الأحد، 23 مايو، 2010

ضاعوا امهاتهم وابتلشنه فيهم!

بـــــومـبـــــو

هذا الكارتون اموت عليه

وقصته ان السياره عندها ام ضايعه وتدورها

عاد امها قبيحه


بــشــــار

يدور أمه ملكة النحل الي بعد ما صارت ملكة شافت نفسها ونسته (تأليفي ههههه)


بــن بــن

هم هالحلو يدور على أمه

عاد مادري لقاها او لا


الأحلام الذهبية

الولد والبنت مادري شنو اسمهم يدورون ابوهم

هذوله غير شوي بس هم احد من العايلة الكريمه ضايع



هذا الي اذكره حالياً

ليش ببايات قبل بيدورون على أمهاتهم؟!

هناك 45 تعليقًا:

ShaymoOona يقول...

بومبو كان عجييييب و ابجي
اما بشاااار لاء كان اموتني من البجي لي قعد افكر بامه :(

تدرين ليش كانوا كلا ادورون على امهاتهم ...انا اقولج ..لان احنا كنا جيل حساس مونفس هالجيل اكافينا شرهم لا احساس و لا مشاعر ... وبس

كوكتيل يقول...

الأحلام الذهبية كان وايد حلو
ياحلو ببايات أول تونس حيل مو الحين طقني وطققك :(

أما عن السؤال لأن أمهاته أول كله عندهم لا طلعو شوي يفقدونهم بسرعة
أما الحين يولدون ويقطونهم على الخدم ووتسافروتهيت يعني لو شنو ماراح يفقدها بس لا يت الخدامة تسافر تشوفين الصياح والبجي لأن أهي الأم البديلة فعلا :(

هديــل يقول...

الله يا بومبو ويا أيامج يا بومبو 3>

كانت رفيقة الدرب هذي < اللي يقول عمرها 80 سنة

بس صج كنت أحبها ..

مو ببايات الحين كلها حروب ومشاكل :q

قلم ومسّاحة يقول...

من المجموعة الموجودة، احب " الأحلام الذهبية " أذكر قبل كنت أموت عليه وأحب أشوفه، بس لو ألحين يحطونه ما أعتقد أشوفه أحسه ثقيل ع الجبد.. اما بومبو وبشار كانوا ينحطون وانا صغير بس كنت ما اتابعهم..


واذا كلهم نفس القصة الظاهرة عندهم نقص حنان خخخ عفية امهات يهدون عيالهم ويخلونهم يتغلبون ويدورونهم..



يا حلات ببايات قبل بساطة وطفولة وتحسين بقيمة البباي لما تشوفينه.. مرات ادندن أغاني بباي قديمة لوول
خاصة " بوليانا " مع اني ما شفت البباي بس مادري ليش اغنيته او المقدمة حافظها صم وحافظ اغنيته خخخخ
الي تقول:

يا صديقي.. يا رفيقي


مشكورة ع الموضوع

رورو الشخبوطه يقول...

اي كله امهاتهم مخلينهم وقابين عنهم..

هم ريمي تدور امها وفي وحده بعد اللي فرقه حيوانات واهي تدور امها..

وبن بن اهو اللي اغنيته ابحث عن امي في كل مكان والخ ؟

ومعاه عمو بو شنبو ؟

وجنه لبنى السريعه ياتدور امها يا امها ماتت !!

وعقب لما كبرنا وعليه الام فنقشت بتوفر ع ولدها رحلة البحث خخ مثل انا واخي ..

واي شهالنكد :\



وسالي بعد نكد ع فيلم هندي ..

عسى امي ماتضيع خخخ..

ومرسي ..

هوبتي يقول...

اوووووووووووووووف
انت جيبت اليوم كل الرسوم المتحركه الي بحبها وقريبه من قلبي عنجد مشكووووور كتير

بس ليش او السر بان الابناء بيحبثوا عن ابهاتهم هاد سر لازم نسال فيه المؤلف

she is me يقول...

لاااااأ
الأحلام الذهبية
الصبي كان اسمه استيبان
والبنية كان اسمها زيا

كانو يدورون على مدينة الذهب

بس كان يخرع وطويييييل حيل
يروحون حق ناس يثلجون عمرهم عشان يعيشون مدة أطول
جنهم ميتين..كلهم نفس الشي ومنسدحين داخل الثلاجات.. كانو يهددون استبان وزيا ورفيجهم يحطونهم داخل
وبعدين قعدو هالميتين وقامو يتحركون بثلاجاتهم جان يقومون يثلجونهم مرة ثانية

كنت أحلم فيه قبل وأقعد مخترعه وأتنافظ..بس كنت أشوفه مع اخواني وأتحمل الخوف الي كنت أحس فيه..عشان ما يعيبون علي ويقولون عني خوافة^^..كنت أستانس إذا خلص^^ ولمن طلعوا من هالمدينة (مدينة الميتين) رديت أطالعه وأحبه^^

والبابيين الثانيين..ما أعرفهم..يمكن قديمين حييل..مو عمري^^

she is me يقول...

أول تحسين في قصة
الحين كله طق وعنف

ذاك اليوم قاعده أسولف على بنت خالتي الصغيرة عن باباياتي وتسولفلي عن باباياتها..
أكثر باباي عنف كان (النمر المقنع) أخوي الكبير كان يعشقه.. كنا نصعد فوق القنفة وانط..نقلده يعني و(السيف البتار)
^^
كان كل واحد فينا يختار بطل ويقول هذا انا.. واذا انبطت جبدنا من واحد فينا سواء اخواني أو عيال خالي كنا نسميه باسم الشرير

صار ردي بوست مو تعليق^^
ميخالف.. عزفتي على وتر مدفون

BookMark يقول...

أيااام :)

كلهم يا أمهم ضايعة أو ميتة وعلى قولتج ابتلشنا فيهم

الوحيد الوميض الأزرق كان يدور على أبوه

بس والله كان لهم متعة :)

Hopeless Sight يقول...

هههههههههه احلى شي العنوان :p
كتبي عن فلونة : ضاعت العايلة و ابتلشنا :p

chandal/danchal!! يقول...

loooooooooooooooool

صاجة, بشار كان يحسسني باليأس

SweetHeart ~ يقول...

ماتحمل اشوف اشياء من الماضي لول
تخنقني العبرة على طول :"(

بس توني ألاحظ ان تقريبا كل الببايات
فيها هالمآسي والمعاناة لوول

خو ( سالي ) فلم ابروحه بعد :(

kal ho na ho يقول...

قسم بالله توني أسولف لأخوي الصغير عن الأحلام الذهبية ..

أظرف مافي البباي استيبان لما ينادي زيا يناديها :زاااييا.. لوول

أصلا البحث عن الأم أحلى عقدة بباي.. عندج ساندي بل تدور أمها وريمي كان يدور أمه .. و جمان (زهرة الجبل) كانت تدور أمها..
عندج الوحيد اللي كان يدور على أبوه هو ككيرو.. هالبباي السوداوي.. يحبط النفس ويخلي الواحد مغموت من الاحداث..
مادري شلون كانوا يحطونلنا بباي جذي..
طبعا لازم في قصة حب هالبباي عشان ينطع ويصير تيكه.. ساندي تحب مارك ..وجمان تحب حسان.. وهايدي تحب بيتر..وجورجي تحب لويال.. وأدوارد يحب لين ..ولين تحب الكل!!

ما أعتقد إذا شفتوا ببايتاكم إللي تحبونها ألحين راح يتغير شغفكم فيها..

أبوه للجنة اليوتيوب..!!

ودمتم

ebtsamh يقول...

لغة مخاطبة الطفل واكبر استفزاز لمشاعره غياب امه او ابوه عنه ..

ولان الأم لها مكانه أقوى خاصة في عمر الطفل الصغير .. هذا يضمنلج عنصر الجذب للأطفال ..

واللي أكيد ما رح تجذبينهم بالقضاء على الاشرار وايجاد اصدقاء وتحقيق الشهرة مثل رسومات هالوقت ..

مشكوره فيوله .. والله ذكريات عاطفية مع الرسومات اللي عرضتيها ..

نهــــــــــار يقول...

السلام عليكم...
أياااام بومبو
كله كوم وإنها خرجت من بيضه كوووم ...
....
والنسر الذهبي ومدينة الذهب سالفه ...ونتريا متى بيلاقون هالذهب ..
...
بس بشار الصراحه
كان غير يهم القلب وهو يدور أمه ...
....
دمتِ بخير

Her يقول...

waay ya 7elo babayatna 9ej kelha ka2aba bs twanes ana a7eb bombo bs ma a7eb el27lam elthahabeya ... 9arly cham yom adawer wadi el2man wedy ashoofa:p

Sami يقول...

الغبرا تارسه الديره :))

NoNoChanel يقول...

بصراحة من يومين طحت على مدونتج
وعجبني اسلوبج العفوي بصراحة
وحبيت ارز ويهي بمدونتج


كان يعجبني الاحلام الذهبية لأنه مغامرات وأيضا جزيرة الكنز

ويسعد صباحج

Made n Q8 يقول...

الله بومبو

كنت اشوف مقدمتهم واقول شلون جذي سياره تمشي عالطوفه خخخخ

شاي الضحى يقول...

شيمونه

اي وايد حلو بس ما يبجي!

بشار ما كنت احبه وايد كنت اشوف نحول

ههههه يمكن :q

شاي الضحى يقول...

كوكتيل

الاحلام الذهبيه كنت ما اواطنه وشايفه حلقات منه بس هم ما احبه

تهقين هذا السبب؟

انا ما اتوقع :)

شاي الضحى يقول...

هديل

بومبو تهبل ما كانت رفيقة دربي لاني كنت 24 ساعه اشوف ببايات فكلهم معاي بالدرب :q

ببايات الحين تييب اليهد وما تنبغى ومافيها شي مفيد

شاي الضحى يقول...

قلم

الاحلام الذهبيه ما احبه ... بس لو بومبو او ماروكو او مدينة النخيل اشوفهم الحين احبهم

اي وعليه طول الحلقات واهوا يحوس من ديره لي ديره يدور امه

هههههه

العفو :)

شاي الضحى يقول...

رورو

اي وعليه

اي ريمي فيهم؟ دروب ريمي او ريمي النتفه

لان جنه دروب ريمي امها معاها عدل؟

نسيت اغنيته موجوده باليوتيوب

انا واخي بعد حلو جنه سووله جزء ثاني بس سخيف

واكو انا واختي بس سخيف

اذا ضاعت امج نسويلج مسلسل كارتوني وتدورينها فيه :q

عفوا :)

شاي الضحى يقول...

هوبتي

ببايان قبل خفيفين دم عكس الحين

اذا سألتي المؤلف قوليلي :q

شاي الضحى يقول...

she

انا الصراحه ما متابعته عدل بس الي اعرفه ان يدورون ابوهم مدينة الذهب

مادري اذا انا غلطانه او لا

ليش يخرع

ههههههه هذا يمكن تأليف عبدالعزيز المسلم :q

بس والله فيه قصة مو نفس الحين

النمر المقنع ما احبه بباي صبيان

احنا بعد كنه نختار الابطال

بس كنه نختار من بباي "الفواكه" وانا كنت مزمز هههههههه

عادي اخذي راحتج وقولي الي تبينه :)

شاي الضحى يقول...

بوك

اي وعليه عليهم

الوميض الازرق شخباري نسيته

اكييييد كلهم مغامرات :)

شاي الضحى يقول...

هوبليس

هههههههه

بس كانوا حلوين :)

شاي الضحى يقول...

جندل

بشار يكسر الخاطر

يمكن بنمون مشاعرنه ههههه

شاي الضحى يقول...

سويت

هههههههه

شوفيهم وتذكري الايام الحلوه والبريئه

اي كلهم نفس الشي يدورون امهاتهم مادري ليش

سالي وااايد حلو


المسرحيه احلى من الكارتون

شاي الضحى يقول...

kal

اي انا سمعتج تسولفين مع اخوي جان اكتب البوست ههههههههههههههه :q

ما شاءالله كل هذيله امهاتهم ضايعين؟

قصص الحب نادره

اغلبها خير وشر

الحين اشوفهم بين فتره وفتره بس اكيد ما استمتع فيهم نفس قبل

شاي الضحى يقول...

ابتسامه

كلامج جدا مقنع وصح الاطفال اهم شي امهم

يمكن كنه نشوفه لقى امه او لا هذا اهم شي نفكر فيه

العفو

ذكريات حلوه :)))

شاي الضحى يقول...

نهار

اي مادري شلون سيارة طلعت من بيضه !!!

وبعدها بدأت مشوار العصفور هههههههههههه

كلش مو راكبه

ليلحين ما لقوه؟!

اي وعليه فيه نقص حنان

شاي الضحى يقول...

هير

انا بعد ما احب الاحلام الذهبيه

وبمبو تهبل

روحي محل بالنقره الجنوبي

عنده كل البابات المسرحيات والمسلسلات القديمه

تلقين كل شيييييييييييييي

شاي الضحى يقول...

سامي

ويه عيل ازهب الكمام؟!

شاي الضحى يقول...

نونو

ويه طحتي عسى ما تعورتي؟ :qq

حياج الله رزي ويهج وبسطي وشربي معانه جويهه


حياج الله :)

شاي الضحى يقول...

ميد

سحر هههههههههه

تفكيرنه على قدنه :q

مو بس تمشي على الطوفه

تتكلم تاكل تنام طالعه من بيضه

كل شي شلون هههههه

:)

رورو الشخبوطه يقول...

جنه اسمها دروب ريمي..

اللي اغنيتها ريمي ريمي ريمي..
في مقطع يقولون دروب قد قطعتيها افينا البعد اما فيها نسينا الحزن شوق للغد الافضل..

مررت بخاطري فكرة عبرتي ضلت الذكرى..

رتبي الاغنيه السابقة خخ..

وي مالي خلق اصير مشهوره :p

شاي الضحى يقول...

رورو

يمكن دروب ريمي نسيت الاغنيه

وفي اغنيه مشهوره كلها تغنيها عن الام

بس جنه امها معاها وغنت لها

هههههه مالي خلق :q

رنداالجنوبية يقول...

الله ياايام زمان صراحه انا اموت بكارتون بشار والاحلام الذهبيه ذكرتيني بهم الله يذكرك بالخير..

تمنياتي لكي بالتوفيق

شاي الضحى يقول...

رندا

اجمعين يارب

:)

daloo3a يقول...

ويييييه انتوا كنتوا مال العصر الحجري .....


انا ما اتذكر غير ثاني رسوووم يطلعونه في سبيس تون

شاي الضحى يقول...

دلووعه

ههههههههههههههه

عيل طافج احلى كارتون ملوت العصر الحجري والديناصورات

عيل ما شفتي شي حلو وانتي صغيره :q

barbar يقول...

الله على أياااام أول كل شي فيها حلو رسومات قصة معنى أصوات كل شي فيها له معنى مو هالجييييل اللي همه طقني و أطقك ماكو معنى كلللش !! أذكر من كنا صغااار نتأثر بالبباي اللي نشوفه و نبجي و حالتنه حالة و لي يومكم هذا نذكر شصار و أغنية البباي حافظينها ،، أخييييي على أيااام أول يا حلووها من أيااام :(( و الله خنقتني العبرة

شاي الضحى يقول...

بربر

اهي اهي ببجي معاج هههههههههه

ببايات الحين تييب اليهد واغلبهم حروب !!

مادري ليش ماكو برائة كلش