الاثنين، 24 مايو، 2010

يوم بلا كهرباء!

طفت علينا الكهربا قبل مده وكتبت لكم هذا البوست بالظلمه

وكنت بنشره بوقتها بس نسيت توني اذكره

---------

أول مره ادري ان حياتنه كلها كهربا

واول ما طفت على طول قلت

فيوووووووووووولي

!!

لان اهوا كان المنقذ بالنسبة لي !!! وهذا اهوا


والحمدلله اني عارفه مكانه ووقتها كنت مع اختي بدارها .. وامي كانت بالصالة

طلعت من دار اختي ورحت داري وقتها كانت الساعه 10 بليل

وظلمه ما اشوف شي

خذيت فيول بطلته ورحت حق اختي خذيتها ورحنا المطبخ شبينه الشموع

وامي كل شوي تقول الحين بتشب ماراح تطول

وايد كان عندها امل هههههههههه

رحت عند اللابتوب ولا مافيه شحن جان يطفي

خذيت موبايلي قلت اتسلى ولا هم مافيه شحن

شوفوا الحظ انا على طول اشحن موبايلي وهالمره ما شحنته والله قراده

جان اتذكر اني ما سويت كشتي وكنت بطلع الصبح ههههههه

وهم ما شحنت كاميرتي

حدي ضاق خلقي

تجابلنه انا وامي واختي وماكو شي نسويه عطيتهم لغز يحلونه عشان نتسلى وما حلوه

ههههه

وكنت احاتي شلون بنام حرررررر خييييييييييسه

وشلون بزهب قشي واكوي هدومي حق طلعة الصبح

وبهالوقت يتنه 100 فكره

انا: يمه ماكو الا باجر اروح مع اختي الدوام واسوي شعري بمكتبها واكوي هدومي واشحن كاميرتي هههههههه

اختي: وانا ماكو الا اروح الصبح حق الكواي عشان يكوي هدومي قبل الدوام وانتي روحي الصالون سوي شعرج

امي: لا انا اقول نروح ننام بالمسيد عن الحر

اختي: او نحجز ليلة بفندق

انا: عندي خوش حل نروح مستشفى الأميري ننام فيه عندهم اسره وايد

هههههههههههههههه

يتنه افكار عجيبه وغريبه صارت الساعه 12 وليلحين ماكو كهربا

اختي نامت

امي نامت بالصاله

وانا قاعده يم امي واكتب البوست "بورقة وقلم"

وعلى ضوء الشموع على امل انها تشب الكهربا واقوم اسوي شغلي

امي تقولي رديتي للورقة والقلم وقمتي تكتبين فيهم؟!

بعد شسوي هذا الموجود!

بهالوقت فكرت اني اخترع "طاقة بديلة"

شلون وبشنو مادري؟!

فكرت اكمل اقرا كتابي "نساء قتلتهن السلطة"

بس طفوا شمعتين باقي شمعة وحده

وفيولي اخاف تخلص بطاريته واتوهق

امي استسلمت للنوم وراحت دارها وخلتني

وانا وحيده بالظلام اهي اهي اهي






شبت الكهربا على الساعه 2!







"حياتنا بدون كهربا ولا شي"

هناك 16 تعليقًا:

رورو الشخبوطه يقول...

خخخ بوست رومانسي ع ضوء الشموع..

و جان يبني قفشه وسخنتيها بالشمعه وضبطتي شعرج :p

هذي طاقة بديله..

واكره شي لما تنقطع الكهربا و مايتسلطون الا بالصيف :\

ومرسوو..

هوبتي يقول...

ياااااااااااااالهوي
3 حاجات ماقدرش استغني عنهم والف حمد وشكر عليهم

الانتر نت
المايه
الكهرباء

لو حاجه من ال3 قاطعه عندي بيجيلي انهيار عصبي

قلم ومسّاحة يقول...

انا أأيس ويضيق خلقي لما أقرا بالجرايد إن فيه أزمة كهربا وماي ف ما بالج إذا صار بالصج! مودي ينعفس فوق تحت ويضيق خلقي لأن فيني وسواس نظافة والماي ضروري والكهربا ضرورية.. في ناس ياخذونها على ضحك بس انا اعيش بتوتر لحد ما ترجع مرة ثانية.. بس ضحكت على الوالدة لما قالت ننام بالمسيد خخخخ

Made n Q8 يقول...

يحليله فيول والله اسم الله عليه شقردي طلع انقذج :d

لوول من قبل شهر جذي طفت علينا الكهربا بالليل وااي خيسه وانا من اللعانه احط الليت بعيين امي واعليا بعميها بروح ماتشوف عدل

daloo3a يقول...

اخس شي يوم تسكر الكهربه

محد يقدر يعيش =(

ShaymoOona يقول...

ايه و الله صاجه مااتخيل حياتي بدون كهربا ...لا مكيفات ولا لابتوب و لا تلفزيون ولا شي !!!
صج مأساة

شاي الضحى يقول...

رورو

ههههههه

الا بوست يكدر

قفشه؟! ما اعرف اسوي شعري فيها لو شوكه يمكن هههههههه

اي والله :(

شاي الضحى يقول...

هوبتى

وانا بعد ما استغنى عن هالـ 3 اشياء

ويه عاد انهيار عصبي مره وحده هههههههه

:)

شاي الضحى يقول...

قلم

اشوه ما انقطع الماي ولا جان علوم

احنا كهربا وما تحملنه

الناس قبل مادري شلون عايشين

الله يعافي اديسون

هههههه امي بس تفكر شلون تنام بالحر

:)

شاي الضحى يقول...

ميد

اي شفتي شلون صار بطل

ويه وعليه ليش تسوين فيها جذي

شاي الضحى يقول...

دلوعه

صاجه :)

شاي الضحى يقول...

شيمونه

نرد العصر الحجري

هديــل يقول...

آآخ اي والله احنا بدون كهرباء !

ما قصر توماس اديسون والله ;q

مادري شلون كنت بعيش بدون كهربا امبي ما اتخيل الوضع صج الحمدلله ع النعمة اللي احنا عايشين فيها

بس طبعا ترشيد مو مخلينا نتهنا بهالنعمة :/

مادري ليش ما يطفون الكهربا الا بالصيف ياخي وفروا بالشتا على الأقل اهون أو يعني وفروا بالنهار مو تالي الليل تتذكرون تقطعون الكهربا..


يلا اهم شي ان بيتنا ولا مرة قطعوا الكهربا من سووا حملة ترشيد < لا تنضلونا :]

THANXX =)

شاي الضحى يقول...

هديل

يايكم الدور ههههههههههه

زهبي المهبات والليتات والشموع من الحين :q

Her يقول...

lol 9arat fina gabel sboo3ean...madre shlon n3eesh bdoon takyeef walla

شاي الضحى يقول...

هير

عسى ما ترد تطفي مره ثانيه

اي والله خيسه