الأحد، 9 مايو، 2010

غباء!

اليوم العصر كنت قاعده اتغدى جاي وبسكوت وامي قاعده تشرب جاي معاي



بعد ما خلصنه قمت بدلت ووديتها بيت يدي

رديت على الساعه 5 وكنت ناويه امشي بس شفت الجو جنه معفوس شوي فقلت امشي بالبيت

وانا امشي شفت الاستكانات والمطاره على حطتهم

فقلت ليش ما اسوي خدمه لأمي واغسل عنها

عاد انا طفارتي غسال المواعين ما احب يلوعون جبدي حتى لو صحن انا ماكله منه

(تذكرت قبل اكثر من سنه لما كنت رايحه حق زعفرانه خلتني اغسل ماعون العنب انا يايه سياحه واهيا كارفتني وخلتني اخم شقتها اهي اهي والله حاله)

المهم خذيتهم المطبخ وبديت بالاستكانات وغسلتهم وكل شي كان اوكي

غسلت الصينيه وسبحتني بالماي

وصلت للمطاره وتوهقت

هذي شغسلها الحين

قعدت استرجع الماضي القريب واتذكر امي شلون كانت تغسلها!

والحمدلله ما خانتني الذاكره

بطلتها وكتيت الجاي الي فيها ويبت الصابون وصبيت داخلها وترستها ماي وخليتها تنقع

ورحت اكمل المشي وبنفس الوقت انظف البيت



بسم الله علي مادري شنو حايشني اليوم!

نظفت وخلصت جان ارد للمطاره

كتيت الماي الي داخلها ولا يطلع لي جاي مع صابون!

وانا متأكده ان ما كان فيها جاي قبل لا احط الصابون

جان ارد اترسها ماي واكته واترسها مره ثانيه واحط صابون واخليها تنقع

رديت لها بعد اكثر من نص ساعه وكتيت الماي ولا يطلع لي

صابون وجاي!!!

قلت اكيد المطاره مو صاحيه خلاص ماراح اغسلها

لما تيي امي تغسلها مطارتها وتمون عليها

لما خلصت المشي تسبحت وكنت بروح بيت يدي

مريت يم المطبخ جان اشوف المطاره وطالع منها الصابون

قلت بغسلها اخر مره وبشوف وتاليتها معاها!

قلبت المطاره وطلع لي جااااااااااااااااااااااااااي وصابون !!!

صج زهققققققت وطفرتني

جان اخذها واطل فيها

ويليتني ما طليت ... لاني شفت غبائي!!!!

شفت اشياء سوده مكوده داخل

ولا جياس الليبتون ما طلعتهم

ههههههههههههههههههههههه

وانا كل ما اصب فيها ماي يقلب جاي ههههههههههه

قطيتهم وغسلتها ورديت كل شي مكانه

قلت حق امي السالفه وقبل لا اكملها اعرفت اني ما شلت الليبتون

امي ذكيه مو نفسي هههههه

درس غسال المواعين سقطت فيه

درس الطباخ نص ونص

باقي درس غسال الهدوم شكله سهل

ادعولي انجح عشان يرشحوني للوظيفة والي اهيا

مدبرة منزل!

هناك 34 تعليقًا:

AM.SA.CHANNEL يقول...

هههههههههههههه و الله سالفتج سالفة، أنا قلت بيطلع جني ولا شي زغت .. و آخر شي ناسية أكياس الجاهي داخل هههههههههههه

q8-lawyer يقول...

ابييييييييييييه جايونه

مت من الضحك أحلى شي مطارة أمي وتمون عليها هههههههههههههههه

ماشاءالله عليج اليوم
سنع الدنيا نازل عليج

نسيتي درس الكواي
وتسفط الملابس هذا الصعب:)

شاي الضحى يقول...

AM

ويه لا بسم الله هههههههههه

نسيت ان في داخلها الجياس بعد شسوي هههههه :q

شاي الضحى يقول...

لوير

هههههههه

اي الله يتمم علي :q

لا الكواي والتسفط خالصين منه من زمااااااان

بالعكس اشوفه واااايد سهل بس متعب شوي

:)

Her يقول...

lol ana gelt akeed nasya el tea bag:p

أحمد الحيدر يقول...

اكاديمية المنزل مشاركة جنج ؟ :))

عموما مبادرة طيبة .. والتجارب الفاشلة مفيدة :)

تحياتي ..

شاي الضحى يقول...

هير

الله يالفشله :q

طلعتي اذكى مني ههههه

شاي الضحى يقول...

احمد

اي بعد شسوي استفيد من البطاله

عدل .. الحين تعلمت شي مهم بحياتي اني اذا بغسل المطاره اجيك على جياس الجاي :q

كوكتيل يقول...

والله أنا حسيت إنك ناسيه الأكياس داخل المطارة :)

يله بداية لاتنسى

بس فصلت عليك بصراحة والله أنا لو مكانك جان إنينيت

ذكرتيني بحالي لما أدور على القلم وأنا أدرس ومعصبه وأحوس أحوس وأخرتها حاطته بشعري :)

بس حلو البوست يضحك :)

شاي الضحى يقول...

كوكتيل

ليش كلكم تعرفون ان لازم نشيل الجياس الا انا ماعرف!! هههههه

لوول انا ساعات احوس ادور مفتاح السياره او تليفوني والقاهم بيدي!

حلت دنياج يارب

:)

رنداالجنوبية يقول...

هههههههههههههههه ياحلاتك شاي

انا مت من الضحك عليك قبل لااكمل القرايه لاني عرفت انك ماطلعتي اكياس الشاي خخخخ

ع العموم الفشل طريق الى النجاح

الله يعطيك العافيه ياعسل .

Made n Q8 يقول...

مدبرة منزل لووول


لا انا عيل غسل المواعين عندي يهون عن الطباخ وغسيل الهدوم..بس صج المطارة غسيلها يزهق ولا عاد الجدوور وااي خخخخخ

chandal/danchal!! يقول...

لوووووووووول

بدعتي شاي

عاد انا غرامي غسال المواعين

وهوايتي شي اسمه غسالة... رقم 3 حق الهدوم البيضا مع 45 درجة مئوية و700 مالت الروتيشن

اما الهدوم الملونة فأخليها على رقم 8 و 35 درجة و600 روتيشن

وعاش جينرال اليكتريك
:)))


بخصوص المطارة في اسفنجة خاصة حقها... كل اكودهم من ايكيا


يعطيج العافية

:)

BookMark يقول...

حلووة

ضحكتيني على هالصبح يامديرة ;)

Fishah يقول...

توقعت بتقولين انها زافتج تقول شنووو هاللقافه جايوونه توني مسويه الجاي خخخخخخ

عاد تدرين انا احب غسال المواعين احب مطافش الماي والترجخ :>
وماتلوع جبدي لاني البس اتسوووس .. ودايما اكبر من ايدي لووول

يعطيج العافيه حبوبتي :)

رورو الشخبوطه يقول...

حلو استفدتي من هالدرس انه لا حياة مع الياس ولا ياس مع الحياة ..

والصبر حلو ..

والتدقيق احلى,,

وناسه ردي جنه المشاعر والاحاسيس بدرس العربي خخخ..

انا ماحب الغسيل اخاف ع اظافري مره غسلت هدومي لقيت ظفري بالغسالة :\

ومرسي ..

7ąNήỮnɪỂ يقول...

هههههههههههههههه

آشين شي ف غسل المواعين
.. بقايا الطعام.. ما احب اشيلهم .. يع ..

الله يوفقك .. يا رب

شاي الضحى يقول...

رندا

ههههههههههههه انتي خبره انا غشيمه

واول مره اغسل مطاره

صاجه

الله يعافيج

مشكوره :)

شاي الضحى يقول...

ميد

مو عاجبتج الوظيفه؟!

انا ما احب اغسلهم بس الطباخ مو كله سهله واذا بطبخ ما اغسل المواعين هههه

الهدوم ما جربت اتوقع سهل

شاي الضحى يقول...

جندل

صج؟ شنو الحلو في هالمهنه ههههههه

هههههه ما فهمت شي من الي قلتيه :q

صج خوش شي عيل يبيلي اشتري منهم

الله يعافيج


وشكرا على نصايحج الحلوه :)

شاي الضحى يقول...

بوك مارك

مو مديره مدبــره :q

شاي الضحى يقول...

فشه

لا بالعكس استانست هههههه

لانها ردت من بيت يدي ولقت كل شي نظيف

احب الماي والتبربس بس مو مع مواعين

حتى لو البس دسوس هم يلوع الجبد

الله يعافيج :)

شاي الضحى يقول...

رورو

هههههههه حسستيني جني مسويه انجاز

يا شينه من درس :q


@@

شسوون بالغساله هههههههههههههههههههه

يالله عيل ماله داعي تروحين سبا حق اظافرج عندج الغساله :q

شاي الضحى يقول...

حنان

اي والله .. انا بعد :(


اجمعين مشكوره :)

mazyona يقول...

ههههههههههههههه
جنج أنا ساقطة بكل مواد التدبير المنزلي

شاي الضحى يقول...

مزيونه

الحال من بعضوا

ههههههههههه :)

sღღʍγ ℓღνєℓγ يقول...

looooooooooooooooooooooooLz


مو من صجج

لوووووووووووول

شاي الضحى يقول...

سومي

لا تضحكين عليييي وااااااااااه

:((


:q

cheese cake يقول...

ما شاء الله صرتي خبرة.. :)

ومنكم نستفيد

شاي الضحى يقول...

جيز كيك

ويني وين الخبره هههههه

:)

Crazy Girl in aGood Way يقول...

لووووول

تصدقين قلت امبيه شنو هاالمطارة العجيبه ... ماحطيت في بالي الليبتون

اشوى ماعندي مطاطير كلها مقين لي ولريلي واشوى عندي الدش ووشر

من شروطي للغربه ههههههههه

اتوقع لو تقعدين عند زعفرانه تتعلمين عدل وتردين مع مرتبه شرف :)

شكرا

شاي الضحى يقول...

كريزي

هههههه عيل طلعتي مو خبره نفس حالتي

انا ما احب الجاي بكوب يصير طعمه مو حلو

حلاته يخدر بالمطاره طعمه احلى

هناك الدش ووشر عندهم شي ضروري باغلب الشقق تلقينها موجوده

ويه لا ماني قاعده عندها تكرفني هههههههههههه

عفوا :)

ShaymoOona يقول...

والله توقعت لووووووول :)

شاي الضحى يقول...

شيمونه

ههههه :q