الجمعة، 28 مايو، 2010

نورت الديرة

اليوم الصبح زعفرانه وصلت بالسلامه



وناسه صار عندي اخت يديده

عاد هالمره مطوله ... اشوه عشان يمدينا نلعب مع بعض هههههههه

كنه مخططين لأشياء وايد بالصيف نسويها بس شكل الخطط بتخترب

كل ما تيي نحط "أجندة" نطبق 10% منها هههههه

ولازم من تيي تييبلنا صوايغ واغلبهم انا موصيتها عليهم

كل مره تقولي هذي صوغه ما يصير تطلبين

وهالمره وصيتها على اشياء وايد مو لاقيتهم هني

اشوه يابلتي كل الي ابيه

بحط لكم شويه من الي صورته والباجي ما اقدر احطه

هذا الكوب حق امي فيه مثل لوحة طباشير

زعفرانه اكتبت عليه حق امي


وهذا من الجهه الثانيه


مادري ليش مسويه دعاية حق الكافيهات ههههههههه

---------------------

وهالحلو اكيد تعرفون حق منو !


ميدالية فيول حقي وعلى زرافه (ما صورتها) حق اختي

عندنه نفسها جنطه


هذا انا موصيتها عليه ههههههههه

ماعون للبوب كورن


بوك مارك على كب كيك

(مغناطيس)


بوك مارك على بنيه والجهه الثانيه بنيه شكلها غير

(مغناطيس)


بوك مارك على بنيه ذكرتني بصديقة ماروكو الي تعرفت عليها

لما راحت هاواي مع يدها


m&m's Dominoes


عشان نلعب فيها مع بعض

وداخلها جيسين كاكاو


كاكاو من بتلرز

"هوت جوكليت"

موصيتها عليه

اهيا جربته وقالت وايد حلو

عاد يابتلي كراتين شكثر تبرعت بواحد حق اختي هههههههه


ان شاءالله بجربه وبقولكم عنه اذا حلو او لا

وهذا جزء بسيط من الصوايغ

خمت السوق لنا ونست نفسها

يالله بروح العب معاها

هناك 50 تعليقًا:

Hope يقول...

الف الحمد لله على سلامتها
قرت عينكم
و عليج بالعافيه الصوغه الحلوه

شاي الضحى يقول...

هوب

الله يسلمج

بويه نبيج :)

الله يعافيج

رورو الشخبوطه يقول...

الحمدالله ع سلامتها..

وقرت عينكم..

بالعافيه يارب ..

شاي الضحى يقول...

رورو

الله يسلمج وبويه نبيج :)

الله يعافيج ويخليج :)

جاكليته يقول...

قررت عينج .. والحمدلله على سلامتها
وعليج بالعافيه الصوغه ..
صج الواحد يستانس اذا احد يابله شي .. عليج بالف عافيه يا رب
وسلامي للزعفرانه ... وللوالدة الكريمه ..

قلم ومسّاحة يقول...

الحمدلله على السلامة
وعليكم بالعافية الصوايغ..
وعلى طاري المدالية إي أذكر هالحلقة لما تروح ماروكو هاواي بروحها وتتعرف على صديقتها " بوساتي " لوول

سلة ميوّة يقول...

قرت عينج


وعليج بالف عافيه :*

شاي الضحى يقول...

جاكليته

بويه نبيج ... والله يسلمج ويعافيج :)

اي وانا كله اوصيها واهيا تزفني ههههههه

وصل سلامج :)

شاي الضحى يقول...

مقلمه

الله يسلمك ويعافيك

لا مو مداليه قصدك بوك مارك اي صح هههههههههههههه

عاد انت خبرة ماروكو

شاي الضحى يقول...

سلة

بويه نبيج :)

والله يعافيج

:>

sweetya يقول...

الحمد الله على سلامتها


وعليكم بالعافيه :)

AM.SA.CHANNEL يقول...

لوووول أنا من شفت فيوووول ظحكت الصراحة .. كم من فيووول عندج ماشاء الله ؟ شو تسويييبه

شاي الضحى يقول...

Sweetya

الله يسلمج ويعافيج ؛)

شاي الضحى يقول...

AM

ليش فيول ما يضحك !!

عندي شووووويه :qq

BookMark يقول...

الحمدلله على سلامتها وقرت عينج

واهم شي انج بتلعبين معاها p;


وناااسة حلووين البوك ماركس المغناطيس

وصيها تييبلي المرة الياية
;)

'3ShMrGiaH يقول...

قرت عينكم

عاد بليز لا سويتي هوت جوكلت

احم احم عزميني:s

رنداالجنوبية يقول...

ماشاء الله عليكم بالعافيه

حمدلله ع سلامتها نامت عيونكم بشوفتها

سلام للوالده وزعفرانه

coïncidence يقول...

الحمدلله ع سلامتها
hav fun with her
ويا حلات الصوغه اهم شي فيول والمغ فكرته يديده وحلوه
عليج بالعافيه

ShaymoOona يقول...

قرت عينج بشوفتها..
الصوايغ عجيبه و الله عليج و عليهم بالعافيه يارب

chandal/danchal!! يقول...

الحمدلله على سلامتها

وقرت عيونكم

:)

ميمة السبيت يقول...

** حمدالله على سلامتها الله يحفظكم و يخليكم للماما ..

هديــل يقول...

الف الحمدلله على سلامتها :)

وعجبوني الصوايغ خصوصا البوك مارك =)

يلا استانسوا

E N J O Y ur time =p

Flowera يقول...

el7imdella 3la salamat-ha
oo garat 3ainkum feha

Allah ykhalekum 7ag b3'9 yarab oo testansun ma3a b3'9 ibhalfatra
=)

oo 3laikum bil3fya bi9uwaye'3

Welcome back za3farana

شاي الضحى يقول...

بوك مارك

الله يسلمج وبويه نبيج :)

اي اهيا يايبه العاب عشان نلعب هههههههههه

ليش اوصيها انتي بوك مارك لازم انتي تييبين لنا ههههههه :q

شاي الضحى يقول...

غشمرجيه

بويه نبيج

افا عليج انزل بوسك قبلها واناديج :q

شاي الضحى يقول...

رندا

الله يعافيج

الله يسلمج

يوصل ان شاءالله

مشكوره :)

شاي الضحى يقول...

ريم

الله يسلمج وبعافيج

شكرا :)

شاي الضحى يقول...

شيمونه

بويه نبيج :)

الله يعافيج

شاي الضحى يقول...

جندله

الله يسلمج

بويه نبيج :)

شاي الضحى يقول...

ميمه

الله يسلمج

امين مشكوره :)

شاي الضحى يقول...

هديل

الله يسلمج

اي يونسون :)

شكرا

شاي الضحى يقول...

flowera

الله يسلمج وبويه نبيج :)

آمين

الله يعافيج

مشكوره :)

5/4 يقول...

الحمدالله على سلاماتها

ومبروك عدد الفيول اليديده

Ansam يقول...

I love the cup.... min wain please? :-)

شاي الضحى يقول...

5/4

الله يسلمج ويبارك فيج

وان شاءالله يزيدون اكثر هههههه :)

شاي الضحى يقول...

انسام

الكوب من urban outfitters


:)

إلى متى ؟ يقول...

حمدالله على سلامتها ..:)

صراحه أكثر شي عجبني ماعون بوب كورن صج شكله عجيب و يونس

بس يبله نفيش و طالعين فلم يم يم يم

و عليج بالعافيه على الهدايا الحلوه :)

شاي الضحى يقول...

الى متى

الله يسلمج

اي يونس انا عجبني عشان جذي قلت لها تييبه لي

والله يعافيج :)

Her يقول...

alla y5aleekum 7ag ba3ath enshalla:) 7adhum cute el book marks 3aleach b2alf 3afya

غير معرف يقول...

inty cham feel 3ndch? :S
3ajeeeba ilhadayaa :>
salmay 3ala za3farana :D
chay +za3faran hehehe :p
ok bbye

Made n Q8 يقول...

الحمدالله على سلامتها

وقرت عينكم بوصولها

وعلييج بالعافية خووش صوغه مشالله

احلى شي لما احد من اهلج يرد من السفر وتنطرين تبين تشوفين شنو يابلج :d

شاي الضحى يقول...

Her

آمين يارب

الله يعافيج :)

شاي الضحى يقول...

غير معرف

ما عديتهم !

الله يسلمج يوصل :)

اي لايقين على بعض ههههههه عاد اهيا ما تحب الجاي ولا تحب الزعفران :q

شاي الضحى يقول...

made

الله يسلمج

بويه نبيج

الله يعافيج

ههههههه انا اعرف شنو بتييب لان كله اوصيها :q

Hopeless Sight يقول...

الحمدلله على سلامتها و الله يوفقها ان شاءالله :)
ماشاءالله الاغراض كلها حلوة :)

Crazy Girl in aGood Way يقول...

الحمدلله على سلامت خيتج وعقبال رجعتها مع الشهاده الكبيره

وعليكم بالعافيه الصوايغ ماشالله عليها انا عكسها تمااامااا

اخم السوق حقي وانسى الصوايغ بس لامي الا اذا طرشني على شي ههههه

شاي الضحى يقول...

هوبليس

الله يسلمج

اجمعين يارب

عيونج الحلوه مشكوره :)

شاي الضحى يقول...

كريزي

الله يسلمج

آمين يارب

الله يعافيج

هههههه لا اختي وعليه تخم السوق لنا

SweetHeart ~ يقول...

حمدلله على سلامتها ..

الصوايغ اتهبل عليج بألف عافيه ،

وااايد حبيت البوك مارك مافي بالكويت جذي :(

شاي الضحى يقول...

سويت

الله يسلمج

الله يعافيج

اي بالكويت ماكو الا الي بجرير يلوعون الجبد

:)