الأحد، 2 مايو 2010

شيرين بانو

الاسبوع الي طاف اختي يتها ترقيه بالدوام

وقررت او"قررنا" هههههه انها تعزمنه

وقلنه نبي نجرب مطعم يديد

واخترنا Shirin Bano

مكان المطعم صوب جمعية شرق

شفتوا وين محل WOW بنفس المكان

بس المطعم يكون على الشارع الي يمر على الدائري الاول باتجاه دسمان يشوفه


شيرين بانو يعني السيدة الحلوه



اول ما دشيت حسيت جني داشه صالة افراح او لوبي فندق

المطعم دورين الدور الأرضي غرف خاصه كبيره والمطبخ

ما صورتهم لان امي واختي انحاشوا عني


وهذي صور الدور الاول


وهذي طاولتنه


المنيو


اول ما قعدنه يابوا لنه خبز إيراني


هذا مادري شنو ما جربته

بس امي واختي ما عجبهم


خضرا


جبن أبيض وزيتون


وطلبنه

خيار وروب


حليم باذنجان

ما جربته ... بس يقولون وايد حلو


2 بيبسي


7up


انا طلبت كباب سلطاني

اول ما حط الصحن مت من الضحك

ما لاحظتوا شي غريب؟


حاطين الحكوكه ههههههههه


كباب كوبيده

(الصوره تكوكست)

كباب باختياري


مرق باميا


الأكل كان كله لذيييييييييذ

قبل كنت اشوف جاردن التوب الحين شيرين بانو التوب

(هم تكوكست)

الحساب 17 دينار فقط

بعد ما خلصنه اعزمتنه على آيس كريم جيلاتو اتاليانو


خوش عزيمه

ان شاءالله تترقين مره ثانيه وتعزمينه

شكرا اختي

تحديث: المطعم يقدم الأكل الإيراني + الهندي

واعتقد الهندي بس برياني

هناك 44 تعليقًا:

Manoor يقول...

شكل الاكل وااااايد لذيد عليكم بمليون عافية :) عاد انا عمري مارحت مطعم ايراني شكلي بجربه

بدون تعليق يقول...

واااااااااو شكله شهي ولذيذ .. الاكل الايراني حلوووو .. الايرانيين يسون المشويات احسن من الشاميين .. ^_^

شكرا على هالرحلة الممتعة شيرين بانو :^)

joe يقول...

مبررروك على اختج الترقيه و منها للاعلى
و بالعافيه عليكم الاكل

اووف الاكل الايراني عجييب حده خاصه بأيران عندهم مطاعم مكشوفه قعده ارضيه و المقبلات شكثرها
واحلى شي بختياري و كلمة بختياري جنه كلمه فارسيه يعني مشكل

ShaymoOona يقول...

مبررررررررررررررررروك الترقيه ومنها لي اعلى ....عوافي عوافي :( ليلحين ما تغديت 4:15 موتيني يووووع

رورو الشخبوطه يقول...

بالعافيه يارب..

وع البركه ترقيتها ومنها لاعلى..

احلى شي الحكوكه الظاهر الجدر مخصوص حقج :)

مشكوره..

شاي الضحى يقول...

منور

الله يعافيج

لازم تجربين هالمطعم صج لذيذ


شكرا :>

شاي الضحى يقول...

بدون تعليق

المشويات الايرانيه حلاتها مع عيش والشاميين بروحها او مع خبز

عفوا هههههه :q

شاي الضحى يقول...

المباركيه

الله يبارك فيك

والله يعافيك

مو كل اكلهم لذيذ انا بس احب جم شي الباجي ما اكله

شكرا على المعلومه :)

شاي الضحى يقول...

شيمونه

الله يبارك فيج

الله يعافيج ... انتي كل ما تدشين البلوق تكونين يوعانه ههههه

مره ثانيه تغدي ودشي :q

شاي الضحى يقول...

رورو

الله يعافيج

الله يبارك فيج والفااااال لج يارب :)

هههههههههههههه عاد انا ما احبها

لو ادري ماخذتها تيك اوي حقج :q


العفو

رورو الشخبوطه يقول...

لا مشكوره راسج سالم خخخ..

ماكلها انا بعد :)

وتوني طالبه لزانيا عطوني بداله برياني :(

شاي الضحى يقول...

رورو

انتي الخسرانه :q


لوووووووووول شكو؟ شنو هالمطعم الغبي؟

Frankom يقول...

أختياراتج موفقة هالايام (وكل يوم) أنا كل مرة أقول أبي أجربه ومادري شيضير ؟
:)

بالعافية :)

شاي الضحى يقول...

فرانكوم

شكرا :)

اذا تحب الحكوكه :q قصدي الأكل الإيراني نصيحه جربه وايد حلو


الله يعافيك :)

chandal/danchal!! يقول...

بالعافية وان شاءالله دوم الافراح تجمعكم

:)

مادري اذا تعرفين شيرين بانو القديم اللي بسفير انترناشونال

ذاك كان بس ايراني بس كان احسن مطعم ايراني بالكويت


يوم شفت اعلانه فز قلبي عليه بس ضاق خلقي لما دريت انه مو الاولي!

شاي الضحى يقول...

جندل

الله يعافيج .. مشكووووره :)


لا والله ما اعرفه


لا يضيق خلقج جربيه يمكن احلى من الاولي لان اكلهم لذيذ

حياج الله :>

Ms Botamba يقول...

شكله لذيييييييييييذ الاكل..
عليكم بالعافيه و مبروك ترقية اختج و عئبالج ^_-

و المطعم بعد كشخه من داخل حركات :)

أبوفلان يقول...

بألف عافيه ان شاء الله

قاعد اعلق وانا مو ماكل شي من الصبح بس صحن عيش مشغول وروب

وتوني صاحي من نزله معويه

وانا من عشاق الاكل الإيراني

الله يسامحج بس والله اني يعت

Made n Q8 يقول...

مشالله شكله يشوق اتحسين طباخ بيت وعجبتني الحكوكه خخخخ

هذا لازم اروحله وانا يوعانه عشان آكل بضميير :)

وعلييكم بالعافية ومبرووك ترقيه اختج

شاي الضحى يقول...

بوتمبه

الله يعافيج

والله يبارك فيج :)

اول الوظيفه بعدين الترقيه هههههه

شاي الضحى يقول...

ابوفلان

الله يعافيك

سلامتك وما تشوف شر هالأيام الجو منتشر فيه فايروس قبل اسبوع كانت يايتني النزله المعويه

دامك من عشاق الأكل الايراني جرب هالمطعم :)

شاي الضحى يقول...

ميد

اي جنه طبخ بيت ... كنت خاشتها حق رورو الحين بخشها لج :q

الله يعافيج ويبارك فيج

شكرا :>

mazyona يقول...

شكله المكان راقي وحلو
ومبروك الترقية

غير معرف يقول...

مبروك ترقية إختج منها لأعلى :)

شوقتيني أجرب المطعم

لأنه ذوقج مثل ذوقي عندي مطعم غاردن أحلى إيراني حتى أحلى من إلي بالشيراتون وإلي بكراون بلازا

غير معرف يقول...

ماشاءالله
عليكم بالعافية ان شاءالله .. عاد انا غرامي هالاكل :)

مبروك ترقية اختج و عقبال ما ترقين ان شاءالله:)

شاي الضحى يقول...

مزيونه

الله يبارك فيج


شكرا :>

شاي الضحى يقول...

لوير

الله يبارك فيج

عيل جربي هذا حلو الكباب طعمه لذيذ


:)

شاي الضحى يقول...

Hopeless

الله يعافيج

الله يبارك فيج

هههههههههههه اترقى من شنو؟ قعدت البيت؟ ولا تييني ترقية بطاله :q

Shaikha يقول...

الصراحة احب الاكلات الايرانية لذيذة :)
وشكل هالمطعم اكله عجيب
مشكورة شيرين بانو :)

شاي الضحى يقول...

توينكل

اكلهم حلو بس انا ما احب كل شي :)

العفو حبيبتي :)

سلة ميوّة يقول...

يعطيج العافيه...


انا نص مطاعم الكويت مادري عنها

يبيل فره بمدونتج :)

لازم اجرب هالمطعم ..أحب البرياني




بالعافيه عليكم
ومبروك الترقيه ومنها للأعلى ان شالله

وتعزمكم مره ثانيه


حبي:*

غير معرف يقول...

شهيتمشتهي الحكوكة:(

الله يبارك لكم الترقية:)

شاي الضحى يقول...

سلة ميوه

الله يعافيج

ما جربت الاكل الهندي عندهم فما ادري اذا حلو او لا

الله يبارك فيج

مشكوره :)

شاي الضحى يقول...

غير معرف

ما فهمت الا الحكوكه

الظاهر بخاطرك :q


شكرا :)

AlMai Port l ميناء الميّ يقول...

مبروك عليها الترقية وان شاء الله دايماً
وعليكم بالعافيه شكله خوش مطعم والديكورات فعلاً جنج اب فندق.

شاي الضحى يقول...

مي

الله يبارك فيج ويعافيج

شكرا :>

غير معرف يقول...

مبروك لااختك ع الترقيه الله يوفقها

وعليكم بالعافيه شكله رائع والاكل باين انه لذيذ

الله يعطيك العافيه

كوكتيل يقول...

شايونه خوش عزيمة بصراحة :)

أولا شكل المطعم وايد حلو القعدة عجبتي الديكور والكراسي أوكي :)


أما الاكل فشكله فعلا يشوق وحلو عليكم بألف عافية يارب :)

شاي الضحى يقول...

رندا

الله يبارك فيج :)

الله يعافيج فعلا الاكل كان لذيذ

شكرا

شاي الضحى يقول...

كوكتيل

اي والله خوش عزيمه

الله يعافيج

مشكروه :)

Crazy Girl in aGood Way يقول...

يشوق الاكل خاصه الحكوكه

عليكم بالف عافيه ومبروووك الترقيه وعقبالج تتوظفين وتترقين وتعزمينهم :)


شكرا

شاي الضحى يقول...

كريزي

ههههههه اشوف الكل يبي الحكوكه لو ادري ماخذتها تيك اوي حقكم :q

الله يعافيج ويبارك فيج

آمين .. عفوا

مشكوره :)

Ansam يقول...

I really enjoyed your post. I went there last night and posted about it. I also linked it to your post because you have more pictures :-) Thanks

http://ansam518.wordpress.com/2010/05/13/shirin-bano-restaurant/

شاي الضحى يقول...

انسام

مشكوره حبيبتي :)

وان شاءالله الحين بدش اشوف بوستج واتمشى ببلوقج ههههه :)


حياج الله :>