الثلاثاء، 10 نوفمبر 2009

Dubai Part 4


مثل ما قلت لكم في الجزء الثالث اني تريقت وقعدت انطر بس الرحله كانت الساعه 3 العصر

علشان جذي قررنه انه نروح سكي دبي لان قريب يمنه في امارات مول

خذينه تاكسي ما كان لنه خلق نمشي ورحنه

طبعا التكاسي صايرين يلوعون الجبد وكل واحد لسانه اطول من الثاني

وبعد افتتاح المترو زادوا اسعارهم

من فندقنه الى امارات مول تقريبا 7 درهم بس ندفع لهم 10 درهم

يعني ماكو شي اقل من 10 درهم مو نفس قبل

واحد قالنه من اول ما بطلوا المترو قل الطلب عليهم عشان جذي زادوا اسعارهم!

امي تقولهم ودكم المترو يطيح لووووول

المهم وصلنه ودشينه السكي انا واختي وكان هدووووووء




السنه الي طافت اذكر لبست البالطو الاسود صرت جني بطريق هههههههههههه

هالمره غيرت وخذيت الجاكيت مع البنطلون


خذينه الهدوم والجواتي (وانتوا بكرامه) ورحنه نبدل


طبعا قبل ما ندش رحنه شرينه gloves من H&M

الي تشتغل بطت جبدي ما اسألت عن القياسات عطتني هدوم شكبرهم ما استوعبت الا لما دشيت داخل :(

وهذوله هدومي


وهذوله هدوم اختي


وكان باستقبالنه الدب القطبي هههههه

صورنه معاه بعدين دشينه




بررررررررررررد


شوفوا الأثنين الي بالصوره الي فوق

هذوله مصورين اذونه الا بصورونه قت له عندي كاميرا مابي

قالي عادي انا اصورج اذا ما اعجبوج لا تاخذينهم

قلت له اوكي بس بشرط كل صوره تصورها بكاميرتك صورها بكاميرتي بعد وقالي اوكي

ولما طلعنا شفت الصور ما خذيتهم لان عندي نفسهم بالضبط

جني قصيت عليه؟ هههههههه


وقفت اهني وتسلقت وقلت حق اختي صوريني وانا اتسلق

جان اتكرفس :$ هههههههه



لعبنه بالممرات الثلجيه


المره الأولى عدت على خير


المره الثانيه صارلي موقف يضحك لوووووول


شوفوا هذا شلون قاعد المفروض اني انسدح عليها واتزحلق

توني يايه بقعد جان ازلق واطيح على كوعي آيييييي :(

وكنت متمسكه مابي اتزحلق لانه يعور لازم احط البورد تحتي

قعدت اصرخ سحبوووووني سحبوووووني لوووووول

الي تشتغل غبيه تبي تحط البورد تحتي !!

يعني شلون بتحطينها وانا مو قادره ارفع نفسي قاعده ازلق واصرخ عليهم

واختي مادري شتسوي اخر شي يت اختي مع الي تشتغل وسحبوني ههههه

بعدها تزحلقت بس كوعي يعورني :(((


كل مره يغيرون ديكوراتهم على حسب الموسم



بعدها رحنه نتزحلق بهذي اللعبه مادري شسمها


الريال قال حق اختي تبين ادزج حيل قالت له لا مابي بعدين تطيرني لي فوق

جان يقولها تغديتي؟ قالت له لا !! جان يدزها حيييل

قالها عشان تروحين فوق عند المطاعم تتغدين ههههههه


وصل دوري جان اقوله انا ابي حيل

ويليتني ما قلت له طيرني لما طاح بنطلوني !!! لوووووول

كله من الي عطتني سايز كبير


المره الثانيه وانا نازله قاعده اصرخ وكشتي شكبرها

ما اشوف الا فلاشات بويهي ما بقى احد ما صورني


كاميرتي اهني بدت تخرف صار كلها ماي


رجل الثلج




هالمكان ذكرني بزعفرانه كانت تخاف منه لووووول



لعبنه لبيده انا واختي انا انخش واهيا تدورني والعكس ههههه


لقيتها اهني تطل من الفتحه لوووول



ice cafe



قعدنه شوي بالقهوه


شوفوا هدومي شكبرهم :(((

عانيت كل ما امشي يطيح !!


كانوا يايين يهال رحله يحليلهم كانوا وايد مرتبين

يمشون مع بعض ولما يو بدشون القهوه صفوا بالدور

لو عيالنه جان ذوبوا الثلج هههههههه


لما خلصنه طلعنه ورحنه عند امي الي كانت تراقبنه من بره وتصورنه

ورحنه عند المطاعم وطلبنه غدى تيك اوي وردينه الفندق

تغدينه وريحنه وانا قعدت سويت كشتي هههههه

ولما صارت الساعه 3:30 نزلنا اللوبي بانتظار الرحله القادمه والي اهيا

Safari

وصل السايق الى الفندق


الطريج تقريبا كان ساعه وشي

وصلنه




كان الجو عجييييييييب


نزلنه عشان يفشش التواير وقعدنه نصور على ما يخلص


وناااااسه



ركبنه السياره واهني بدع فينه


الي يسوق فينه كان عجييييب احسن من الباجي

يختار اماكن تخررررع


امي مسكينه بس تصرخ لوووووول



كنت رابطه الحزام وطول الوقت جتفي يطق بالجامه والحزام يشد

وبنفس الايد الي طحت عليها بالثلج :(


بعدها نزلنه عشان نصور واهما يستعرضون جدامنه ونصورهم


عجبني شكل الشمس


هذي سيارتنه



جوتيي انترس تراب



وبدأ الاستعراض






جنه غرز؟

لحظه اسوي زوووووم


اي والله غرز هههههه


وصل المنقذ ههههه


ايواااا طلع



روميو وجولييت

بس اخوان هههههههه

انا فوق الجــبــل :)


ولييين غرز مره ثانيه


وصل المنقذ لوووووووووول


شافتني اصور جان تطل من الدريشه مستانسه هههههه



حفره غريبه


واهني غرز مره ثالثه !!!

وطبعا المنقذ دائما بالخدمه ووصل للمره الثالثه ههههه


اسحب اسحب


همممممممممممم

هالمره جنها جايده!


هذا سايقنه الي واقف يساعدهم


افـــــاااااااااااااااا

غرز المنقذ!!


وخروا وخروا

وصل المنقذ الثاني


يالله اسحب


وجان يسحبهم

ايواااااااااااااا


عقب ما خلصنه هاللويه كلها والوناسه بالسفاري رحنه
المخيم

وكان يبعد عن المنطقه 15 دقيقه

الجيبات الباجي طلعوا صوب الشارع

بس سايقنه لا بدع فينه طول الـ 15 دقيقه اهوا يصعدنه وينزلنه بالجبال

نصيحه لا تروحون ماكلين!

ركوب الجمل والمشروبات والعشاء ونقش الحنه كلهم مجاناً

اول ما وصلنه قالي السايق ركبي الجمل

انا ها ؟ جمل؟ @@

يمااااااااااااا

ولا مره ركبت بس احب اغامر

وقفت عنده واطالعه واضحك وانا خايفه جان اييني مصور قالي يالله ركبي بصورج

دام فيها صوره يالله اركب هههههه

ركبت اول ما قام وانا بس اصرخ يخرررررع وريحته خايسه

وطول الوقت المصور يصورني واختي بعد تصورني

فر فيني فره وبعدها وقفوه عشان انزل

الاخ الكريم الفاضل المحترم "الجمل" نزل بس ايده وريله واقفه !!!

وانا احس اني بتكرفس واصرخ لاني قاعده وره

بعدين يوو طقوه وقعد هههههه

وانا فوقه حمدت ربي انه عندنه طيارات وسيارات !!

مو مريح كلش مادري شلون كانوا يسافرون عليه!


بعدها نزلت جان يقولي السايق تعالي أجري بـــقـــي

جان استانس واتشقق

لان من زمان بخاطري اركب بقي ولا مره بحياتي ركبته


ركبت البقي ومو عارفه شلون اسوقه

جان يعلموني عليه والسايق يقولي بليييييز شوي شوي

وامي تقولي شوي شوي مو تشخطين

وانا مخترعه ومستانسه بنفس الوقت

المهم مشيت شوي ... البانزين بإيدي والبريك بريلي

وانا كله انسى ان البانزين بايدي وكل شوي ادوس بريك وراسي يطق لي جدام لووووول

شكلي فلم امشي 5 ثواني بعدها بريك لووووووووول

وكنت بروحي بالمكان محد معاي فماخذه راحتي

عقبها تعلمت وقمت اشخط وامي تصرخ علي شوي شوي

وكان في يمي جبل وانا ماقربت صوبه بس لما تعلمت تشجعت ورحت فوق الجبل

وانا شاااااااااخطه ومستانسه

فجأة !!!

غررررررررررررررزت

لووووووووووول

طبعا ما استوعبت اني مغرزه

جان ادوس بانزين ولا يصير دار مداري تراااااااااب

واصرخ وانا دايسه بانزين والتراب يدش بحلجي

لما تسبحت عدل بالتراب جان استوعب واهد البانزين

جان اييني الي يشتغل بالبقي ماله ويدزني عند نزلة الجبل وتكون مايله حيييل

وقالي دوسي بانزين عشان ما تطيحين

وانا الهبله نازله ورافعه ريولي وايدي علبالي قطار الموت واصرخ

ومو قاعده ادوس بانزين !!!

شكلي فلم زين ما انقلبت لووووووووووول

بعدها حرمت اصعد الجبل بس قعدت احوس تحت

لما يه صبي انجليزي واجر بقي وقعد يحوس معاي

فكنت دايسه حدي واهوا دايس ويه بويهي

انا توهقت مادري وين اروح يمين ولا يسار !!!

جان الف يمين ولا اهوا بعد يلف يمين حدي اخترعت بس الحمدلله انه اهوا خبره ولف عني بسرعه

جان اروح عند امي بسرعه واقط البقي الهندي يقولي كملي قلت له بس مابي خفت هههههه

وهذا البقي مالي



لما خلصت من البقي دشينه المخيم


اهني يلبسون العبايه والبرقع او الكندوره ويصورونهم

كنت ابي البس الكندوره واصور فيها بس كان زحمه مالي خلق انطر


وهذا يبيع هدوم رقاصات هههههه


لما رحت مع امي باخذ كولا شافني الريال اصور جان يقولي ترا موجودين بالجمعيه ههههههه

قلت له انا اول مره اشوفهم !! خخخخخ


وبسطنه



عقب ما شربت الكولا حسيت انه ريولي ثقيله

فصخت الجوتي جان اطلع منه التراب


صار وقت العشا وما قمنه مالنه خلق وما كنه مشتهين ناكل بهالتراب


هذي البنيه كانت بدعه

فيفي عبده بس النسخه الهنديه لووووول

طول الوقت كانوا حاطين اغاني واهيا ترقص شرقي

واخوها قاعد يعلمها


ولما كنه قاعدين كل شوي ايي واحد يقولنه قوموا تعشوا واحنا انزين وما نقوم

اخر شي يابلنه العشا مسكين

جان ناكل نتفه عشانه بعدين قطيناه

ما احب اكل مكان فيه تراب وانا بروحي كنت متسبحه بالتراب لما غرزت حسيت نفسي ويع ههههه


ولما صارت الساعه 8 طفوا الليتات وقعدنه فوق الستيج

جان تيي الاخت "الرقاصه"

اول شي كنت مستملقه الوضع لانها كانت ترقص بروحها

لبستها هدوم ههههههه ;q


بعدين قامت تقوم الرياييل

وقومت هندي جان مرته تطقه لوووووووووول


تسوي حركه ويقلدونها وقعدوا ضحكوا عليهم

الي لابس برتقالي بـــــــــدع!


اهني انا مت من الضحك عليه لما ينزل جنه بطه!


لا تعليق!

لوووووووووول


خلص دورهم بعدين يه دور البنات


لاحظوا فيفي عبده الصغيره قاعده تحفظ الحركات

والي قاعد يمها المدرب اخوها!

لووووووول


هذي شاريه الهدوم من المحل وكاشخه فيهم ههههههه


عقب ما خلصوا البنات ردت الرياييل مره ثانيه لما خلصوا يه دور البنات

واهني طبت وياهم فيفي عبده الصغيره عقب ما احفظت قامت ترقص وياهم ههههههههه


ولما خلصوا رحت خذيت صورتي مالت الجمل

وطلعنه


ردينه الفندق على الساعه 10 وشي

وكنت حدي متليشه وتعبانه الصبح ثلج و بليل صحرا!!

اول ما وصلت الفندق حسيت نفسي جني راده من بحر وكلي تراب

الحمدلله اني رديت صاحيه مو متكسره

بس اليوم الي وراه طلع علي

ذبحني عوار جتفي ورقبتي صوب الحزام لان كان يشد وكوعي من الطيحه بالثلج :(

بنهاية اليوم الحمدلله استانسنه وايد وايد وخاصه اني ركبت الجمل والبقي

وكانت هذي اول مره بحياتي اركبهم :)

نصيحتي للي بروحون دبي لازم تجربون السفاري




البقية تأتي

هناك 19 تعليقًا:

DoDoq8 يقول...

waaaw bost 3geeb

elmn8th '9a7kne looool

lazm elmra elyaya ngrb elsfare

:)

عثماني يقول...

استمتعت برحلتج اخيتي

:)

شاي الضحى يقول...

DoDoq8

اي لازم تجربينه لانه حده وناسه وتغيير عن المولات :)


مشكوره :)

شاي الضحى يقول...

عثماني


حياك الله اخوي :>


وشكرا على التعليق :)

رورو الشخبوطه يقول...

السلام..

وناسه جربتي متناقضين بنفس اليوم...

وسلامتج ..

ومرسي ..

بانتظار الباجي..

شاي الضحى يقول...

رورو

وعليكم السلام ... هههههه حدهم متناقضين :)


والله يسلمج ... de rien :)



مشكوره :>

غير معرف يقول...

السلام :)
اشتقت لسوالفج .. عاد صار لي فترة ما شفت بلوقاتكم ..
الحمدلله على السلامة .. يا حلو دبي ودي اروح لها مرة ثانية .

Ra-1 يقول...

LOOOL 3ajeeb elpost :)

جربت دبي سكي بس السفاري شوقتيني أروح له إن شاءالله آخر هالشهر بروح دبي
عجبني جوتي
von dutch :p

مت من الضحك على الهندي إلي مرته طقته!
LOL

شاي الضحى يقول...

حنان

اهلين حبيبتي ... معذوووره دراستج اهم :)


الله يسلمج من كل شر :)



مشكوره :>

شاي الضحى يقول...

Ra-1

السفاري وايد اونس من السكي ... وتروحين وتردين بالسلامه

ما يغلى عليج هههه ;q


اي بعد تطقه وتشلع عيبه هذا الي ناقص يرقص مع الرقاصه وجدامها هههههههه والله خوش وحده ;q


حياج الله :>

الوتيــــــــــن يقول...

وناسه .. مالا داعي أروح تونست اهني

أهم شي بالموضوع اللبيده اني واختج .. ياحلوكم :)

رحلة ممتعة والتكملة أيضاً

شكرا شوينتنا لتقاسمك معنا هذه الذكريات الممتعة

يتبع مع التكملة...

شاي الضحى يقول...

الوتين

لا لا لما تروحين غير اونس من الصور ... ودووم انشالله مستانسه :]

انتي الي يا حلوج ويا حلو تعليقج ;)


عفوا ... حياج الله :>

SHAHAD يقول...

عجييييب البووووست
حسيت اني معااكم والله
حدي استااانست : ))
عليكم بالعااافية

شاي الضحى يقول...

Shahad

شكرا على التعليق :)

الاوركيده يقول...

عليج بألف عافية

شوقتيني على دبي

:)

شاي الضحى يقول...

دمعة المقهور


الله يعافيج :)


شكرا

mo3ath يقول...

توني كتبت تعليق شطوله ومتفاعل مع بوستج بس بلوقج مايمون على الماك بوك الي عندي مادري ليش اعتفس وزعل وبالاخير مانزل التعليق لووول D:

اهم شي دعايه تويوتا الي سويتيها P:

سالفه البقي مو صج ، طفولتج معذبه ؟ اكو احد مو سايق بقي من قبل !! الشتا الي طاف انا علمت اختي اشلون تسوق بانشي لوووول بس سالفه الغرازه حدها فصله

وهم بعد البيبسي وربعه لما قالج موجودين بالجمعيه كاااااك فصلت على ردج D:

نقول حمدلله على السلامه ولا لما الحين هناك ؟ D:

mo3ath يقول...
أزال المؤلف هذا التعليق.
شاي الضحى يقول...

معاذ

لا بلوقي طيب ما يزعل على احد هههههه ;q

لا طفولتي كلش مو معذبه ... بس ما صادف اني اركب بقي وانا الي اسوقه مره ركبت مع ولد خالتي بس كنت صغيره

اهوا استغرب انا ليش قاعده اصوره فقد يتطنز علي


لا رديت ... الله يسلمك :)


شكرا :>