هذي الصورة لطلبة وطالبات جامعة الكويت بآخر السبعينات
المصدر
شوفوا شحلوهم مرتبييييييين خاصة البنات
اما الحين ماله داعي احط صور لانكم شايفينهم بكل مكان ههههههههه
بالسنوات الاربع الي طافوا كنت لما اطلع اروح اي مول او اي مكان
واشوف البنات ولبسهم ما استغرب لاني تعودت عليهم وعلى ابداعاتهم!
الحين كل ما اطلع واشوف لبسهم عندي شي غريب
بس لما اتذكر الي شفتهم بالجامعه اقول لا عادي هههههه
كانت معاي وحده بمادة الساعة 9 الصبح والله انها تيي كل محاظره
ومسوية تسريحة عرس!
وتلبس تراجي كبااااااااااار ومكياج كامل واذكر كانت تقعد جدامي
وانا وراها اتثاوب يالله ابطل عيني وويهي ليلحين متفخ
وطول الوقت اسرح بشعرها وافكر هذي متى تقعد من النوم وتسوي هالتسريحه
انا زين اغسل ويهي وهدومي اكويهم من الليل
لاني اذا ما كويتهم رحت فيهم معفسين
وكله اقعد قبل المحاظره بنص ساعه اذا بروح مبجر ههههههه
لا وفي بنات يبدعون اكثر واكثر واكثر
وفي بعضهم بالجامعة يكشخون جنهم رايحين عرس واذا شفتوهم باي مكان
تلقونهم لابسين اي شي ومهلقين وماكو ميك اب
عندهم الجامعة جنهم رايحين استقبال
لبسوا شي سنع مرتب ماله داعي الخبه بالجامعة وبره الجامعة!
قالت لي وحده من الزميلات ان في صالون بخيطان كل يوم تروح له
ويروحون معاها البنات من الساعه 6 الصبح يفتح
واهما منقبات يروحون يمكيجون عيونهم بدينار كل يوووووم!!!
وفي وحده كانت تلبس عباية بالجامعة ولما تطلع تلبس الي تبيه
تقول عشان يشوفوني الشباب بالجامعة يقولون عني محترمه
اما ابداعات الشباب شي ثاني
في واحد كنت اتمنى اشوف عيونه!!!
من اول يوم لي بالجامعة إلى اخر يوم لما استلمت شهادتي
وانا اشوفه كله لابس نظاره شمسيه ري بان
ما يقطها كلششششش يدش الكلاس واهوا لابسها
على طاري الري بان قسمنه الظاهر موزعين هالنظاره على الشباب
كلهم نفس الطقه ري بان + قفل + مغترين !
وفي ستايل ثاني بعد مادري شسمونه يمكن اسمه الكول ههههههه
تسريحات بالشعر وفناتق بالملابس
بس بس تذكرت ايام الجامعة المليقة والأشكال الأملق!
كله من هالصوره خلتني استرجع الذكريات
لو بتكلم عن الي شفته بالجامعة ماراح اخلص
بس اكيد انتوا شفتوا نفسي ويمكن اكثر!
وفي بعضهم بالجامعة يكشخون جنهم رايحين عرس واذا شفتوهم باي مكان
تلقونهم لابسين اي شي ومهلقين وماكو ميك اب
عندهم الجامعة جنهم رايحين استقبال
لبسوا شي سنع مرتب ماله داعي الخبه بالجامعة وبره الجامعة!
قالت لي وحده من الزميلات ان في صالون بخيطان كل يوم تروح له
ويروحون معاها البنات من الساعه 6 الصبح يفتح
واهما منقبات يروحون يمكيجون عيونهم بدينار كل يوووووم!!!
وفي وحده كانت تلبس عباية بالجامعة ولما تطلع تلبس الي تبيه
تقول عشان يشوفوني الشباب بالجامعة يقولون عني محترمه
اما ابداعات الشباب شي ثاني
في واحد كنت اتمنى اشوف عيونه!!!
من اول يوم لي بالجامعة إلى اخر يوم لما استلمت شهادتي
وانا اشوفه كله لابس نظاره شمسيه ري بان
ما يقطها كلششششش يدش الكلاس واهوا لابسها
على طاري الري بان قسمنه الظاهر موزعين هالنظاره على الشباب
كلهم نفس الطقه ري بان + قفل + مغترين !
وفي ستايل ثاني بعد مادري شسمونه يمكن اسمه الكول ههههههه
تسريحات بالشعر وفناتق بالملابس
بس بس تذكرت ايام الجامعة المليقة والأشكال الأملق!
كله من هالصوره خلتني استرجع الذكريات
لو بتكلم عن الي شفته بالجامعة ماراح اخلص
بس اكيد انتوا شفتوا نفسي ويمكن اكثر!
هناك 41 تعليقًا:
ياحليهم جنهم اللي بالافلام بس والله محتشمات..
لو مو المغتر ماتوقعت انهم بالكويت..
واي شهالهلاقه ام تسريحة عرس اخاف باروكه خخخ..
ولا ام رسمة عين بدينار ولا رخص..
وعفيه مزاج لو احنا من كثر ماتثاوبين وتدمعين الكحله بتوصل ركبج خخخ..
وي ام عباة مادري منو قايلها العباة اساس الاخلاق قمة النفاق الحمدالله والشكر..
عاد شباب قسمكم اغلبهم يهال وكول هذيل اللي اعرفهم..
انا يضحكوني الصبيان عقب العيد كلهم مغترين خخخ اشكره كشخة العيد :p
ومشكوره..
لووول اشوه انه احنا كليه بناات اتوقع لو كان معانه صبيان جاان صار تهويل اكثر من جذي معه احترامي لباجي البنات
ياحلات العباايه تلبسينها ماتحاتين شنو بتلبسين وشنو بتسوين حتى كافيه شر تعليقات البنات طع هاذي شمسويه وشمبدعه اذا شافوج اسود مايفكرون يشوفونج حتى :×
ياااويلي عليهم محلاهم .. أيام أول راحت خلاص ..
الحين إستوى كل شي مخربط، يعني الجامعة تقوولين يايه معاااريس و لو تسيرين أي مكان هي نفسها ما تتغير .. على الأقل نحن في العرس غير في الجامعة غير في البيت غير في السوق غير هم سبحان الله نفس الطقه وين ما يكونوون هههههههههههههه ..
و حتى النظارات أنا أتنرفز يوم أشووف وحده تدخل المحاضرة بنظارة شمسية وين تبا ما أدري بس عنا كانو في الجامعة يقوولوولهم عقوا النظارات لأنه صدق عيب، و نصهم رقووود قوم بو نظارات .. أحس أحين كل إستوا ستايل .. !!
لا بس سالفة الصالون و يسووويلهم بدينار العين واايد رخيـــص زين ما فتح عنا صالون جي شراته و لا جان راحوا فيها البنات هههههههههههههه ..
بس الصراحة ما كنت أتفيج للجامعة ..
و الله هاي عبيطة عفان الله في الجامعة بعباة و برع الجامعة عاقتنها، و الله المحترم يتم محترم حتى لو مب حاطة شيله على راسها الأهم من ها كله الأخلاق ..
و شكرا على هالموضوع اللي يقهر ههههههههه
lool thakarteny bwa7da kanat ma3ay fi class kanat tye kel sboo3 9ab3'a w kelyom 9ube3' athafer lon w mrakba rmoosh w talbes n3al ba7ar w short dresses la w chan zean 7elwa! chal7a mal7a:p
هذي الصوره بالخالدية.. يممممه عالخالدية :*
حدي مشتاقه لها ولأيامها :*
اول شي تسلم ايدج عالموضوع
بس على طاري عباية بالكلية وبرا لاء
انا أحس عادي لأن أسوي هالحركة وايد, وخصوصاً جامعه وكل يوم .. الواحد صج يمل
بس البدل حق الشتا وايام الغبار و وقت المزاج لوووول
لوووول بدعتي فيهم زين تسوين ،تصدقين انا سمعت عن صالون بو 6 الصبح تقول اغنيه الجسمي XD
سالفه ام عبايه بالجامعه وبره الله بالخير تحر حدها :/
امهاتنا قبل احلى منكم :)
الزمن الجميل :)
يحليلهم مرتبين والله
ذكرتيني بايام الجامعه خخخخخخ
انا اول مادخلت الجامعه كنت اسوي شعري ذيل حصان والويه حدث ولا حرج اما الكورس الصيفي لا شي ماينشاف خخخخخخ
بعدين عاد قمت افل شعري وكله ستريت لين تخرجت والمكياج بس ماسكرا والحمره احطها بالبيت على مااوصل السياره الا واهيا رايحه من كثر ما انتف شفايفي خخخ واللبس الجينز والتي شيرت حق الدبجه اسهل يمكن بس جم مره لبست نفنوف وتنوره..
وصج كنت استغرب من الي يحطون مكياج عرس والبف الي طاق للسقف من الصبح،انزين متى تقعدون؟ انا اقعد قبل المحاضره بساعه واتحسف بس شسوي الطريج زحمه ..
ايييييه
ذكرتينا بما مضى اخيتي
:)
ايام الجامعة
كانت نماين غريبة
طبعا هالكلام كان بداية التسعينات
اتصور ان الوضع الحين صار منيل بستين نيلة
:)
لوووول ايام السبعينات يعني امي كانت معاهم بس موموجوده بالصوره اشوه:P
اي والله صج امي للحين تعايرني تقول قبل احنا اكشخ وارتب منكم! وانا ماصدقها الا لما اشوف الصور واصدق p:
سؤال: انتي كنتي بقسم اللي فيه د.عبدالله العنزي .د. الهدبان؟
اذا اي يعني للحين مثلي ماتوظفتي لأن التخصص مييييت من كل مؤسسات ووزارات الدوله
:P
عفية خلق!
اسمع بهالسوالف وما اشوفها... على زمانا ما كان في خبة بكليتنا!
رورو
اي ذكروني بالافلام المصريه ابيض واسود
لا مو باروكه شعرها وكل مره تيي رفيجاتها يجابلون شعرها ويقولون لها شلون سويتي جذي عاجبهم ههههههه
ما احب الكحل مادري شلون يحطونه يخرع يدش بالعين
عدل كلامج عبالها اذا لبست العبايه خلاص بتصير محترمه
لا حرام عليج مو كلهم يهال هههههههه
اي لازم كشخة العيد
عفوا :)
دودو
هممم والله مادري عن كليتكم
بس في بنات حتى لو كلية بنات هذا لبسهم يبالغون بالكشخه
والله حتى بالعباية في بنات يبدعون كلها ستراس ونقشات ورسمات عفسه لوحة رسم مو عبايه او اذا مافيها شي البسوها ضيييييييييييييييجه !!
AM
تصدقين انتي نفسي انا جذي افكر اذا راحوا عرس شنو بسوون اذا حق الجامعخ جذي
اي بعد النزاره تخش العيوب هههههه
هههههههههه ماكو الا انتي تفتحين لج صالون يبطل من الصبح وسوي كل عين بـ 12 درهم هههههههه
بعد هذا تفكيرها
هو ليش يقهر؟! ههههه
نزاااكه
:)
هير
حدها فاضيه
في وحده كانت معاي 24 ساعه صابغه اظافرها ما تصلي؟!!
الجلحان وايد في منهم ويلبسون قصير والشعر كشه ومستانسين على لونهم يعني تان!
miss
والله مادري بأي كليه بس انتي ادرى هههههه
الله يسلمج
اهوا عادي مافيها شي العبايه ... بس انا اتكلم عن تفكير البنت نفسها تقول داخل الجامعه عبايه عشان الشباب يقولون عنها محترمه مو عشان مالها خلق تلبس
معاذ
لا والله ما بدعت فيهم ... وايد بلاوي ما قلتها
ههههه الجسمي مستوحي فكره الاغنيه من الصالون
ام عبايه شتسوي بعد تبي رضاكم عليها هههههههههههههه :q
سامي
واكييييييد محد يعترض على هالشي
بس كل ناس ولهم زمانهم :)
مشلخ
زمنه ولا زمنهم؟! ههههههه
ميد
الصيفي حر موت من له خلق
لا انا مو صوب الجينز نادر جدا جدا اذا لبسته بالجامعه او باي مكان ما احبه
يقعدون من الفير
كل هذا عشان الكشخه :)
عثماني
بداية التسعينات ونماين غريبه؟!!!
عيل الحين شتقوول
لا والله اكثر ههههههههه
الحين لو تروح الجامعه تضيع عبالك داش استقبال (مابي ابالغ واقول عرس) ههههههههه
الحين احنا نقول جذي انطر بعد جم سنه يمكن يكون الي شفناه مو مبالغ فيه بالنسبه للجيل الياي
الله يستر باجر لا يروحون ببدلات سهره :)
غير معرف
اي صج اهما كانوا ارتب واحلى ... شوفي مسلسلات قبل لبسهم نفس الحين بس بدون خبه
قطععععععععععععع ما لقيني الا هالدكتور تسأليني عنه هههههههه (ما اقصد الهدبان طبعا)
اي للأسف الشديد قسم العلوم السياسية
يالله بعد شنسوي ننطر :q
بس البطاله حلوه ههههههههه
جندل
كل شي يهون في سبيل الكشخه :)
لا انا شفت ولاعت جبدي
ارتفل
واشكالهم حلوه ومرتبه :)
اعتقد قبل الجامعي يبين من لبسه يكون محترم و رسمي غير الحين رايح الجامعه بترينق ماتدري اذا رايح يسوي رياضه ولا بيدرس
المباركيه
في دكتور عندنه كان يطرد الشباب الي يكونون لابسين شورت بالكلاس
والترينينغ صار موضه حتى البنات يلبسونه مع "كعب" وميك اب وتسريحه !
ايييه ايام الجامعه و الله لو اتقارنين ايامي بايامهم الحين اتبطلين عيونج @@ يعني انا متخرجه من سنتين ثلاث و الله فرقو البنات الحيل اشدعوه اشدعوه
هههههههههه شكلج منقهرة وايد !!
أنا صراحة صارت عندي مناعة من هالاشكال ليش اني بالاداب فكل الاشكال تمر علي :)
انتي تعالي شوفي صدمتي لما رجعت من فترة دراستي بالخارج واستقريت بالكويت!!
هههه كنت أشوف البنات "كأنهم من كوكب آخر"!!
لين اشوي اشوي تعودت على أشكالهم وعلى ستايلاتهم الغريبة!
بس هم ما يمنع اني لازلت أشوف أشكال "غير شكل" وما أدري اهم من وين طالعين!! :s
الله يستر!
خخخخخخخخخخ
والله والله انا ساعتيين لين ما اجهز ولا اسوي شي في عمري لأني كله ادخل و اطلع
هذيل متى يلحقن يسووون كل هاه ماعرف
حتى عندنا فالكليه جيه صرت اتعب نفسيا و يالييته حلو ولاا حد يقدر يشوووفه شيفه تراهن
و على طاري النظاره عندنا وحده نفس الشي خخخخخ
البنات مبدعات والشباب بعد ..
المشكله كل سنه تزيد الظاهرة ويزيد
الاكشن ما ادري ليه :$
شيمونه
لما رحت استلم الروب تغيروا علي البنات وايد خاصه المستجدات
مع اني ما صارلي سنه من تخرجت !
هوبليس
اي والله باطين جبدي
لانهم مو يايين يدرسون
الاداب حالها حل كليتنه نفس الطقه
ENG
اشوه تعودتي ههههههه
ومهما تتعودين لازم تطلع موضه يديده وغريبه وعجيبه
دلووعه
ساعتين؟!!!!
ههههههه شتسوين !
يعني عندنا وعندكم خير
ابتسامه
بعد سنه البوست الي كتبته بيصير عااااااادي مقارنة بالي قاعدين نشوفه بالواقع
وطبعا في اشياء واااايد اكثر من جذي ترا صج انا ما قلت شي بالبوست
يعني الابداعات اكثر
الجامعه تاسست 1968
وهذه الصورة قبل الملون
ومن اشكالهم واضح انه آخر الستينات
والارجح ان هذولا وفد عربي زائر
لأن اشكال الطالبات ونوعية شنطهم مو جايين للدراسة وانما لزيارة جامعة الكويت
ربما بمناسبة تأسيسها..او مناسبة اخرى
واضح ان اللي مغتر مرافق لهم من اداريي الجامعه
انا من خريجي الجامعه اواخر السبعينات
وشكرا ع الصورة
نبي اكثر اذا لقيتي،،،
والله اعلم
غير معرف
جامعة الكويت تأسست عام 1966
الصورة خذيتها من جريدة الوطن واهما كانوا كاتبين عن دفعات آخر السبعينات
وانا حاطه المصدر فما عندي فكره اذا هذي الصوره بالستينات او السبعينات
ويمكن صح كلامك
وحتى الي بالسبعينات اشكالهم غير هم احلى من الي قاعدين نشوفه الحين :)
عفوا
لا والله من وين لي ماكو الا احوس بأرشيف الجامعه هههههه
شكرا :)
إرسال تعليق