الثلاثاء، 4 مايو، 2010

مبيض زيت الزيتون

شفته قبل فتره بالجمعية

وقلت اجربه


الي مكتوب عليه:

من خلاصة زيت الزيتون وزيت شجرة الغار وصابون خفيف وعصارة الليمون يوضع فوق ليفة الحمام ويفرك به الجسد جيداً تكرر العملية مرتين على الأقل بكل حمام ويشطف بالماء، صناعة المغرب

تجربتي:

جربته لمدة 3 اسابيع والنتيجه كانت جيده

لاني ما استخدمته بروحه استخدم معاه كريمات

ماركة Nutra-Life وهم استخدم معاه مقشر الجسم نفس الماركة

اسمه One Step Body Scrub

ما صورتهم مالي خلق

الي عجبني في المبيض ريحته ليمون منعشه

وفيه عيب انه ينشف الجسم

والكريمات استخدمهم كل يوم مع المقشر والنتيجه مرضيه

وهالأيام هابه اخلط معاهم فير اند لفلي

اي بعد شعرفه الكريم اني بحطه بويهي او بجسمي هههههه


ما استغنى عن تجاربكم ...

هناك 16 تعليقًا:

رورو الشخبوطه يقول...

شفته من زمان بجمعية الفيحا بس ماخذيته خذيت مبيض العروس جربته عادي نظافه بس تبيض ماشفت شي وريحته اذكر كانت زينه..

بجيك ع كريمات بالنت ..

اهو نتيجه تفتيح وتوحيد لون ولا شنو؟؟

ومرسي..

غير معرف يقول...

اغلب الخلطات الصابونيه تنشف فهاذا شي متوقع

حسبي حساب انج تحطين مرطب مغذي ثقيل نفس جيرجنز او منتجات ماركة فازلين ( مو فازين العادي )



انزين بنات منو جرب ماركة بوندز ؟
وصلني عنها مدح اليوم كنت شوي وادش اخذ منها بس ترددت قلت اسأل لان اخاف لوريال احسن
بنات شنو المنتج الزين في هالماركه اللي تنصحون فيه ؟
ومشكورين يا حلوين :*

Hopeless Sight يقول...

انا بعد جربت كريم العروسة و ما عجبني.. صج ريحته حلوة بس ماكو تبييض.. ود اجرب و اغامر بوايد خلطات بس اخاف.

Crazy Girl in aGood Way يقول...

عليج بالعافيه

اتوقع هالبوست يعجب رورو الشخبوطه

تحب هالسوالف

في ريحه زيت زيتون ؟؟؟؟؟

لما كنت حامل قالو عشان التشققات حطي زيت زيتون ... واااي لاعت جبدي صرت اشم ريحه سلطه خخخخخخخخخ

بعدها قمت ابعد عن اي شي في زيت زيتون واحطه بشعري او جسمي اخاف اكره السلطه لووووول


شكرا

شاي الضحى يقول...

رورو

اي انا خذيته من الفيحا ... ما اعرف مبيض العروس

انا سويت سيرج ما شفت احد كاتب عنهم شي لان جنهم يدد على ما اعتقد

لا مو توحيد اللون تحطينهم على الاماكن الغامجه بالجسم ويفتحهم

شاي الضحى يقول...

غير معرف

صح كلامج ... جيرجنز جربته وايد حلو بس كريم فازلين وعععع يسود ما احبه ... الفازلين العادي هم ما اوطنه دبق وثقيل

استخدم مرطب نسيت نسمه ريحته حلوه ويرطب

وبالنسبة لسؤالج ماركة بوندز جربت بس غسول الوجه واحد للنظاره والثاني المبيض وايد حلوين

بس عقبها شريت غسول الوجه لوريال هم المبيض عجبني اكثر من بوندر وفرق ويهي وااااايد

وساعات اخلط لوريال مع بوندرز او غسول فير اند لفلي مادري شسالفتي هالايام بس اخلط هههههه

وسألت اختي قالت لي "لوريال" افضل من بوندز

ما فهمت اي ماركه تقصدين!


العفو وحياج الله :)

شاي الضحى يقول...

Hopeless

ما اعرف هذا مال العروسه ههههه

شنو الخلطات انا عادي اجرب كل شي :)

شاي الضحى يقول...

كريزي

الله يعافيج

اي تحب هالسوالف ما تشوفينها معلقه اول وحده هههههه

لااااا كلش مافيه ريحة زيت زيتون بس ريحة ليمون جنه شامبو

لا كلش ولا تكرهين السلطه احلى شي بالدنيا فيول والسلطات ههههه


عفوا

حياج الله :)

AM.SA.CHANNEL يقول...

شكله الصراااحة زين .. !! أنا أحب أي شي ويا زيت الزيتون واايد أحبه .. !!

شاي الضحى يقول...

AM

احب زيت الزيتون بالأكل :q

بالخلطات ما جربت وايد اشياء

بس هذا زين


شكرا :)

غير معرف يقول...

اي انا اقصد ماركة بوندز لاني مو مجربتها




ومجربة من لوريال بس الغسول ووايد حلو



عموما جربي خلطة مزيونه وشقره وايد حلوه
وابتعدي عن لوشن فيتامين سي ترى حده مضر طلع

شاي الضحى يقول...

غير معرف

اها ... جربت بس الي قلت لج عنهم غسول النظاره والثاني غسول التبييض

الكريمات والسوالف الثانيه ما جربتهم

وانا بعد لوريال بس جربت الغسول وايد حبيته احسن من بوندز

مزيونه وشقره؟! شنو هذي؟ وحق شنو؟ ووين تنباع؟

مشكوره

Queen M يقول...

الله انا احب هالسوالف ..
احلى شي زيت الزيتون عجيب حق الجسم

شاي الضحى يقول...

Queen

منو ما يحب هالسوالف :)

يقولون زين بس مادري شنو فايدته

غير معرف يقول...

هلا فيج

معقوله ما تعرفين خلطة مزيونه وشقره ؟

غريبه

عموما طلع عليها اميت خلطه تقليد بس انا جربتها صج فرق
بس فيها سفيد اب واذا تبين تقدرين تشيلينه من الخلطه
وترى ما اعرف المرة اللي تبيع و مو من مصلحتي اسوق لمنتجها بس عجيب وسريع وعملي وكل شي :)

سوي سيرج في قوقل تطلع لج ورقم المندوبة وكل شي

شاي الضحى يقول...

غير معرف

اي والله ما اعرفها .. اليوم قالت لي عنها رورو

الصراحه ما احب اجرب خلطات ناس يسوونها

اجرب الي ينباعون بالجمعيات وبالمحلات وهالسوالف

مشكوره وما قصرتي :)