السبت، 22 مايو، 2010

عصير البقدونس

لما كنت بالثانوية كنه قاعدين نسولف انا ورفيجاتي

جان تقول وحده منه "في بيتنا كله نسوي عصير بقدونس"!!

احنا كلنا اطلعت عيونه

واستغربنه شنو هالعصير؟ وشلون تشربونه؟ وويع ومن هالحجي

جان تعزمنه في بيتهم عشان نجرب العصير

قبلنا العزيمه ورحنه

اول ما قعدنه شوي جان اتييب العصير

واحنا كل وحده تطالع الثانيه مانبي نشرب ههههههه

اول ما شفته وشفت البقدونس حسيت جنه تبوله تسبح فوق العصير !!

صج لاعت جبدي

وحده من رفيجاتي قالت "انا بجربه يعني احنا ليش يايين!؟"

اول ما جربته احنا قاعدين نطالع تعابير ويها

اشربت اول قلاص كلللللللله جان تاخذ الثاني وتشربه وما تكلمت ولا كلمه!

قلنا لها شلونه؟!

قالت خلكم لا تشربون بخلصه عنكم

بعدها كل وحده خذت قلاص وشربناه

طعمه جنه ليمون ونعناع بس صج حلووووو توقعت طعمه بقدونس

وبعدها خذينه طريقة العصير منها وقمنا على طول نسويه ببيتنا

المقادير:
3 قلاصات ماي
6 ملاعق كبيره بودرة ليمون تانج
1 شدة بقدونس
1/2 قالب ثلج


الطريقة:

نخلط كل المقادير مع بعض بالخلاط الكهربائي لما يتكسر الثلج ويختلطون عدل

نشخل العصير قبل لا نصبه بالقلاصات


المقادير تكفي لـ 4 قلاصات صغيره


سألت امي شنو فايدة البقدونس؟

قالت مفيد وبس ويالله شربي العصير !! ههههههه

وبالعافيه

هناك 48 تعليقًا:

غير معرف يقول...

مو متخيلة طعمه
ولا راح أجربه

البقدونس في حديد ويقلل امتصاص الدهون من الأكل
ممممممم شنو بعد
اي يساعد على التركيز
^^

she is me

شاي الضحى يقول...

she

ترا صج حلو جربيييييييه :)

طعمه ليمون

وشكرا على المعلومات :)

{~المباركية~} يقول...

لوول مابي اجازف
كلش كلش اجرب ربع قلاص و على حسب ريحته


صحه وعافيه

شاي الضحى يقول...

المباركيه

ريحته عاديه

انت الخسران ههههههه

ترا احلى من عصير الموكا :qqq

الله يعافيك

SweetHeart ~ يقول...

عصير برتقال وبالغصصصب اشربه آنا :$
شلووون بقدونس ههههه

بس تدرين صج يقولون انه زين

و ذاك اليوم قريت وحدة تستخدمه حق ويهاا(ماي البقدونس) :\
يعني زين حق البشرة اتقول

بس مادري ماجربت انا ،،


واهم شي انه امج ردت على استفسارج بأنه مفيد وبس ههههه
الله يخليها لج ..


و بالعافييية :)

حياتي هدف مو عبث يقول...

حطي معاه جرجير وطماط وبروكلي وكوسة وشمندر وثلج
يطلع عجيب (:
يمكن أول مره تلوع جبدج بعدين راح يعجبج

أنا ما أحب أكل خضروات وعندي نقص حديد
فكان هذا حل أمي.. العصير (:

وبجرّب طريقة رفيجتج وأضيف على عصيري بعد ليمون.. كوكتيل خضره ههههههه

'3ShMrGiaH يقول...

بجربه ان شاءالله بس اذا مو حلووو

اعتبري هذا آخر رد لي بمدونتج:p

<<لا تكفين:p

chandal/danchal!! يقول...

بالعافية

بس شكله حارج!

انا شايفة دكتور اوز مسوي نفس الخلطة بس بدون تانج

:)

ميمة السبيت يقول...

** بالعافية هذا زين اعود جوجو عليه اخليها تشربه

شاي الضحى يقول...

sweet

تدرين انا لو اشوف احد كاتب عن هالعصير ما اجربه

بس لاني شفته جدامي والي يمي اشربوه فشربته

بس صج حلو مافيه شي يلوع الجبد

اي ههههههه ما قالت شنو الفايده فيه

آمين

الله يعافيج

شكرا

شاي الضحى يقول...

حياتي هدف

اكيد ما راح احط معاه الي قلتيه :q

عاد الخضروات واااااااااايد مفيده

انا على طول اكلها

هههههههه

:)

شاي الضحى يقول...

غشمرجيه

جربيه وان شاءالله يكون هذا مو اخر تعليق :q

شاي الضحى يقول...

جندل

الله يعافيج

حارج؟! وينه وين الحارج

لاااا كلش ما يسوي حارج

عيل شنو حاط بداله

تانج اهوا معطيه طعم الليمون ومخليه يصير حلو

شاي الضحى يقول...

ميمه

الله يعافيج

اي سوي لها مفيد احسن من اي عصير ثاني :)

Ansam يقول...

we make apple and parsley juice at home with shredded apple pieces floating on top YUMMMM

Made n Q8 يقول...

البقدونس مفيد للشعر وحتى البشره يفتحها ويصفيها كنت احط ماي البقدونس في بخاخ واحطه بالثلاجه وكل ما تميت ابخ منه يصفي ويفتحها بس بعدين ملييت

بس ماافكر اشربه :s

رورو الشخبوطه يقول...

مااكل بقدونس بس يقولون مفيد للبشره مثل طريقة مدمد ..

واختي قايله بتسوي منه صابون وانا ناطرته خخخ..

مشكوره..

وبالعافيه يارب..

Twinkle يقول...

الوالدة الله يحفظها تشرب عصير البقدونس وتقول حلو مادري
ذكرتيني بصديقة ايام الثانوية كانت تشرب عصير خيااااار

مشكورة عالبوست 

Hopeless Sight يقول...

دام فيه ليمون بجربه :]
عليكم بالعافية

DoDoq8 يقول...

الله شكله بااارد يبيله بعد حر رده الدوام


عاد صج مفييد البقدونس بس حق شنو مادري :P

الاوركيده يقول...

راح اجربه هالاسبوع في الشاليه

انشاء الله يطلع حلو لان فوايد البقدونس عجيبة :)

شاي الضحى يقول...

انسام

تفاح اخضر؟

احس راح يطلع حلو

بجربه ان شاءالله

شكرا :)

شاي الضحى يقول...

ميد

طريقتج يبيلها خلق

عيل يبيلي اشربه وايد حق شعري

لا شربيه حلو


شكرا على المعلومات :)

شاي الضحى يقول...

رورو

انتي الخضرا ما تحبينها مع انها وايد مفيده

قوليلها تطرش لي صابونه :q

الله يعافيج

مشكوره :)

شاي الضحى يقول...

توينكل

انا ما جربت اشربه بدون ليمون

خيار؟! ههههه

ما اتوقع حلو

العفو :)

شاي الضحى يقول...

هوبليس

الله يعافيج :)

شاي الضحى يقول...

دودو

اي بااااارد لان معاه ثلج

ههههه

:)

شاي الضحى يقول...

الاوركيده

طعمه ليموووووووووووون بس صج حلو :)

كوكتيل يقول...

ترى عادي أتوقع أجرب أنا الشي الوحيد اللي أجرب فيه العصاير أحب الخلطات :)

emynice يقول...

بصراحه من اسمه ما يشجعه بس مدام قلتي حلووو راح اجربه ان شاء الله :)

هديــل يقول...

امممم مرة سويت عصير بقدونس لما سمعت انه مفيد بس طلع X(

لأنه بس كنت حاطو بقدونس ما كنت حاطه تانج ولا شي :)

AM.SA.CHANNEL يقول...

أنا ما أحب التاااااااااااانج ..
شكلي ببدله بعصير ليموون .

نهــــــــــار يقول...

السلام عليكم..
دوووم نسمع عن فوايده بس شو هي ما أدري
بس تدرين يبيــــله عصير بقدونس
...
بالعافيه

Her يقول...

lol bajarba:p

kie kie يقول...

عليج بالعافيه .. البقدونس مفيد واايد حق تنظيف الكلي .. هذا اللي انا سمعته من الناس ..
بس مثل ما قلت امج الله يحفظها ويا حلو تعليقاتها لج ... شربي وبس هههههههه

شاي الضحى يقول...

كوكتيل

انا بعد احب اجرب بالعصاير

جربيه حلو :)

شاي الضحى يقول...

emynice

اي اسمه مو شي بس اهوا شيييي

:)

شاي الضحى يقول...

هديل

اتوقع بس بقدونس بروحه ما ينشرب

حطي معاه تانج ما يبين طعمه جنه ليمون

:)

شاي الضحى يقول...

AM

تانج البرتقال مو حلو بس الليمون احلى

جربي مع ليمون فريش

:)

شاي الضحى يقول...

نهار

اي احنا الشي الي يفيدنه ماندري عنه ولا نشربه

الله يعافيج :)

شاي الضحى يقول...

هير

ان شاءالله :)

شاي الضحى يقول...

kie

الله يعافيج

شكرا على المعلومه :)

هههههه هذا الي سويته

:)

كرمآالوُهٍ يقول...

بعد نفس هالطريقة ..

تقدرون تسوون بدل البقدونس > نعنااع

روؤؤؤووعه والله

لمن تشربوؤنه تحسوؤن اعصابكم مرتااحه صج صج < هه

مشكوره شاي الضحي

شاي الضحى يقول...

كرمالوه

اي ليمون ونعناع هذا نسويه من زمان

بس هذا غير بقدونس :q

والنعناع معروف يهدي الأعصاب :)

عفوا

barbar يقول...

جايووونة من خذيييت الطريقة منج قبل مدة و احنا نسويييه بالبيت صج صج لذييييييييييييييييييييييييييييييييذ
يسلمو خيتووو :**

barbar يقول...

جايووونة من خذيييت الطريقة منج قبل مدة و احنا نسويييه بالبيت صج صج لذييييييييييييييييييييييييييييييييذ
يسلمو خيتووو :**

شاي الضحى يقول...

بربر

عليكم بالعافيه

اي لذيذ

عا يبيله هالأيام بالحر :)

على هونك يقول...

جربته .. رووووعه

:)