقموه وركبنه

صج انه زحممممممه بس كانوا منظمين مو حوسه


اول ما ركبنه كان الوضع عادي

شوي جان يخض فينه لوووووول

بعدها وقف بمحطة خربانه!!!

نطرنه لما اشتغل مره ثانيه مشى جان يوقف مره ثانيه بالنص!!!!

حدي دخت وانا بالمترو

اهني وصلنه محطة امارات مول


شوفوا الزحمه الي صارت لان المترو وقف بس 45 دقيقه

لو واقف اكثر جان شنو صار


طبعا كل الي صار من لما كنه بمحطة الراشديه لي امارات مول

خذه منه ساعتين !!!

وصلنه كنت دايخه ابي قهوه فرحنه
سكند كب

وطلبت قهوه وتارت


وهذي كيكة امي


وهذي مالت اختي


تمشينه وتسوقنه بعدها دشينه كارفور

وشرينه جنطة لان اغراضنه تكاثروا هههههههه





البقيه تأتي

هناك 6 تعليقات:

6umasha يقول...

awal shay maabrouk ee walla 9ajja yaayeen huusha mu li3b !! o wala la3beena mag9raaw :P walid 3ali LOOL MAG9AARR FEHUM !

TARRA MA7AL Paris Hilton leema r7nalla awal maftaa7 kan 7luu umii sharat mena jan6aa o book walla kaan fe shay 7luuu :)
o pixi ana sharet mena 9uubgh louna wardii fatee77 eyaneeeeeeeeen 9ij 9ij 7luu !!!
o mashalla wayed t9awreenn ;p

شاي الضحى يقول...

طماشه

اي والله ما قصروا يعطيهم العافيه

احنا لما رحنه كان ما فيه شي حلو يمكن صادف لما رحتوا كان في اشياء ... وعليها بالعافيه امج

الوان اصباغهم عجيبه :)

هههههه اي على طول الكاميرا بيدي :q


شكرا

DoDoq8 يقول...

wanasa ana 7bet elvstval mall wayed shr7

m7l xoxo mwgod bgm3ya elshamya

ee o kamrtch t9werha 7lo shno marktha
?

شاي الضحى يقول...

دودو

صج؟ انا علبالي انقرض بالكويت توني ادري انه بالشاميه

وكامرتي Canon


شكرا

رورو الشخبوطه يقول...

السلام..

وي ليش سويت لي رجيم وناسه اخذي راحتج فيه لانه ممتع ماشاءالله..

ومرسي ..

شاي الضحى يقول...

هلا رورو

لوووووول شسوي تعبت من الصور على ما انزلهم وساعات يعلق :)


de rien