الاثنين، 10 مايو، 2010

عيش زرشك على طريقة الشيف هنوف البلهان

بعد ما سوينه البيتزا وطلعت لذيذه

اضغط هنا

امي اكتبت طريقة العيش بالزرشك وقالت بتجربه

وسوته قبل اسبوع

وكالعاده انا مشرفه ومصوره لان هالشي صعب علي هههههه

بس كنت متابعه جيده وعرفت اسويه لانه وااااااااايد سهل

المقادير:
2 كوب أرز
ملح
زيت
1 ملعقة كبيره زعفران
1/2 كوب زرشك

ملاحظه:
1- المقادير حسب الرغبه
2- الزرشك = توت بري مجفف لونه احمر ويكون حامض
3- امي شرت الزرشك من مطحنة "الدولية" وطعمه وايد حلو


الطريقة:

انقع الزعفران بماي


نفوح العيش مع الماي والملح والزيت

لما يخلصه نشخله

وبقاعة الجدر نحط شوية زيت


وبعدها نحط نص العيش وفوقه شوية زرشك


ونحط باجي العيش


وفوقه الزرشك

يصير مثل طبقات


وبعدها نسوي حفر بالعيش


ونحط داخلهم الزعفران


ونخليه على الحديده 10 دقايق


واخر شي نخلطه ونقدمه


شرينه كباب وكليناه مع العيش

طعمه كان حلو بس ناقصه شي شنو الله اعلم

بالعافيه

هناك 37 تعليقًا:

Crazy Girl in aGood Way يقول...

ناقصه روب ههههههه

او صلصه ...... من ناحيتي مااحب اكل ناشف لازم دقوس او روب او اي شي :)

عليكم بالف عافيه وتسلم الايادي :)

شكرا

Engineer A يقول...

تسلم ايد الوالده مبين عليها خوش طبخة ..

عليكم بالعافية :)

الوتين يقول...

واي ذكرتيني بعيش ناز .. الزرشك حده يمي .. انزين شنو الناقص؟ ابي اجرب

عوافي

رنداالجنوبية يقول...

تسلم ايد الوالده الله يعطيكم العافيه

باين عليه لذيذ ناقصه الروب يمي اوسلطه

على قلوبكم بالعافيه

DoDoq8 يقول...

ناايس بالعافيه شوقتيني بهليل لوول

Made n Q8 يقول...

يسلموو الايادي وعلييكم بالعافية

تعجبني طريقه طبخ نوف بس ولا مره جربت ولا اتجرأ اصلا ان اسووي طبخاتها :s

Made n Q8 يقول...

نوف منو لووول اقصد هنوف :)

chandal/danchal!! يقول...

ناقص مرق بارك الله فيج

:)


شكله عجيب يعطيكم العافية على الطبخ والنقل المباشر


بس اسمه زرشت والا زرشك؟

رورو الشخبوطه يقول...

بالعافيه يارب..

عادي اسويه بدون زعفران لانه ماحبه..

وتسلم ايد تنت :)

وهم تسلم ايدج اللي صورت ونزلت البوست..

مشكوره..

Fishah يقول...

اممممم ناقصه زبده منسدحه عل ويه :>

بالعاااااااااافيه .. تسلم ايد الماما والمشرفه :)

PURE HEART ~ يقول...

احبهههه ..

بالعافية ..}

شاي الضحى يقول...

كريزي

والله مادري

الله يعافيج ويسلمج

عفوا :)

شاي الضحى يقول...

ENG

الله يسلمج ويعافيج

شكرا :)

شاي الضحى يقول...

الوتين

عيش شرين بانو الذ من ناز

همممم والله مادري مو خبره بهالسوالف


الله يعافيج :)

شاي الضحى يقول...

رندا

الله يسلمج ويعافيج

مشكوره :)

شاي الضحى يقول...

دودو

الله يعافيج

الحين اطرشلج هههه :)

شاي الضحى يقول...

ميد

الله يسلمج ويعافيج :)

ليش طيخها ما شاءالله وايد حلو

امي الي تلحق عليه تكتبه وتسويه

كنت كاتبه وصفة حلو اهيا مسويتها بس مادري وين راحت قميضه

:)

شاي الضحى يقول...

جندل

لا انا مو قصدي شنو ناقصه من الاضافات

قصدي بطعم العيش نفسه

الله يعافيج

لا وين مباشر هذا قبل اسبوع هههههه

زرشك

مشكوره :)

شاي الضحى يقول...

رورو

الله يعافيج

والله مادري اخاف تشيلين الزعفران يصير مالق

وترا كلش مو مبين طعمه .. طعم الزرشك اقوى

الله يسلمج

العفو حبيبتي :)

شاي الضحى يقول...

فشه

حطينه معاه زبده :)

الله يعافيج ويسلمج

شكرا :)

شاي الضحى يقول...

بيور

حبتج العافيه

الله يعافيج :)

lil.D يقول...

شكله لذيذ لكن اخاف ان الطعم مثل الزبيب! (ماحب الزبيب)
اول مره اسمع شي اسمه زرشك؟؟؟؟
اسمه عجيب لووووول

يعطيها العافيه امج ماشالله عليها
وانتي تصويرج يجنن

بالعافيه عليكم!

كوكتيل يقول...

والله شكله حلو شايونه

تسلم إيد الوالدة :)

وعليكم بالعافية يارب :)

شاي الضحى يقول...

lil

لا مو صوب الزبيب كلش انا بعد ما احبه

بس الزرشك يكون حامض يعطي طعم للعيش وايد حلو

واهوا عباره عن توت بري

الله يعافيج

مشكوره :)

شاي الضحى يقول...

كوكتيل

الله يسلمج ويعافيج


شكرا :)

Sn3a يقول...

Ayabaaah 3aish zersh o shbzee mafesh a7la men keda
tslm eed
ommch o hanoof akelha eshawwg

ShaymoOona يقول...

ماشاء الله اسمله عليج موهوبه ..ياليت اعرف اطبخ :(
حده اشوق العيييش

شاي الضحى يقول...

سنعه

عاد الشبزي كلشششش مو حلو :(

الله يسلمج

شكرا :)

شاي الضحى يقول...

شيمونه

دشي المطبخ وحوسي راح تتعلمين

ترا الطباخ سهل ما يبيله شي


بس اذا قلتي ماعرف وما حاولتي اكيد ماراح تعرفين

الوتيــــــــــن يقول...

وين صاير شرين بانو ؟؟؟

شاي الضحى يقول...

الوتين

شوفي البوست

http://chayaltha7a.blogspot.com/2010/05/blog-post_02.html

Her يقول...

a7eb el zreshk:) teslam ead el walda w ead ely m9awra w thanks 3al ma8adeer yemkn ajazef 3ala yom:p

cheese 7cake يقول...

احس زايده الماي شويه بس شكله لذيذ لاني احب الأكل الأيراني وتسلم ايدج يا شيف جايونه شعليج بعد شيف ومدبرة منزل اقـطع :)

شاي الضحى يقول...

هير

الله يسلمج :)

العفو ... مافيها مجازفه هههههه ترا سهل امشي على الخطوات وجربيه :)

شاي الضحى يقول...

جيز كيك

لا الماي ماله علاقه لووول

الله يسلمج

اي خوش وظيفه هههههه :)

Hopeless Sight يقول...

بس ناقصة مرق بامية و شبزي مع كباب .
ماشاءالله الزرشك شكله عجيب :)
ذكرتيني مرة كان عندنا رمان بيخيس محد اكله قمت انا يعني بصير سنعة و جففته تحت الشمس ..رديت بعد 3 ايام لين الرمان مخيس و صار لونه بني :p

شاي الضحى يقول...

هوبليس

احنا حطينه معاه كباب

بس ما سوينه مرق باميا اكيد بيطلع احلى

لوووووووول بدعتي بس الزرشك مو رمان تووووووت بري :))