اكيد اغلبكم سامعين عن برنامج خواطر
تقديم أحمد الشقيري
وخاصة الجزء الأخير الي تم تصويره في اليابان
ما شفت كل الحلقات
أكثر حلقه لفتت نظري ولما شفتها ضاق خلقي
اهيا عن الامانة
وكانوا قاعدين يقارنون الأمانة في طوكيو والأمانة في احدى الدول العربية
في الفيديو الأول راح تشوفون انه تعمد يضيع بوكه في احد الأماكن العامة في طوكيو
وقعدوا يراقبون الوضع
وشوفوا شنو صار
تقديم أحمد الشقيري
وخاصة الجزء الأخير الي تم تصويره في اليابان
ما شفت كل الحلقات
أكثر حلقه لفتت نظري ولما شفتها ضاق خلقي
اهيا عن الامانة
وكانوا قاعدين يقارنون الأمانة في طوكيو والأمانة في احدى الدول العربية
في الفيديو الأول راح تشوفون انه تعمد يضيع بوكه في احد الأماكن العامة في طوكيو
وقعدوا يراقبون الوضع
وشوفوا شنو صار
حتى ما فكروا يبطلون البوك عشان يعرفون مال منو!
أما بالفيديو الثاني سوه نفس الحركه بس باحدى الدول العربيه
وللأسف الشديد هذا الي صار
أما بالفيديو الثاني سوه نفس الحركه بس باحدى الدول العربيه
وللأسف الشديد هذا الي صار
والله شي يضيق الخلق
والمشكله انه يقول حق رفيجه راح نتقاسمهم!
والمشكله انه يقول حق رفيجه راح نتقاسمهم!
منو المفروض تكون عنده الأمانه احنا المسلمين ولا اهما؟
هناك 33 تعليقًا:
اي اهو البرنامج بكبره حلو شفت اغلب حلقاته احلى شي انه مو روتيني او جامد..
وصح حلقه الامانه تعتبر من الاقوى لانه هالشي من اخلاقنا كمسلمين بس للاسف ردة فعلهم غريبه :\
الله يهديهم ولا يبلينا يارب..
مشكوره..
رورو
انا شفت منه شويه
وايد حبيت الحلقة ... هذا الي تربوا عليه للأسف :(
ولا جان ما خذوه بارده مبرده وقعدوا يضحكون
آمين يارب
العفو :)
بصراحة هالبرنامج أكثر من رائع
كنت أتابعه وقت الفطور :)
بصراحة ردة الفعل تحزن وايد
بس بعد انا من وجهة نظري ما نحكم على الكل يعني معقولة في اليابان ما عندهم ولا حرامي واحد ؟
وفي الدول العربية مافي ولا أمين واحد ؟
بس بشكل عام صحيح طريقة حياتهم غير وحتى اخلاقياتهم غير وواضح هالشي مو بس من خلال البرنامج حتى من خلال الكلام اللي نسمعه من زوار اليابان
شكرا عزيزتي
مسلمين بالأسم ..
شي يعور القلب , بس اتوقع لو حطها بالكويت ما تضيع , اكثر من مريع تضيع من الشباب اغراض او تلفونات وترجع الحمدلله ..
شكراً
والله شي يضيق الخلق
والله ماعندي تعليق لأنه كل الي قاله صح
توينكل
بكل الديره تلقين الزين والشين وشي يغلب على شي
ما اقدر اقولج في او مافي لاني ما رحت اليابان ولا اعرف شي عن شعبهم
واكيد بالدول العربيه في اكثر من مليون امين
بس واحد يخرب على المليون :(
عفوا
حياج الله :)
نمووول
بالضبط
وايد .. اي صارت لناس اعرفهم ضاعت موبايلاتهم ولقوهم وهم في ناس ضاعت لابتوباتهم وراحت عليهم :q
عفوا :)
المباركية
يضيق الخلق لان المقارنة صارت بين دولة اسلاميه ودوله غير اسلاميه
لااااااا تعــــــليق
أتفق معاج بكل الي قلتيه.. وأضيف نقطة وحدة انه الشقيري كان يقول في الحلقات: رأيت الأسلام ولم أرى المسلمين
وهي مقولة مشهورة قالها الامام الغزالي إذا ماني غلطانه
..
AM
لوووول :))
she
صح لان الاسلام مو بس ديانه لا .. تصرفات بعد واهما تصرفاتهم نفس المسلمين
والي قالها الشيخ محمد عبده مو الغزالي :)
"رأيت الاسلام و لم أرى المسلمين، ورأيت المسلمين و لم أرى الإسلام"
يالقهرررررررررررررررررررررررر
مالت عليهم
في بعضهم ربو ع هالاشيا وصار عادي عندهم،او تصرفات اكتسبوها وهم يكبرون وماحبو يغيرونها مع انهم يعرفون انها غلط، بالنهايه هالمساله ترجع للمبادئ والقيم اللي يؤمن فيها الشخص وهي ماتعتمد ع ديانه بحد ذاتها
وبعدين مش كلهم هناك امنا فيه بعضهم لا ولكن الاغلبيه طاغيه ونفس الشي عندنا مب الكل بالصوره اللي شفناها.
مهما كانت القضيه ماتقدر تدرس فئه معينه وتعمم الفكره ع الكل،لان فكل مره راح تطلع النتيجه مختلفه.
لا بعد يضحكون!!!عالامانه الزايده يعني
والله يرحم حالنا
I love the show 7ada inspiring!
Japanese people are so organized and polite no wonder they lead the world
w shay ye8har lama nkon e7na muslemeen w nshof 3'earmna y6abe8 a5la8na we7na hathe 7alatna:s
برنامج خواطر رائع جداا ولكن اسفي على ماراينا من نماذج واساليب عربيه وان شاء الله يهتدون ..
جزااك الله خيرا شاي .
لي زميلة كانت مسافرة اليابان اهي وامها والام نست الجنطة في مطعم تقول ثاني يوم ردينا لقينا الجنطة وموناقص منها شي.
الشعب اليايبااني شعب عجيب انجازاته سببها ثقافتهم وسلوكهم ,العامل الياباني يعطونه اجازة بالغصب لان مايرضون ياخذون اجازات مع ان اغلب وظائفهم مضمونه مدا الحياة يعني يقدر يلعب علي كيفة ومايداومه بس سبحان الله يقدسون العمل بشكل موطبيعي
واايد احب هالبرنامج
بالدول الاسلاميه تلف ويهك عن تلفونك وماتلقاه بعدين
واول ناس عند المسايد;p
الله كريم
الله يهدينا
والله ولا مره تابعته بس مره شفت لقطه وما كملت
شكله حلو
وهذوله غربل الله ابليسهم فشلونا الحين يسمونه البواوقه بس عاد على لغتهم :d
البرنامج حده عجيب
اليابنين أخلاقهم رائعة ينقصهم الدين ويصيرون كاملين والكامل الله :)
فعلا أدب وإحترام ونظام أتمنى أن أشوفه في دولنا الإسلامية
حيل ضايقتني كل الحلقات والله لأن تضايقت على أوضاع المسلمين اللي يمثلون دينا بطريقة غلط ويعكسون أسوا الصور لغير المسلمين ونقول ليش الغرب يتكلم عنا جذي لأن المسلمين مو مسلمين بس بالإسم للاسف لا أخلاق ولا دين صح
بس شكل خارجي
وحيل عاجبني البرنامج حتى أنشودة روعة ومؤثرة كلماتها في الصميم
( الحكمة ضالت المؤمن وبنو الإسلام بها أولى حيث تجدها فعليك بها عنها أبدا لاتتخلا
قيم أوصى المختار بها ولنا فيه المثل الأعلى فتخيل لو نتمثلها كم تصبح دنيانا احلى )
فعلا نحن بها أولا
ولكن ولا حيات لمن تنادي :(
أججتي مشاعري والله
يعطيك العافية حلو البوست
يستاهل هل برنامج ينكتب عنه والله :)
يمكن الناس تتغير فعلا :)
عورتني قلوبنـــا والله !
آنـا كذا حلقة شفتهـا وكــنت اتعبــر :((
شكراً جاي الضحى
ولعل هالبرنــامج يكـون سبب للتغييــر للأفضل طبعاً
دلووعه
قولي الله يهديهم
ريم
صح كلامج ... بس من قيم دينا الاسلامي اهوا الأمانه
واكيد ما نعمم بالديره الي صوروا فيهم اكي فيها الزين وفيها الشين
بس لما الناس من الدول الثانيه تشوف هالموقف اكيد بتعمم وخاصه انه مجتمع اسلامي قاعدين يقارنونه بمجتمع غير اسلامي
هير
اي ماشاءالله عليهم جان زين نصير نفسهم
رندا
آمين يارب
مشكوره :)
سويت
زين ما شاءالله ... اتوقع بأي دوله اذا ناسيه شي بمطعم 90% تلقاه لان الي ينظفون يشوفونه ويخشونه
خلف الله على الي عندنه ياخذون اجازه بدون اجازه هههههه
سنعه
هههههههه اي والله لازم ماسكه التليفون وما تهدينه كلش
آمين يارب
ميد
انصحج تشوفينه وايد حلو :)
لووووووووول حلوه البواوقه
والياباني يعني "هيروشيماسوزوكي" ههههههههههههه
ترجمتها لج :q
كوكتيل
اي ما شاءالله فكرته حلوه
في يابانيين مسلمين
الله يعافيج
مشكوره :)
Q8
هالحلقه لما شفتها صج ضيقت خلقي
خاصة ردة فعلهم لما باقوا البوك بطوا جبدي
عفوا
ان شاءالله يارب
شي متوقع للاسف
الله يهدينا ونقلدهم بالطبع والاخلاق الزينه مو بالشي التافه والستايل الفاشل
شكرا
كريزي
احنا ناخذ الظاهر للأسف بس الثقافه والتكنولوجيا ناخذها منهم بس ما نصنعها :(
واو شي صراحه محزن
تلومونهم لي قالو عالم اول واحنا عالم ثالث انا ما اقول انه كل العرب جذي بس الله يسامحهم
مشكوره ع الفيديو الحلو
إرسال تعليق