هالاسبوع انشغلت شوي بعدة أشياء عشان جذي ما كملت باجي التقارير ولا نزلت موضوع يديد
راح اقولكم البعض منها
راح اقولكم البعض منها
هالايام مادري شفيني صايره ادمان على كندر كنتري!عاد انا اذا حبيت شي ينقرض .. الله يستر من هذا لا ينقرض!!
------------------------------------------
قبل كانت عندي هواية ايمع الالعاب الي داخل كندر سوربرايز
لما صار عندي وااااايد العاب ما تتصورون شكثر
بس لما كبرت يبت جيس وقطيتهم فيه
وخذيت الجيس وقطيته بالزباله (تكرمون) الحين تحسفت :(
--------------------------------------------
قبل فتره كنت قاعده ادور على حب همداني رحت جم فرع لمطحنة الرفاعي قالولي مخلص والمورد ما يابلهم!!
ما قلت لكم كل ما حبيت شي ينقرض!!
المهم بعدها رورو نزلت بوست وكتبت عن مطحنة كاستانيا بالأفنيوز
ولما سألتها عندهم؟ اول شي قالت ما تدري لانها ماتعرف اسم الحب
بعدها سألت لي ولقته ... جان اروح واشتريه
شكرا رورو :>
----------------------------------------------
رورو لانج لقيتيلي الحب انا لقيتلج بجامه هههههههه
شفتها وتذكرتج جان اخذها حقي بس ليلحين ما كشخت فيها خشيتها للبرد ههههههه
-----------------------------------------------
بنص الاسبوع رحت مع اختي ارض المعارض بس مو علشان المعارض لا
رحنه علشان نشتري ذره مشويه على الفحم هههههه احبهاااااا
الي يعرف مكان ثاني يبيعها يقولي
بعد ما شرينه الذرة قلت حق الريال ابي برد قالي تبين حليب ولا كاكاو؟
قلت له ابي Mix قالي ماكو المكينه خربانه!
جان اقوله عادي ماكو مشكله حطلي اول شي حليب وفوقه الكاكاو!
اهوا انصدم قالي هذا جديد !! وسوالي الي ابيه
يمييييييييييييييييي
وشريت كوتن كاندي
-----------------------------------------
رورو عشان ما تغيرين نكج الى صبغ كليرز شريته واخيرا هههههههه
بحطلج صورته لان مايصير احط الصور بالتعليق
بس ليلحين ما جربته
------------------------------------------
ذاك اليوم رحت الغانم وشريتلي الوصله مادري شسمها الي تنقل الصوره من اللابتوب الى التلفزيون
لان صارلي 4 أيام وره بعض اسوي سينما بالبيت انا وامي بروحنه انزل افلام من النت ونقعد نجابلهم
وامي تسوي البوب كورن ونسكر الليتات ونندمج بالفلم
اول فلم نزلته كنت قاريه قصته وشايفه دعايته وحده مشوقني وقلت حق امي عنه
المهم شفناه قبل لا يخلص بـ 5 دقايق جان اقول حق امي يمااااااا خلص الفلم !!!!
جان تقولي وين الي شفناه بالدعايه؟!!!
قلت لها النمره غلط لوووووووووووووووول
طلع مو اهوا الي انا نزلته هذاك اسمه مشابه له ههههههه
اليوم وباجر قلت مابي انزل افلام بقعد اجابل الصور حق التقارير اليايه :>
-----------------------------------------
لما رحت شريت واير من الغانم امي كانت معاي وشرت مكنسة كهربائية
من يابتها البيت وانا متولعه فيها صايره بس اخم هههههه
امس خميت البيت كله بس باقي جم غرفه خليتهم حق اليوم
مابقى شي بالبيت ما خميته حتى القنفات والستاير!
لما وصلت داري خفت على فيالتي لا تشفطهم المخمه!
جان تقولي امي شكبرهم ما ينشفطون
المهم ركبت القطعه الصغيره وقعدت اخم الارفف وخايفه على فيالتي
توني قربت يمهم جان ينشفط تينكي وينكي
لوووووووول
هذا شاريته لي زعفرانه بـ 100 فلس
جان اخذ المخمه واوديها عند امي قلت لها شوفي تشفط :( بعدها سكرتها وطلعته
بس ما رديت خميت صوب فيالتي خفت عليهم
يحليلي والله اخم بضمير اذا ييت بخم مكان اطلع كل شي بره القنفات والطاولات والدثره كلها اخم الصاله بعدين اردهم
----------------------------------------
سيارتي يتها سكته قلبيه مكان الفلشر ما قام يشتغل فقبل يومين بدلوه لي :>
--------------------------------------
أمس قعدت من النوم اشتهيت كيكه من زمان ما سويت زعفرانه مو اهني تشجعني
فرحت لابجيت وشريت وحده كبيره
(الصوره اذتني كله منقلبه)
وشريت كرواسون
---------------------------------------------
قاعده اكتب البوست واكل جيلي بينز مال اختي الكبيره بدون ما تدري لانها نايمه هههههههه
تقولي اذا كليتيه بعرف لاني عادتهم !! لوووووول
----------------------------------------------
امس بالصالون شفت صديقه قديمه اخر مره شفتها لما كنت برابعه متوسط!!
كانت تقول ان انريكي يصيرلها @@
!!!!!!
لوووووووووول لا تعليق
------------------------------------
اعتذر لكم لاني طولت وايد ومصختها ببوستات دبي
ماتدرون شكثر صور عندي حدي ادوخ على ما اسوي لهم جرد واختار افضل الصور
وعلى ما اصغر حجمهم كل بوست انزله ياخذ مني فوق الـ 3 او 4 ساعات
واخر بوست خذه مني يوم كامل لان كان عندي صور وااااااايد عن السفاري
بس انشالله هالاسبوع اوعدكم اني بحاول اخلص التقرير كله :>
هناك 32 تعليقًا:
هههههههههه انريكي يصير لها ؟
منو انريكي هذا !!
حرام عليج توني طالع من الجامعة وكاره عيشتي من الزحمة
ويوعان ووراي نادي وعفسة وانتي حاطتلي برد وذرة وحلويات :(
زين غيروو لج دقم الفلشر شحقة خاشه القديم ؟ هههههههه
بجامة رور حلوه خخخخخخخخ
انا بعد ادمان كندر بكل انواعه ..
شكراً
نمووول
لوووووول يحليلها ما كانت تعرف تجذب ;q
جان ريحت وكليت عقبها دشيت البلوق ... لو ادري انت يوعان جان ما حطيت الصور ... بس يالله عادي مو رمضان روح اكل وبالعاااافيه ...والله يعينك والله يعطيك العافيه :)
مادري اهما يابوه لي جان اخشه ههههههه
اي تونس البجامه :)
لاااااا لا تدمن عليه بعدين تخلصه عني :( ;q
عفواً ... حياك الله اخوي
السلام ..
هالبوست خطير ماشاءالله ..
فصلت عليه خخ..
انا ادمان كندر بوينو واخوي مسافر وصيته ع ميني كندر اللي حطته ستار لي الحين ماحصله :(
وحسافه ع العاب دايما نسوي حركات ونتحسف عليها ..
وعفوا عفوا لا شكرا ع واجب عسى عجبج ؟؟
وبالعافيه يارب..
انا اكود اغراض علي بس نادر اللي استخدمهم وماقلتي من وين البيجاما وملبوس العافيه يارب..
ولقيتي لي الكتاب بعد وناسه ماتقصرين والله..
وبالعافيه يارب ع كثر مارحت معرض الكتاب ماذقت الذره يبيله اذوقها ماعمري كليتها مشويه و الشعر البنات شكله مو من السياره الزرقا مالها الله يزيد النعمه ..
وحلو فكرة البرد زين سويتي ..
وخخخخخخخخخخ ع كثر ماحنيت اخر شي خربطتي بس ان شاءالله يطلع مزبوط..
وناسه احب اجواء السينما صارلي قرن مجهزة لستتي حاطه فيها الديفيديات اللي بالسايت ,,
خخ خوش هوايه انا مره ضايق خلقي جان اقول لامي عاد قالت لي خمي الصالة!!
وي سلامة سيارتج بس احم شنو يعني فلشر؟؟
بالعافيه الكيك والكرواسان والحلاو..
خخ جان سالتيها جم وحده ؟؟
هذي اللي يدتها طارت بالعلج ولا غيرها خخخ ..
قويه يعني لو عربي صدقنا ..
لا اخذي راحتج نبي نستمتع فيه مابي يخلص..
والصور تصغرينهم بالرسام ؟؟
انا اصغرهم ببرنامج كلهم مره وحده ..
ومشكووووره..
كندر كنتري .. @@
انا امزج عليه
لووول
ليش ما يسوون حجم اكبر ؟
x3
هلا رورو وعليكم السلام
تصدقين حتى انا مشوقني الميني وبدبي ما لقيته
اي والله حلو بس مال الرفاعي لا يعلى عليه :)
البجامه من سوق السالميه
اي صج رحتي المكتبه ولا لا؟؟؟ ولقيتي الكتاب؟
انا هبيت فيها قبل 3 سنوات كنت رايحه مع رفيجتي معرض الكتاب وقالتلي امشي نشتري ذره
هههههههه لا مو هوايتي الخمام بس حبيت هالمخمه لوووول وتوني قبل ساعه مخلصه خمام باجي الغرف والمطبخ
الله يسلمج ... الفلشر هممممممم تعرفين لما توقفين بمكان وتضغطين دقمه وتشبلج الاشارتين مع بعض؟! انشالله فهمتي الشرح؟ ههههههههه هذا اهوا الفلشر
والله يعافيج :)
لوووووول ليلحين ما تدري اني كليت منه وامي قبل شوي كملت عليه بعد باقي نصه ليلحين ماتدري خخخخخ
لوووووووووول هذي غيرها ... مادري شفيهم رفيجاتي كل وحده جذبتها اقوى من الثانيه
لا اصغرهم ببرنامج Microsoft Office Picture Manager
صج شنو اسم البرنامج لاني غشيمه بهالسوالف
العفو حبيبتي :)))
حياج الله :>
Hashimoto
اي والله مسوين صغير حق اليهال هههههه يبيله حجم اكبر
لوووول
شكرا :)
لووول بسج خرااابيط
لاتشوفين صورة الكندر الي حاطها بالفيس بوك لوول كانت صدمه احلى ككاو عندي الكندر خفيف وعجيب
شتهيت ذره على الفحم يبيله على يوم بالبيت مع الجاي و الكستنه
لقافه => هالجلي من وين شاريته ؟ ;p
بالعافيه
المباركيه
صايره وايد اخربط كله حلاو وكاكاو وبرد :(
ابي حل؟ ;q
ليش صدمه؟ شنو فيه؟
الللللله ابي كستنه اذا شويت ذره وكستنه اعزمني
لا مو لقافه عادي اسأل الي تبيه ... خذيته من مطار دبي :)
الله يعافيك
مشكور :)
** انريكي يصير لها لووووووووووووووووووووووووووووول اهم شي
نبي كيكة من ايدج انا توني مسويه لزانيا مالت ميللو عجييييبه مادري شفينا عالطبخ
بس حلوه فكرة السينما و سلميلي عالماما
بالعافية :)
وتوني ادري انج و رورو مو لاقين الميني كندر ترا موجود بمطار دبي مع باجي انواع الكاكاو غريبة حسافة ما حصليته :(
ابي ذره .. شلونها لذيذه يعني تسوى اتعنى حق هذاك المكان الي ما اواطنه :)
ميمة السبيت
لوووووووووول شفتي شلون ;q
انشالله اذا سويت بحطها لكم .. امي جربت اللزانيا عطيتها الوصفه وسوتها لذيذه وبالعافيه :)
الله يسلمج يوصل انشالله
شكرا :)
star
الله يعافيج
دورته مالقيته كان في انواع وايد بس ماكو ميني
اي لذيذه لما تاكلينها حاره انا بعد ماحب هالمكان بس اروحله عشان الذره لووووول لو ادري وين تنباع بمكان ثاني جان رحت وقلت لج :)
مشكوره :>
باك..
مرسي خيتو..
لا مارحت بروح الخميس ان شاءالله..
عفيه ع السنعه ترا الخم يعتبر رياضه خخ..
وباجر بخلي السايق يراويني الفلشر ..
انا قلت بتجكج من البوست..
وهذا اسم البرنامج Mihov Image Resizer منزلته من النت..
والله يحيج مشكوره..
ولكم باك رورو
لووووووول صكيتي علي بسوالف السياره صج اني ما اعرف اشياء وايد بس اعرف فلشر ههههههه ;q
شكرا على البرنامج بنزله حق صور التقرير الياي :)
العفو :))
مرسو..
انا مااسوق جاي ولا احب السيارات كلش..
العفو ولو اذا نزلتيه وتبين اي مساعده مايحتاج اقولج انا بالخدمه :)
رورو
صج؟! انا احلى شي عندي السواقه واذا طلعت مع رفيجاتي لازم انا الي اسوق لاني بعد اخاف اذا احد ساق طول الوقت بس اشوف الشارع والمناظر جني انا الي قاعده اسوق فاحس اريح لما اسوق
الحين انا بنزله وبحوس فيه اذا ما عرفت له بسألج :)
شكرا حبيبتي :)
رورو ما فهمت شي
حست فيه بس ما طلعولي كل الفولدرات :(
انا قاص على نفسي اقول مابي اكل ككاو بس اقول اخر مره بعد ماراح اكل و اكل شويه بس اكل نوع خفيف الدهون لول
كل انواع الكندر شاريها حتى منتجات لندن
خلاص نسوي باربكيو على كستنه و نعزم كل لبلوقر
حساافه عبالي من لكويت
شوكرن
اهم شي الذرة المشوية..خصوصا لما ناكلها ويبقى شي منها داخل الفم بصراحة شعور حلو وبايخ!!
وبعدين احد فيكم جرب العصير التالي
برتقال+موز+فراولة من عصير كيفان جد جدا هذا عصيري اللي من وانا ايام الجامعة اشربه صج احس بانتعاش ونعنشة وفرفشة :)
باك..
اي مااحب ولا احب اقعد جدام بالسياره ..
بالنسبه للبرنامج بعطيج الخطوات اللي اسويها وجربيهم ..
خو فاتحته ..
عقب تختارين فايل ومنه سبشل فولد وتختارين المكان اللي حاطه في الصور..
راح تطلع تحت القائمة اللي فيها اسامي الصور اختاري الصور اللي بتصغرينهم لازم ورا بعض..
وتختارينهم بالفاره عادي,,
عقب رسايز و تختارين جيب وصوب البكسل كتبي 500 ..
وبس :)
العفو ولو..
المباركيه
انا ساعات تييني فتره اقطع الكاكاو ونادر ما اكله وساعات لا كل يوم الحين كل يوم :( قبل البطاط عندي ضروري الحين كاكاو وبرد
الله ابيييييييييييي ... اذا ما قدرت تاكلهم كلهم ترا انا موجوده هههههه ;q
يمييييييي يمييييييييي يبييييله
شوف في مركز سلطان يمكن تلقى
عفوا :)
كاريكاتير
نطرتك تقول حق الرجل الاخضر وطنشت فيني جان اروح اشتري هههههههههه .... لووووول ويييع !!!! حده بايخ
عاد انا اموت على العصير بس كله اسوي بالبيت انا مره سويت برتقال وفراوله كان حلو بس ما جربت معاهم موز انشالله بجربه على يووم :)))
حياك الله اخوي :)
رورو
صغرتهم :)))
وناسه بسرعه قبل كنت اعاني وحده وحده ... شكرا جزيلا :)
ومنكم نستفيد :*
زين اشوه ضبط..
نخدمج بعرسج واروح معاج شهر العسل خخخ..
والعفو ولو..
رورو
لووووووووووووول ;q
LOOOOOOOOOOOOOOL
LAA7thaa laa7tha be; hadawa shweshwaay 3aleenaa ;p
Saaalfat ilfilm ilghala6 a6awfhaa , salfaat ilfa9la ily faj'a tkhmen ilbeat kilaa a6wfhaa ., salfat taklen wara akhtech a6wfhaa :P kil shay a6wfaa SAAALFAAAT Y9EEERLAHA NOOO WAY !! MEN 9IJHA HATHEE :P haaate ethaaher waqt'haa ya sahrana wa3alayya aw ta7aat ta'atheer MUKHADEER la'anaa mu men 9ijha il9ara77aa :P ya3nii qaweyaa qaweya echatheb bss mu chethee allah yhadahha enshallaa :P salmay 3alihaa LOL LAW GA3DA MA3AHHA , shdrach chan il7en gayltlich OPAMA y9eer lahhaaaaaaaaa ! :P
طماشة
لووووووووووووووووول
لا ما كانت سهرانه ولا تحت تأثير مخدر لان هذي مو الجذبه الوحيده الي قالتها بس اقوى وحده فيهم لوووووووووول
جذبها يبيله بووووست كامل ههههههههههه
فيها نقص وعليه
يمكن اوباما ابوها ;q
حياج الله :>
الحجي مو جذي ..
السؤال المهم .. جم وزنج ؟؟
لانه بختصار احنا ما ناكل كل هالحلويات ونزيد شلون ما ادري لووووول
سايق باص
هههههههههههه سر سر سر :q
وباختصار بعد روح الممشى كل يوم ;q
لوووووووووووووووووووووول امبي انتي مو طبيعية
انريكي مرة وحدة ؟؟؟@@@
مش معقول ذكرتيني بالمتوسط وحدة كانت تشوفني احب backstreet boys جان تقول لي انها راحت حفلتهم وان المطربين لمن شافوها تنحوا وخلوا كل الشقراوات والحلوات والمزيونات وبطلوا يغنون لمن شافوا سحر جمالها لووووول
بالنسبة للذرة اخذي لج اجازة انتي وريلج وروحي الكبري الي بالقاهرة اكلوا ذرة هناك لين تشبعين
والحلاو امبي احبه حدي مدي ودي اهدي
والايس كريم والله انج ذكية ماشاء الله لوووول
طموحه
اي انريكي بشحمه ولحمه ههههه
رفيجتج بدعت والله بعض البنات مساكين يكسرون خاطري عبالهم اي احد يطالعهم بالغلط يعني ميت عليهم
لا لا لاااا مستحييييل القاهره مره وحده ههههه لو شنو ما اروح هالديره
:)
إرسال تعليق