الأربعاء، 26 مايو، 2010

تجربتي مع تساقط الشعر

شهر ابريل الي طاف كتبت لكم بوست عن معاناتي مع تساقط الشعر

ورحت الصيدلية وشريت العلاج

والي يبي يعرف المنتجات بالضبط

اضغط هنا


امس خلصت اخر انبلوله

بالبداية استمريت عليه وكنت استخدمه يوم وترك

بعد فتره راسي بدا يحكني بشكل مو طبيعي

اكتشفت امي انه يابلي حساسيه فقالت خلاص وقفيه فتره وردي عليه بعدين

هذا الي سويته

وقفت فتره وبعدها رديت وهم رد يحكني ماكو فايده

شريت حمام زيت وقمت على طول احط ووقفت العلاج

لما خفت الحكه وقمت احط كل اسبوع انبوله وحده بس

وبعدها شريت شامبو كلير

"ينظف بعمق ويقضي على الحكة"

ومن استخدمته راحت الحكه وكملت العلاج

النتيجة:

الي شفته ان التساقط وقف 99%

وصار يتساقط بشكل طبيعي جدا


قبل لما امشط شعري بعد كل خصله لازم انظف المشط من كثر الشعر الي يطيح

الحين امشط شعري كله وجم شعره بالمشط

قبل اي مكان اقعد فيه يعرفون اني قعدت فيه والسبة الشعر الي يطيح بشكل مو طبيعي

وامي مبتلشه تمشي وتخم ههههههه

الحين الحمدلله وايد احسن من قبل ورد طبيعي

وامس لاحظت ان الفراغات الي كانت موجوده بسبب التساقط نبت فيهم شعر صغاااار

حتى صوب يبهتي كان طايح الحين صار عندي قذله



ولا تنسون اني كنت استخدم انبولات + شامبو + حبوب

واذا تبون تجربونه لا تشترون نفس الي شريتهم بالضبط

لان كل شخص يختلف عن الثاني ونوعية الشعر تختلف

فلازم تسألون

هناك 27 تعليقًا:

ShaymoOona يقول...

اتصدقين انا من الصبغ صار شعري حيل ناشف بس انزلت الصبغه لاحظت الفرق و انشاء الله بحشه لو اني متحسفه عليه

هوبتي يقول...

اولا الف حمد لله علي السلامه ومنيح ان شعرك ايجي مع العلاج والله الهمك الصبر تصبرين علي الحكه مشاكلها

ثانيا انا راح احكيلك وصفة طبيعيه امي الله يرحمها كانت تسويها لي وتسويها لشعرها بس امي كانت تسويها ليا انا كل شهر مره لاني انا كنت نقاقه كل شويه احكي ما بدي ما بدي


بتجيبي التوم وتدقيه منيح لما يصيررررر نااااامع وتدهني شعرك بيه مع زيت زيتون وتتركيه يوم بطوله بعدين تغسلين شعرك

ليش التوم لان التوم بيساهم في انبات الشعر
والزيت مشان الريحه ومشان النعومه ومشان التغذيه

شاي الضحى يقول...

شيمونه

الصبغ ينشف الشعر

قبل 8 او 7 سنوات كنت مسويه خصل بشعري وصار ناااااشف يلوع الجبد

وكل ما يطول اقصه اقصه اقصه لما راح الصبغ والحين توبه اصبغه

شاي الضحى يقول...

هوبتي

الله يسلمج اي والله الحمدلله

الله يرحمها برحمته

ثووووم؟!!! لا مستحييييييييل اجربه

جربته مره وحده قبل سنتين او سنه نسيت وحطيته ساعه بس وخلطت معاه زيوت وريحته ما طلعت من الشعر

تميت اشهر اعاني من ريحة الثوم جنه حمسة براسي ههههههههههه

فقلت لو شنو ما راح احطه مره ثانيه

وادري فوايده وايد بس ريحته استغفر الله ما تطلع من الشعر


مشكوره :)

رورو الشخبوطه يقول...

زين ماشاءالله..

انا ناويه اجرب بس للحين ماشديت الهمه :)

ومشكوره..

مـي يقول...

الله يكون بعونج

الحمد لله أن التساقط وقف

استمري بالعناية ، مو بعدين تشوفين صار شعرج حلو تصبغينه ! مثل رفيجتي ، سنة كاملة تعالج ، يوم صار اشزينه جان تروح تصبغ !

قلم ومسّاحة يقول...

جاي، انتي لما تغسلين شعرج تغسلينه بماي حار؟ ترا الماي الحار يسوي حكة للراس.. وخاصة هالفترة الكويت نار فلازم تغسلين شعرج بماي فاتر مايل للبرودة وبعدين سويه حار حق الجسم. وفيه معلومة قريتها عن شامبو كلير ان يسبب السرطان عاد مادري صج ولا جذب لان قريته بإيميل

..pen seldom يقول...

والله تساقط الشعر كثير يعانون منه ..

أنا اختي مسكينه جات لها فترة يتساقط شعرها بشكل مو طبيعي ..

وراحت للمستشفى وعطوها كم شي مثلك ..
وتقول خف التساقط ..

بس الحمد لله بمـا انك تقولين أن نسبة تساقط شعرك خف كثير ..

وان شاء الله ما يرجع ويتساقط من جديد ..


تحياتي لك ..

شاي الضحى يقول...

رورو

انتي روحي الصيدليه وقوليلهم عن مشاكل شعرج

بس ديري بالج لا تييج مندوبة منتج معين وتخربط فوق راسج

عفوا :)

شاي الضحى يقول...

مي

لا جربت الصبغ مره وبعدها توبه ما احبه يخرب الشعر وينشفه ويصير شكله خشن

شاي الضحى يقول...

مقلمه

لا ما احب الماي الحار اتسبح بدافي على بارد

حتى للجسم اذا تسبحت بحار انصلخ ههههههه

وبالنسبة لكلير وصلني الايميل وسوالف الايميلات ما اصدقهم ولو صج يسبب السرطان او فيه عله جان شالوه من الجمعيات

ويا كثر خرابيط الايميلات

وكل شي صار يسبب السرطان

مالي شغل فيهم اهم شي ان الحكه راحت

:)

شاي الضحى يقول...

pen

اي التساقط له اسباب وايد لازم تعرف شنو السبب الي يخليه يطيح عشان تقدر تعالجه

بس الحمدلله خف عندها

ان شاءالله :)

Mai يقول...

ماشاء الله, استمري عليه ..

شاي الضحى يقول...

مي

لا اهوا بس كورس وخلاص ما تستمرين عليه

:)

mazyona يقول...

تصدقين أنا اواجه نفس المشكله وما خليت علاج ما جربته
شكلي بجرب اللي جربتيه يمكن

شاي الضحى يقول...

مزيونه

انا قبل ما واجهتني هالمشكله الا وقت الامتحانات وبس تخلص يوقف التساقط

بس هالمره غير نقص فيتامينات مع الرجيم

فانتي روحي وسأليهم شنو يناسبج :)

Hopeless Sight يقول...

الحمدلله :)
من صبر ظفر. جربت المنتجات هذي و الحمدلله يابت نتيجة.

شاي الضحى يقول...

هوبليس

الحمدلله ... انا اول مره استخدمهم واشوه طلعوا زينين :)

Frankom يقول...

كنت أجرب شي ثاني من نفس الماركة وفعلا وايد زين
:)

شاي الضحى يقول...

فرانكوم

اي قلت لي من قبل :)

الحمدلله هم هذا وايد زين

AM.SA.CHANNEL يقول...

المفروووض يا شاي الضحى تقووولين ماشااااااااااء الله ههههه مافيج على العين و الله ...

بس الحمد الله .. بس زغت أنا يوم قلت سوالج حكة في الراس .. بس زين صبرتي و رد شعرج ماشاء الله .. !!

شاي الضحى يقول...

AM

ويه ما شاءالله لا يطيح مره ثانيه هههههههه

اي الحكه صج تأذي وتضايق وايد

بس الحمدلله الحين خفت مع الشامبو

:)

Made n Q8 يقول...

مشالله الله يتمم عليج

عاد صج خووش ماركه وايد يمدحونها

شاي الضحى يقول...

ميد

امين

انا ما سمعت عنها من قبل :)

شيء ما يقول...

ثانكيو على تجربتج اي ول تراي ان شاء الله ورد اكتبلج النتيجة << الله يستر ^^

شاي الضحى يقول...

شيء ما

لازم تسألين قبل :)

حياج الله

غير معرف يقول...

تبين اصدمج ،،
يمكن الموضوع قديم بس ان الحكةالي تكون بعد استعمال اي علاج للشعر اهو البيبي هير يعني الشعر توه يطلع والمفروض تتركينه