الأربعاء، 5 مايو 2010

سلطة البوملي

منو فينه ما يحب السلطات؟

ادري في ناس ما يحبونها بس انا اموت على شي اسمه سلطه

سواء كانت سلطة خضار ام فواكه

صارلي فتره كله اكل سلطة خضار هالمره قلت بغير

ومن زمان ما كليت فواكه

وبما اني احب الرمان والبوملي قلت اسوي هالسلطه السريعه

المقادير:
أناناس
فراولة
1 بوملي

2 رمان

الكميه حسب الرغبه


الطريقة:


نقطع الفواكه بحجم متوسط

والبوملي قشروها وشيلوا عنها الأبيض لان طعمه مر

واخذوا بس الي داخل

مثل الي بالصوره


كانت لذييييييذه

وهالمقادير تكفي لـ 4 أشخاص


الحلو فيها انها تشبع تتغدون فيها ماله داعي وجبه ثانيه

وطبعا ما تكون حلوه الا اذا كانت الفواكه نفسها طعمها حلو مو حامضه او مالقه

وعليكم بالعافيه

هناك 34 تعليقًا:

غير معرف يقول...

mmmmmmmm shwagteeni ma3ani ma akel la fawaka wala 5e`9ra ysawooli 7saseya

3laich bil 3afya :)

Manoor يقول...

mmmmmmmm shwagteeni ma3ani ma akel la fawaka wala 5e`9ra ysawooli 7saseya

3laich bil 3afya :)

Hope يقول...

مسا الخير

تسلم ايدج
الوانها تونس، عليج بالعافيه

بس عندي سؤال =$ اذا تسمحين يعني
شنو يعني بوملي؟؟ اول مره اسمع بهالفاكهه =S

رورو الشخبوطه يقول...

بالعافيه يارب..

حتى انا اول مره اسمع بالبوملي ..

ومشكوره..

chandal/danchal!! يقول...

بالعافية

خوش اختيارات

:)

وايد احب البوملي بس افضل البرتقالية عن الصفرا


انزين جربي حطي بوملي ورمان مع سلطة جرجير وحطي نتيفة شكر مع الدريسنق... منها سلطة خضرا مطعمة بالفواكة

:)

غير معرف يقول...

يممممي لذيذه تسلم الايادي شاي

شكلها روعه .. ايش البوملي لايكون قصدك البرتقال .. هههههه

الله يعطيك العافيه .

Crazy Girl in aGood Way يقول...

تسلم الأيادي وعليج بالف عافيه

جربي تحطين شوي عصير كوكتيل

احب السلطات خاصه الدريسنق لازم اشربه لووول

شكرًا على الوصفه 

مهرة سالم يقول...

السلام عليكم...
لا تكونين من أهل الرجيم
كل مكان اسيره ألاقيهم مسوين رجيم ..
بس تسلم إيدج على هالسلطه ..
جان طرشتيلي :)
بالعافيه عليج ..
...
دمتِ بخير

coïncidence يقول...

اول مره اسمع بالبوملي
بس اكيد تقصدين الترنج
بالعافيه

غير معرف يقول...

تسلم إيدج شايونه:)

بإذن الله بسوي هالسلطه لأمي
لأنها تحب البوملي واااايد

Ms Botamba يقول...

احنا ابيتنا كله نسوي بوملي و رمان مع عصير جوافه عجيبه تصير جربيها ! :)

* coïncidence
لا الترنج غير..
اسمه الفاكهه بالانجليزي pomelo
من الحمضيات اخت الليمون و البرتقال لووول..

mo3ath يقول...

ممم شكلها يميي

بالعافيه ، خل اوري اختي جوود اكسر خاطرها وتضبطنى على يوم D:

kie kie يقول...

ماني قايله الا .... يم يم

Made n Q8 يقول...

امبييه شنو بوملي :s
بس شكلهاا ناايس :)

يسلمووو الايادي وعلييكم بالعافية

coïncidence يقول...

ahaa 3rfta shfta ktha mrah bs ma3rf esma its Pomelo and it looks like grapefruit, i even taste it :P
duuuuh me!!
pomelo pomelo pomelo

thaanx Ms Botamba :* i just knew the name

aL-NooR . يقول...

شوقتينـــــــــــي
:(((((((((((



هني و عافية :*
احب البوملي
ناطع

*****************

شاي الضحى يقول...

منور

وي عاد احلى شي الخضروات والفواكه كلهم فايده


الله يعافيج :)

شاي الضحى يقول...

هوب

يا هلا

الله يسلمج .. ويعافيج

اي اسمح ليش ما اسمح :)

عادي ما استغرب ان ناس وايد ما يعرفونه

لاني انا ما عرفته الا لما كنت بالثانويه علمتني عليه رفيجتي

اهوا من سلالة الحمضيات العريقه ههههههه

نفس طقت الجريب فروت والبرتقال بس طعمه بختلف ووايد احلى

شاي الضحى يقول...

رورو

الله يعافيج

بين البرتقال والليمون والجريب الفروت :)

جربيه حلو

العفو

شاي الضحى يقول...

جندل

الله يعافيج

بوملي برتقالي؟ ما اعرفه!

احب الجرجير مع الرمان بس ما جربت مع البوملي يبيله والله اجربه

مشكوره :)

شاي الضحى يقول...

رندا

الله يسلمج

لا مو برتقال البوملي غير وكلهم نفس الفصيله :)


الله يعافيج

مشكوره

شاي الضحى يقول...

كريزي

الله يسلمج ويعافيج :)

اهوا يصير تحطين معاها عصير بس انا ما كنت ابي عصير فسويتها ناشفه :)

عفوا

:)

شاي الضحى يقول...

نهار

وعليكم السلام والرحمه

تقريبا :q

بعد هذي الدنيا هههههه

الله يسلمج

ان شاءالله لما اسويها مره ثانيه اطرشلج :q

الله يعافيج

شكرا :)

شاي الضحى يقول...

ريم

لا الترنج ليمونه غير عن البوملي

والبوملي مو حامض نفسها

بس نفس سلالتهم العريقه يصيرون حق بعض من الابو هههههه

الله يعافيج

شاي الضحى يقول...

لوير

الله يسلمج

الله يخليها لج يارب :)

انا بعد احبه واحلى شي فيه انه يشبع

اشتري لها البوملي من دين اند دلوكا ارخص بواااااااايد من الجمعيات


شكرا :)

شاي الضحى يقول...

بوتمبه

اي هم حلو :)

بالضبط


شكرا على التوضيح :)

شاي الضحى يقول...

معاذ

الله يعافيك

هههههههه وليش انت ما تسويها

دشوا المطبخ لو مره وحده :q

شاي الضحى يقول...

kie

ويمييييي بعد :)

شاي الضحى يقول...

ميد

لوووووول

البوملي ولد عم الجريب فروت واخو البرتقال من الرضاعه

وعايلتهم الحمضيات :q


الله يسلمج ويعافيج

شاي الضحى يقول...

ريم

اشوه عرفتي :q

ما قصرت بوتمبه

شاي الضحى يقول...

النور

اذا سويتها مره ثانيه اطرشلج

جربيها وايد حلوه

وتترس البطن

الله يعافيج

ناطع ولذيذ

شكرا :)

Her يقول...

shakelha yshaweg wedy ajareb asaweha:) thanks dear

شاي الضحى يقول...

her

جربيها لذيذه :)

عفوا :)

6umasha يقول...

e3jbtnii !! shay khafeef o sare3 o aham shay ena yshaabe3!!