الثلاثاء، 25 مايو، 2010

Vitalgaufre

الاسبوع الي طاف رورو مادري شسالفتها على الوافلز

المهم راحت وكلت الي بخاطرها

وانا ما احبه ... بس شوقتني وقلت بجربه

وقالوا ان الي موجود بالشامية مول احلى شي

فرحت مع اختي نجربه واسمه

Vitalgaufre

واهوا بلجيكي

وله فرعين بالشاميه مول والمهلب

تحديث: تم افتتاح فرع بجمعية العديلية


وهذا الكشك


وتختارون اذا تبونها لينه او يابسه

احنا اخترنا بالنص


العلب


تلف الشوايه عشان ينزل الشكر منها


هني كانت لينه وايد قلت لها سويها بعد شوي


قصتها بعد ما خلصت


الصلصات:

strawberry - maple syrup - caramel

dark chocolate - raspberry - nuetella


انا اخترت nuetella

واختي maple syrup


وخلص الطلب


هذي طعمها حلو وخفيفه


والنوتيلا حلوه بس شوي ثقيله


سعر الوحده ديـــنـــار

خدمة التوصيل: 65688819

خدمة الحفلات: 97868777

الموقع الاكتروني

جان زين يسوون لهم كافيه

هناك 41 تعليقًا:

mazyona يقول...

شكله حلو وايد
بس ما أحبه

شاي الضحى يقول...

مزيونه

انا بعد ما احبه

بس جربت هذا وحبيته واليوم طلبت مره ثانيه

:)

رورو الشخبوطه يقول...

بالعافيه يارب..

لي ردت عرتي بجربه مره 2 حاليا مو مشتهيه ..

ومشكوره..

شاي الضحى يقول...

رورو

الله يعافيج

عاد عرتج مشكله هههههه بتحنين علي لما تاكلين الي تبينه :q

عفوا :)

Hopeless Sight يقول...

ماشاءالله شكله لذيذ!
عليكم بالعافية :)
خل أجرب اللي بالمهلب.

Hopeless Sight يقول...

ماشاءالله شكله لذيذ!
عليكم بالعافية :)
خل أجرب اللي بالمهلب.

شاي الضحى يقول...

هوبليس

الله يعافيج

:)

رنداالجنوبية يقول...

يمي باين انه لذيذ ابغى وحده ههههه

بالعافيه ع قلوبكم ..

موفقه بإذن الله .

شاي الضحى يقول...

رندا

اطرش لج :q

الله يعافيج


مشكوره


:)

غير معرف يقول...

واااي انا ليش شفته الحين :((
ابيييي نوتيلا يعت:"(
باجر من الصبح بقوم اخذلي نوتيلا ودارك جوكلت وستروبري وكراميل

بالعافيه :(

شاي الضحى يقول...

غير معرف

ههههههه كل هذيله مع بعض؟!!!!

الله يعافيج/ك

:)

قلم ومسّاحة يقول...

جربته بس مرة وحدة لما كنت بالمهلب وحيل حبيت طعمه صج صج حلو ويشهي وحلاته ينوكل بنفس الوقت حار.. لان اذا خليته وكليته بارد يصير كأنه اسفنج.. ودي اكل منه لا الصراحة شكله وطعمه حلو بالعافية عليج.. وانا لو باخذ راح احط فوقه كراميل

شاي الضحى يقول...

مقلمه

صح طعمه وايد حلو مع اني ما احب الوافلز بس هذا حبيته

انا كليته واهوا حار وكليته واهوا بارد كلهم حلوين ما صار جنه اسفنجه

اختي اليوم كانت بتجرب الكاراميل بس نسيت ويبتلها ال maple

حلو الكاراميل؟

وانت اي نوع جربت؟

{~المباركية~} يقول...

يصلح اتريق فيه مع كوب من القهوه

اماكن الفروع عندهم قليله من صوب رميثيه وهالقبيل مالهم نصيب


صحه و عافيه

قلم ومسّاحة يقول...

انا جربت على كراميل وكان حلو وايد ويكون طعمه قريب من السينامون.. بالنوتيلا ماذقته بس من شفت الصور حسيته ثقيل، الفراولة مايعجبني..

( حبيت الـ مقلمة ) لووول

هديــل يقول...

شكل النوتيلا يشووق =)

عليكم بالعافية ..

SweetHeart ~ يقول...

ولا مره جربته
شكله لذييذ ..

بالعافيه :)

ميمة السبيت يقول...

** بالعافية هذا وايد لذيذ احنه نطلبه ساعات بالدوام و احلى شي فيه انه اييبونه حار يمم يمممممم

NOIR يقول...

WAFELS!
HOLLAND
DELFT
COURHOSE
DANHAGE
:"(

الله يسامحج ! البتي المواقع يا ام فيول
و بالعافيـــــــه

و انا اضم صوتي الى صوتج
اذا فتحو .. انتي معزومه على حسابي :)

Made n Q8 يقول...

اشوه يوصلون

علييج بالعافية

chandal/danchal!! يقول...

الله يعطيج العافية يا جايونة... دايما مباشرتنا بالخدمات الطيبة, ما ننحرم

:)

بنتي غرامها الوافلز... شكلي بطلب منهم يوصلون لنا اليوم


عليكم بالعافية

:)

Ms Botamba يقول...

حده عجيييب
انا جربت النوتيلا وايد عجبني..
و
جربت التوت raspberry

^_*

شاي الضحى يقول...

المباركية

انا كليتها مع قهوه وايد حلوه

واذا طالع مر اي فرع فيهم

او دق يمكن يوصلون لكم

الله يعافيك :)

شاي الضحى يقول...

مقلمه

اول شي شوقتني بس لما قلت سينامون هونت ما احب طعم السينامون

النوتيلا ثقيل بس حلو اكل نصها وخل النص الثاني حق بعد جم ساعه :q

اي مقلمه ومحتوياتها هههههه :q

شاي الضحى يقول...

هديل

الله يعافيج :)

شاي الضحى يقول...

سويت

جربيه حلو انا قبل كنت وايد امر يمه بس ما اطلب لاني ما احب الوافلز

بس شوقوني عليه جربته وعجبني

الله يعافيج

شاي الضحى يقول...

ميمه

الله يعافيج

اشوه يعني لما يوصلونه يكون حار

توقعت يكون بارد

شاي الضحى يقول...

NOIR

ههههههههه

الله يعافيج

اي كافيه ويكون فيه قهوه تصير القعده حلوه


يالله اذا افتحوا بقولج عشان تعزميني هههههههه :q

شاي الضحى يقول...

made

الله يعافيج :)

شاي الضحى يقول...

جندله

الله يعافيج

جربي هذا ويقولون الي بدين اند دلوكا احلى من هذا

انا ما جربته بس وحده من اهلنا مجربته تقول وااااايد حلو


والله يعافيج :)

شاي الضحى يقول...

بوتمبه

جربت النوتيلا بس والتوت ما احبه

:)

Mai يقول...

من زماان ما كليت وافلز!
بس شكله لذيذ, بالعافيه :)

شاي الضحى يقول...

مي

الله يعافيج :)

Frankom يقول...

أهم شي ان عندهم توصيل
باجر الطلب منهم ان شاءالله
:)

بالعافية للجميع

شاي الضحى يقول...

فرانكوم

اي حق الي ماله خلق يروح او للدوام :)

اطلبي معاك


الله يعافيك :)

AM.SA.CHANNEL يقول...

لاااااااااااااااااااااا شو هالتعذيب نص الليل هههههههههه .. يم يم شكله لذييييييذ و الله .. هاتووولي إيااااااااه دبي لول ما يوصل ههههههههه ..

تدرين أنا عمري ما كلته و شكله ما يشجعني لكن الحين صدق أبا أطعمه ..

شاي الضحى يقول...

AM

اخذي هالمحل عندكم وعطينه دبي كلها هههههههه :q

انا اول مره اكل الوافلز قبل كنت ما احبه مع اني ما حربته بس مادري ليش ما اشتهيه

الحين بعد ما جربت هذا عجبني وودي اجرب الي بدين اند دلوكا

جربيه عندكم يمكن احلى من هذا

:)

غير معرف يقول...

بالعافية تونه فاتحين محل بجمعية العديلية وأنا أشكر صاحب البلوق

شاي الضحى يقول...

غير معرف

الله يعافيك

فاتحين محل يعني كافيه ولا بس كشك؟!

انا ابي كافيه :q

العفو :)

barbar يقول...

ودي أجربه شكله شوقني بس هم أنا ماحبه ،، شكلي بجربه من وراااج جااايونة :))

شاي الضحى يقول...

بربر

جربيه والله حلو انا الحين كله اطلب منهم

بس ودي اجرب الي بدين اند دلوكا يمدحونه :)