الخميس، 19 نوفمبر 2009

Dubai Part 7

ققرت ان يكون هذا آخر تقرير!

كان المفروض يكونون 10 بس حذفت 3 تقارير

بهذا التقرير راح احط لكم صور من امارات مول ما حطيتهم من قبل

وصور من المطار

يالله نبدأ

هذا ريوقي آخر يوم ;q هههههه


هني اعتقد التوسعه الي قاعدين يسوونها بس مادري متى تخلص


هني كان في يوم الجمعة

الدور الثالث نصه مخلينه حق المصلين


اول ما بدوا بالصلاة صار لويه من الأجانب تيمعوا دار مدارهم وقاموا يصورون

وانا كنت طالعه من المصلى جان اصورهم لووووول

وبنفس الوقت الي قاعدين يصلون فيه .. مره وريال اجانب كانوا قاعدين يتبادلون القبل @@

كان يبيلهم الحذاء الطائر


فيول ابو عيون فتانه


هذا المحل احبه

لازم احوس فيه


هيووووج فقمه


نعامه


هالبطات يهبلون ناعمييييين


البقره الحلوب


امي حدها تأذت لاني كل واحد اوقف يمه والمه واصور وياه

احب الألعاب

هذا الكوالا قعدت بين ايده شكبره ههههههه


هذا جنه اسمه خرتيت


شوفوا جم سعر البطريق

1495 درهم !!!

وترا هذا صغير مو كبير

يعني الكبار نفس الي فوق مادري بجم


مادري منو يشتريهم؟

ماموث



هذا الحصان الي يهز مال اليهال

بـ 22,900 ألف درهم بس !! ههههه

والأسود أغلى بـ 25,900


فيول خشبي


ام السعف والليف بس مالت الهلوين


يييييييع



هذا الاعلان ضحكني


من صجهم ملابس محتشمه؟!!

الأجانب مبدعين بلبسهم وفي بعضهم يلبسونه بس بلوزه !!!

جنه قاعدين بدول أوروبا

بس غريبه أول مره اشوف الأجانب ما يلتزمون بشي

مع انه الاعلان موجود بكل مكان

وهذا اعلان ثاني


اقروا الي داخل المربع الأحمر

ههههههههه لا تعليق!!!!

-----------------------------

والحين بحط لكم صور المطار

هذي محطة مترو توصل للمطار بس ما خلصت


قشنه


جوله في المطار


هذي جنها مطقاقة الذبان هههههههه

ولما تطقون فيها اي شي تطلع صوت

مسكينه اختي :q جربتها عليها هههههههه



كنت ابي جبن بس امي ما رضت :(


m&m's


كـــنـــدر يميييييي


هذي الجار داخلها جاي كنت باخذها بعدين هونت


بعد جوله طويله عريضه شريت كندر ميل

واختي شرت جيلي بينز وهالطويل مادري شنو من سوالف الميك اب


بعدها رحنه عند البوابه


جان تتذكر اختي انها ما شرت قلم ههههههه

وردينه انا وياها عشان القلم


وكاهو القلم هههههه


على ما يبطلون البوابه

كنت يوعانه جان ابطل وجبتي الكندريه


وهذا الي داخلها


فكرت وفكرت وفكرت

شنو اكل هههههههه

ولاني يوعانه اخترت بوينو


وهذا الممر الي يودي للطياره


الطياره كانت زحمه ولوية يهال وبجي والي وراي اووووف قرقه

ما سكروا حلجهم

قلت احسن حل اقعد اسمع لي جم اغنيه على ما نوصل


لا من الي وراي ولا من الي جدامي :(

الطريج كله ساعه وثلث يعني ما يسوى تنام قووووووووم!!


وصلنه كويتنه الحبيبه بالسلامه


الله يحييكم :)


نسيت احط هذا القلاص شريته من كشك ديزني

داخله ماي تحطونه بالفريزو يصير ثلج وتشربون فيه عصير او بيبسي او ماي

ويكون بارد احسن من الثلج لانه اذا ذاب يصير ماي ويختلط مع العصير


وشريت هالخروف Sean The Sheep


انتهت الرحلة

وانتهى التقرير

شكراً لكل من تابعني

هناك 17 تعليقًا:

رورو الشخبوطه يقول...

السلام..

حسافه كل ماقلت حبيت التقرير طيحتي جزء خخخ ..

سالفة التلملم مالت العاب مو الاجانب قطع خخ..

جربتها بروي لميت دب امبيه يونس قمت افتر فيه رفيجتي قالت لي هي رديه قلت جربي لما لمت افترت فيه خخ..

وهالمحل العاب غاليه شدعوه @@

قطع الاجانب وحتى بعض العرب اللي قليلين ادب يلوعون الجبد ..

ومن الاغراض عجبتني مالت الذبان احب هالسوالف :)

وبالعافيه يارب الاكل والاغراض..

اهي اهي خلص حسافه ..

مشكوره ..

شاي الضحى يقول...

رورو

سونسون ما ودج تهدينهم ... مره شفت فيووول كبييير يهبل بايرلندا طول الوقت كنت لامته وكنت ابيه امي تقولي حجزيله تذكره خل يقعد يمج بالطياره شكبره هههههه وكان غالي نسيت جم ... عقب سنه لما رديت دورته ولا شاينه :(((

لو ادري تحبين هالسوالف جان يبتها لج ;q

الله يعافيج :>

اييييييييييي خلص ;q

العفو حبيبتي

شكرا على المتابعه :)

Hadeel يقول...

كتبت تعليقي .. ولا يمسح .. انبطت جبدييييييي
الوجبة الكندرية .. تشوق .. بالعافية عليج ^^

دبي .. المفروض بالشهر مرة بيومين.. صح ولا أنا غلطانة؟
^^

الحيوانات الي فوق للعرض والتصوير .. لعبة 23 ألف درهم.. شالسالفة !!!!

شاي الضحى يقول...

she is me

عادي وايد تصير ههههه

الله يعافيج :)

لا مو بالشهر مره تصير ممله وما تلقين شي يديد :)

في بعضهم حاطين على اسعار وبعضهم لا فمادري اذا كانوا بس للعرض او للبيع :)

شكرا :)

بانوراما يقول...

الألعاااب روعه جنها صجيه بس غاليه

والقوانين حدها لوووول

والحمدلله على سلامتكم

illusionist يقول...

خوش تقرير و خوش سفرة .. عليكم بالعافية و الحمدلله على سلامتكم ..

شاي الضحى يقول...

بانوراما

اي يخرعون في بعضهم ما قربت صوبهم حسيت جنهم محنطين لووووول مادري ليش اسعارهم جذي يمكن مسوينهم من شعرهم الطبيعي ههههه

ومحد ملتزم فيها

الله يسلمك اخوي

شكرا :)

شاي الضحى يقول...

illusionist

الله يعافيك/ج ... والله يسلمك/ج


شكرا :)

DoDoq8 يقول...

تسلمين ويعطييج العافيه :)

شاي الضحى يقول...

دودو

الله يسلمج حبيبتي ويعافيج :)


شكرا

غير معرف يقول...

في اي مول محل والدزني
اشكرج على التقرير
جاردينيا2000

Fishah يقول...

ياحلو عيون الفيل النعسانه .. شكله كيوت :)

اتهقين فيه احد يشتري هالالعاب الضخمه؟ @@ نفس الخرتيت ههههههههههه

وعليج بالعافيه وجبة الكندر :>

شكل الجره مالت الجاي يشوق حسافه ما خذيتيها شوشو :<

على الطاري .. متى بتصورين لنا مجموعه الفيله اللي ميمعتهم :))

حرااام عليج جربتي الزنوووبه على اختج هههههههههه انتي نفس حركاتي لوول

اخر شي بقولج : لييييييييييش هذا اخر تقرير؟ ترا استمتعنا بالصور .. خصوصا اني من زمان مارحت دبي :<

تشكرات :**

شاي الضحى يقول...

جاردينيا

ماكو محل ديزني فيه كشكات تحصلينهم في وايد مولات مثل امارات مول ودبي مول وديره ستي سنتر

حياج الله اختي :)

شاي الضحى يقول...

فشه

لووووووول ما اتوقع في احد يشتريهم

الله يعافيج :)

ما خذيتها قلت يمكن طعم الجاي مو حلو ولان عندي بالبيت جارتين مو وحده على فيل هههههه

هممممممم تصدقين ما فكرت احطهم بالبلوق مع اني مصورتهم بس انشالله في يومٍ ما :)


هههههههه انشالله البوستات اليايه تكون احلى :)


مشكوره حبيبتي :)

Made n Q8 يقول...

مشالله خوش تقارير
الحمدالله على سلامتكم

ودبي صج حلوة ونيسه خبري فيها من المتوسط :s

ومشالله عليهم الهنود بسرعه ينامون ..انا لو شنو ماانام بالطياره حتى لو الطريج طويل واهما مشالله قبل لا تطير الطياره شخري خخخ الله يهنيهم

والفيل مسكين شفيه زعلان :(

شاي الضحى يقول...

Made n Q8

الله يسلمج

انا اذا كنت مواصله انام بس مو نومه عدله 10 دقايق واقعد وهذي حالتي اتعب زياده لووول

زعلان لاني ما شريته ;q

شكرا

غير معرف يقول...

يحليلك يادبة ... كلة اكل

ههههههههههه

الله يوفقك